RTV EUME

1ª Festa do "Freixó" do Freixo

2012-02-08T07:21:00.001-08:00

As Pontes acollerá o campionato galego de Taekwondo infantil

2012-02-08T07:15:00.001-08:00

A concellería de Cultura abre o prazo para anotarse no IX Certame de Comparsas Vila de As Pontes

2012-02-07T09:24:00.001-08:00

• As agrupacións que tomen parte nesta cita poderán repartirse 2500 euros e diferentes mencións por espectáculo realizado, vestiario ou composiciónsO Concello de As Pontes, a través do departamento municipal de Cultura, está xa a preparar o que será o programa de actividades para celebrar o antroido de 2012. Unha das citas ineludibles destas datas é a do domingo de antroido, 19 de febreiro, xornada na que terá lugar unha nova edición do Festival de Comparsas Vila de As Pontes, a novena xa e que ano tras ano, congrega a unha importante cantidade de público con ganas de pasar unha tarde de domingo de antroido entre gargalladas, chistes e rimas do máis estrafalarias.De feito, este mesmo mércores abrirase o prazo para que as agrupación que así o desexen se anoten neste certame que, como máximo, contará con sete grupos participantes.As agrupacións que desexen anotarse nesta cita deberán pasarse denantes do 15 de febreiro no departamento municipal de Cultura (1ª andar da Casa Dopeso), de luns a sábado en horario de 10.00 a 13.30 horas.As condicións a cumprir son semellantes ás de convocatorias anteriores xa que cada comparsa deberá contar como mínimo con 10 integrantes, vestidos cunha mesma temática. Asemade, será imprescindible presentar como mínimo tres composicións que deberán contar cunha letra en galego e con acompañamento musical.Ademáis de participar no festival de comparsas, que terá lugar o 19 de febreiro ás 18.00 horas, no auditorio municipal Alovi, estas agrupacións deberán tomar parte no desfile de antroido do 21 de febreiro.Pero o esforzo terá recompensa xa que o Concello repartirá, en contías idénticas, 2500 euros entre todas as comparsas que tomen parte neste certame e que poderán ser ata un máximo de sete. Asemade, tamén haberá mencións especiais para a comparsa con mellores letras, a que presente un mellor vestiario ou a que realice a mellor presentación.

O Concello de As Pontes dotará cun local propio ao colectivo A Xanela

2012-02-03T06:24:00.001-08:00

O Concello de As Pontes dotará cun local social para o colectivo de discapacitados activos A Xanela, unha asociación que, tras moitos anos de demanda, aínda non gozaba dunhas instalacións propias nas que realizar as súas actividades, polo que, deste xeito, dende o goberno municipal o que se busca tamén é recoñecer a importante labor que se está a desenvolver dende o mesmo.Este inmoble será un módulo arquitectónico configurable que servirá para a prestación de servizos a persoas con algún tipo de discapacidade.Este módulo, con máis de 160 metros cadrados e para o que se destinarán 169.999 euros, cumprirá con toda a normativa que rexe para a habitabilidade dos espazos nos que se teña que desenvolver calquera persoa con algún tipo de discapacidade física.De feito, a construcción contará con zona de acceso ou soportal accesible, zona de recepción, sala de arquivo de documentación, sala de reunións, aseos e zona de usos múltiples sen dividir, estadías que servirán, para ofrecer diferentes actividades educativas, sociais e asistenciais e, por outro lado tamén suporá un aforro de custes para a dirección de A Xanela, que non terá que pagar o alugueiro das súas actuais oficinas.A construcción estará composta por módulos, de aceiro, carpinteiría interior de madeira e exterior metálica de aluminio, instalacións de fontanería e electricidade, e pavimento interior de resina e deberá estar construído nun prazo de cinco meses dende a concesión do contrato polo que as previsións do goberno municipal sitúan a posta en marcha destas dependencias de cara ao verán.Nas vindeiras semanas, está previsto que arrinque o proceso de adxudicación destes traballos xa que o pasado 24 de xaneiro pechábase o prazo para a presentación de ofertas.Asemade, o pasado 26 de xaneiro, o executivo local e a dirección da Xanela rubricaron o acordo de revocación da cesión dunha parcela para a futura ubicación dun centro asistencial.O alcalde de As Pontes, Valentín González Formoso, e o presidente do colectivo Juan García Gómez foron os encargados de asinar este documento que deixa sen efecto un acordo previo realizado hai dous anos, entre as dúas partes. A cesión gratuíta desta parcela municipal de 3.575 metros cadrados, ubicada na avenida de Lugo, tiña como obxectivo a construción dun centro de atención para persoas con discapacidade e contaba cunha vixencia de 30 anos. Agora este terreo volve ser propiedade municipal, co que non se desbota o empregalo para o mesmo fin que estaba proxectado. De feito, a Asociacion A Xanela tivo que abandoar o proxecto por non acadar a financiacion precisa aínda que tan só de xeito temporal.

As Pontes premiará con 1500 euros aos gañadores do certame de cestas da XXXII Feira do Grelo

2012-02-03T05:45:00.001-08:00

• O departamento de Cultura está a ultimar os detalles da XXXII edición dunha das feiras gastronómicas máis importantes do antroido galegoO Concello de As Pontes, a través do departamento de Cultura, ven de dar a coñecer as bases que rexerán unha nova edición do certame de cestas da XXXII Feira do Grelo de As Pontes.Tal e como deron a coñecer dende a concellería que dirixe Sara Ramos, esta tradicional cita do antroido pontés repartirá máis de 1.500 euros en premios, entre os participantes nun certame que, un ano máis, volverá congregar a ducias de veciños e veciñas coas súas propostas protagonizadas, por suposto, polos grelos da zona e por riba con grandes doses de orixinalidade, xa que tamén, un ano máis, o xurado premiará aquelas cestas mellor engalanadas.No tocante ás categorías, non haberá cambios con respecto a anos anteriores, xa que premiarase a calidade do grelo e decoración das cestas presentadas.Así as cousas, o primeiro premio á calidade recibirá 300 euros, o segundo 250 euros e o terceiro 200 euros, ao que se sumarán tres accésits de 60 euros cada un. No que respecta ás cestas mellor engalanadas, estas loitarán por un primeiro premio de 300 euros, un segundo de 200 euros e un terceiro premio de 100 euros.Asemade, cada participante recibirá 20 euros en concepto de desprazamento.Os participantes deberán ser maiores de 16 anos, presentar unha cesta con a lo menos dez madas de grelos, e anotarse denantes das 10.00 horas día da feira, programada para o vindeiro día 19, ou ben no departamento municipal de Cultura ou no posto que se instalará o propio día da feira nos arredores do colexio Santa María.Un xurado especializado será o encargado de valorar as cestas ata as 11.00 horas, momento no que os participantes non premiados poderán comezar a vender os seus productos ao público.Xa en torno ás 12.30 terá lugar a tradicional entrega de premios que estará presidida polos membros do xurado e tamén representantes do goberno municipal.Malia que aínda a programación desta cita está por pechar o que sí que se coñece xa é o cartel anunciador desta cita, elaborado pola artista Lúa Ribeira.No mesmo é posible atopar todos os elementos típicos destas datas de antroido cunha cachola de porco cun anteface e un grelo a modo de tocado, engalanando a súa testa. Non podían faltar os chourizos tan propios do cocido de entroido, aínda que desta vez en forma de cella. Cores chamativas e un deseño innovador caracterizan esta primeira pincelada dunha convocatoria gastronómica que, ano tras ano, sitúa a As Pontes nun lugar destacado no listado de festas que se organizan por estas datas en toda Galicia e é que, cando o produto é de calidade, éste xa se vende por sí só e logra captar a atención non só dos propios veciños de As Pontes, senón tamén dos concellos de toda a contorna.

O Concello de As Pontes acollerá o vindeiro sábado o seu primeiro Torneo de Caiac Polo

2012-02-03T05:43:00.001-08:00

• Catro equipos de As Pontes, Ferrol e Asturias tomarán parte nesta competición na que tamén estarán os nenos e nenas que participaron nas II Xornadas Acuáticas O Concello de As Pontes, mediante o departamento de Deporte e Educación, porán en marcha este mesmo sábado a primeira edición do Torneo de Caiac Polo Concello de As Pontes nas categorías de infantil e adultos, co fin de conmemorar a clausura das II Xornadas Acuáticas.De feito, está previsto que nesta cita participen un total de 60 deportistas pertencentes aos clubes Grupo Xuvenil de Piragüismo (As Pontes), Folixa (As Pontes), Copacabana (Ferrol) e Siero (Asturias), 15 deles alumnos e alumnas das II Xornadas Acuáticas, celebradas nestas semanas e que serviron para achegar os deportes do piragüismo e do caiac a nenos e nenas de entre 6 e 14 anos, gracias ao traballo conxunto da concellería de Deportes e o Grupo Xuvenil de Piragüismo.A piscina municipal será o escenario onde terán lugar os diferentes encontros que arrincarán ás 09.00 horas ata ás 13.00 horas, cos diferentes partidos das categorías adultas e algún encontro infantil. Posteriormente, todos os participantes desfrutarán dun xantar conxunto nun mesón pontés.Xa pola tarde, dende as 14.00 horas ata as 19.00 h horas celebraranse o resto encontros na categoría infantil.No que respecta á entrega de premios, ésta terá lugar ás 19.00 horas e ademáis de facer entrega dos trofeos acreditativos aos equipos gañadores tamén se entregarán diplomas acreditativos a todos os nenos e nenas participantes.A entrada a esta competición é totalmente gratuíta de aí que, dende a concellería de Deportes animasen a todos os veciños e veciñas a achegarse ata a piscina municipal para desfrutar desta gran competición acuática e tamén dos importantes progresos rexistrados polos pequenos e pequenas que, nestes días, estiveron a tomar parte nestas clases que tamén foron totalmente gratuítas.

Os cómicos Manu Badenes e Txabi Franquesa estarán en As Pontes a vindeira semana

2012-02-01T08:20:00.001-08:00

• As localidades pódense mercar no departamento de Cultura a un prezo de 10 euros ou ben o día do espectáculo no auditorio Alovi por 12 eurosO Concello de As Pontes, a través do departamento de Cultura, albergará o 11 de febreiro a actuación dos monologuistas da Paramount Comedy Manu Badenes e Txabi Franquesa.O espectáculo, que terá como escenario o auditorio municipal Alovi, arrincará ás 22.30 horas e contará con grandes doses de humor, gargalladas, chistes e gracias que, de seguro, captarán a atención de centos de veciños e veciñas que non dubidarán á hora de participar neste espectáculo.De feito, ben coñecida é xa a faciana do actor, presentador e ex reporteiro de Caiga Quien Caiga Txabi Franquesa, catalán de 36 anos, tamén moi vencellado ao mundo do teatro coma actor e director, ou da literatura a traverso da publicación de varios libros de humor xunto con outros grandes nomes do xénero coma Santi Rodríguez ou Agustín Jiménez.Moi dilatada tamén é a carreira de Manu Badenes, o seu compañeiro nesta visita a As Pontes. Un cómico madrileño ao máis puro estilo de Saturday Night con textos nos que priman as situacións máis propias da vida cotía que todos sufrimos a diario.Actor, guionista, debuxante e escritor, Manu Badenes xa pasou pola televisión, polo cine, o teatro ou o mundo das ondas e agora chegará a as pontes mediante o seu particular xeito de ver a vida.Para desfrutar destes dous grandes cómicos tan só é preciso facerse cunha das localidades que xa están á venda, no departamento municipal de Cultura, no primeiro andar da Casa Dopeso, de mércores a sábado, en horario de 12.30 a 14.00 horas. As entradas terán un prezo de 10 euros aínda que tamén será posible facerse cunha localidade o propio día do espectáculo, na billeteira do auditorio municipal Alovi dende as 20.00 horas ata o inicio do espectáculo, pero xa cun prezo de 12 euros.

O Concello de As Pontes fomenta a cultura emprendedora mediante o seu programa As Pontes Emprende 2012

2012-01-27T13:52:00.001-08:00

• O departamento de Industria organizará, durante os vindeiros meses, diferentes accións encamiñadas ao fomento da cultura emprendedora e en apoio ás novas iniciativas empresariaisO Concello de As Pontes, a través do departamento de Industria e Comercio, e o Instituto Pontés de Promoción Económica (IPPEC), están xa a elaborar o calendario de actividades do programa As Pontes Emprende 2012, unha campaña coa que se pretende fomentar a cultura emprendedora, entre os xoves e cidadanía en xeral e cuio obxectivo pasa por axudar a fomentar o autoemprego coma unha alternativa laboral de futuro.Nas súas primeiras actividades, entidades coma a Asociación Seara, Bic Galicia e a Cámara de Comercio tamén colaborarán con este programa postos en marcha dende a concellería que dirixe Montserrat García. Precisamente, a edil deu conta, unha vez máis, da necesidade de apostar polas ideas e proxectos de emprendedores, aportando todos os recursos e axudas dos que gocen as administracións neste campo para impulsar este tipo de proxectos que contribuirán á creación de postos de traballo e desenvolvemento económico.Programación As Pontes Emprende 2012Os días 7,8 ,9 e 10 de febreiro darán comezo unha serie de charlas no I.E.S Castro da Uz, protagonizadas polo IPPEC, Bic Galicia, Seara e a Antena Cameral de Comercio nas que se abordarán dende as funcións e servizos que ofertan estes órganos ata os pasos a seguir para acceder ao mercado laboral ou para dar vida a un proxecto empresarial. Non faltarán tampouco as experiencias reais coa participación dalgúns emprendedores locais que darán a coñecer o seu traballo e os motivos que lles levaron a apostar por un negocio propio.Asemade, o día 16 do vindeiro mes, terá lugar a presentación oficial da Rede Mentoring en As Pontes na que se porá a desposición do tecido empresarial local este novo programa, que ofrece apoio personalizado para aunar coñecementos e habilidades duns empresarios para satisfacer os requerimentos e necesidades de outros.Por outra banda, está previsto convocar un certame de ideas emprendedoras, en colaboura co I.E.S Castro da Uz, co fin de recoñecer a mellor idea estudiantil neste eido.Finalmente, celebrarase un segundo concurso de proxectos emprendedores para os sectores comercial, hostaleiro, servizos e industrial, no que tamén está prevista a colaboura de Seara, Euroeume, a Asociación de Comerciantes e Empresarios de As Pontes e a Asociación de Xoves Empresarios de Ferrol, e cuia presentación oficial terá lugar en marzo.

LÚA RIBEIRA DESEÑA O CARTEL ANUNCIADOR DA XXXII FEIRA DO GRELO DE AS PONTES

2012-01-26T05:01:00.001-08:00

A XXXII edición da Feira do Grelo de As Pontes xa conta con cartel anunciador e é que, en tan só tres semanas de novo a nosa vila exaltará un dos produtos con máis sona da contorna e máis tradicionais das festas do entroido: o noso grelo, unha verdura protagonista de todos e cada un dos menús que se xestan nas cociñas dos fogares e locais de restauración ponteses durante esta homenaxe a don Carnal. Nesta ocasión, a proposta para anunciar esta cita gastronómica saiu da imaxinación e creatividade de Lúa Ribeira, que apostou por un deseño onde podemos atopar un porquiño dixital con anteface e un grelo a modo de tocado que engalana a súa testa. Non podían faltar os chourizos tan propios do cocido de entroido, aínda que desta vez en forma de cella. Cores chamativas e un deseño innovador caracterizan esta primeira pincelada dunha convocatoria gastronómica que, ano tras ano, sitúa a As Pontes nun lugar destacado no listado de festas que se organizan por estas datas en toda Galicia e é que, cando o produto é de calidade, éste xa se vende por sí só e logra captar a atención non só dos propios veciños de As Pontes, senón tamén dos concellos de toda a contorna. O 19 de febreiro será a data a marcar en vermello no noso calendario, o do coñecido coma domingo de entroido, xornada na que novamente a nosa riqueza gastronómica volverá situar a As Pontes no epicentro das celebracións autonómicas nesta xornada na que todos podemos ser e representar mediante os nosos disfraces e carautas aquilo que, durante o resto do ano, non está permitido. Como non podía ser doutro xeito, non faltarán na axenda deste día o tradicional certame de cestas ou a degustación popular de cocido, ao que se sumará un amplo programa de actividades ideadas polo departamento municipal de Cultura que se irán dando a coñecer nos vindeiros días. O que sí que non faltará no programa do entroido pontés serán xa citas clásicas destas datas coma o festival de comparsas ou a cabalgata de cada martes de entroido, sen esquencer outro tipo de actividades coma as mostras de artesanía ou de productos do Eume que, de seguro, un ano máis, volverá ser sinónimo de éxito de participación.

As Pontes presentou en FITUR 2012 a súa importante oferta turística

2012-01-25T08:14:00.001-08:00

As Pontes ven de posicionarse no difícil mercado turístico, no que é o primeiro paso dun proxecto que suporá unha forte aposta por este eido como fonte de dinamización socioeconómica da zona.E facíao da man da concelleira de Turismo, Ana Pena, que levou a proposta pontesa á Feira Internacional do Turismo de Madrid (FITUR), onde As Pontes foi un dos concellos que realizaron presentación propia no posto de Turgalicia.O pasado venres a oferta de coñecer As Pontes captou a atención de algo máis dunha vintema de asistentes, en xeral profesionais do turismo, que se achegaron a coñecer unha proposta que apostou pola orixinalidade na súa presentación.Mediante unha dramatización que servíu para a entrada, e posteriormente como fío condutor do acto, o mesmo Conde Rodríguez de Valcárcel, expuxo as particularidades desta vila que xa foi nos seus intres, terra de paso, e referente do turismo de repouso, para ir dando paso a senllos vídeos nos que se explicaba, nun como é o noso concello, e que ten que ofrecer ó visitante, e no outro o ambicioso proxecto do lago que ocupará o oco da mina de carbón hoxe clausurada.Apostando por facerse un oco no copado sector turístico, As Pontes aposta pola singularidade dun espazo que se debe converter nun destino natural cun patrimonio importante canto a cultura, arqueoloxía, gastronomía, ou festas entre outros.De calquera xeito,a maior aposta está na capacidade dun concello, que sufriu moitas transformacións, pola acción do home, en manter a súa esencia, seguindo a ser un destino dende o punto de vista medioambiental, cunhas grande potencialidades.A edil de Turismo estivo acompañada pola responsable de Cultura, Sara Ramos, nunha poñencia final na que espertou o interese dos asistentes, entre os que non se deu o apoio de representantes de outras Administracións, como si aconteceu conFerrol, Ortigueira, ou Terra Cha, malia o que entre os asistentes se producían xa os primeiros contactos para poder trasladar esta oferta que presenta As Pontes a outros foros.A presenza en Fitur completouse co reparto duns folletos, que de camiño se esgotaron, baixo o lema, As Pontes, camiño do Eume, e coa entrega de uns agasallos que incluían, xunto coa información de interese, unhas mostras de produtos gastronómicos da zona.A intención da nova concelleira de Turismo é levar adiante, en todos os foros posibles, esta aposta decidida por seguir no deseño de estratexias de futuro de cara a converter este sector, aproveitando o tirón do lago, nunha fonte de recursos para o pobo.

O Concello de As Pontes presentará o venres en FITUR a súa oferta turística

2012-01-18T09:02:00.001-08:00

• A concelleira de Turismo, Ana María Pena, encabezará a delegación que se encargará de dar a coñecer a importante riqueza paisaxística do municipio O Concello de As Pontes estará por vez primeira na Feira Internacional de Turismo de Madrid (FITUR). Será este venres, ás 16.30 horas, cando unha expedición pontesa presente unha promoción do municipio como vila turística, reflectindo a nova realidade dun concello que aposta polos recursos turísticos xa existentes e os potenciais que partirán do lago que ocupa o oco da mina de Endesa.A edil de Emprego, Turismo e Novos Proxectos, Ana María Pena, presidirá a presentación desta marca turística As Pontes, Camiño do Eume, baseada na ampla oferta paisaxística, patrimonial, gastronómica, ou de lecer, coa que conta o concello.O venres, o posto de Galicia acollerá un acto de presentación que incluirá unha teatralización da recepción protagonizada olo Conde Rodríguez de Valcárcel, a proxección de dous vídeos e a intervención en persoa da propia concelleira.Precisamente, Ana María Pena salientaba a importancia de estar en Fitur ao tratarse dun escaparate internacional no que hai que estar, para potenciar a gran oferta turística e paisaxística coa que conta As Pontes, e sobre todo no grande descoñecido: o rural, onde hai auténticos tesouros que é preciso poñer en valor.Neste senso, a edil confía en empregar o efecto de chamada do lago, que sen dúbida será un excepcional reclamo, temos que ser capaces de amosar o outro As Pontes.Ás capacidades en eidos coma o patrimonio monumental, arqueolóxico, etnográfico, material, industrial, gastronómico, artesanal, cultural, ou mesmo arquitectónico, tanto relixioso coma civil, con mostras irrepetibles, que os converten en reclamos por si sós, hai que engadir hoxe a potencialidade dun lago que se vai converter no lugar idóneo para a explotación dun incipiente turismo activo.Compartirá protagonismo coa oferta natural dun concello con auténticos tesouros no seu rural, con barrios xudeos, fervenzas, restos arqueolóxicos, ou coas citas festivas coma o Carme, A Fraga ou a Feira do Grelo. As Pontes, baixo o lema "Camiño do Eume" suma así novos elementos ós encantos dunha poboación cunha histórica tradición turística, e que foi mesmo referencia termal e destino de repouso de saúde non hai tantos anos.Este pase será exclusivamente profesional, para técnicos acreditados na feira, e con el preténdese achegarlles esta oferta para que logo a transmitan ós diferentes eidos nos que desenvolven a súa labor.De calquera xeito, a presenza servirá tamén para facer un percorrido polo recinto e facer entrega de folletos promocionais ós visitantes deste evento e mesmo se levarán degustacións de produtos locais.

O Concello de As Pontes optará, por cuarto ano consecutivo, por conxear as taxas e impostos locais recollidos nas Ordenanzas Municipais

2012-01-18T00:47:00.001-08:00

A conxeación dos impostos municipais para o recén comezado 2.012 enténdese, dende o goberno municipal, como unha medida para axudar ás familias, e tamén ás empresas no actual contexto de crise económica.Manténse, deste xeito, o compromiso de solidariedade polo que apostou o goberno local pontés, baseándose na boa liquidez das contas municipais, que veñen de ser avaladas recentemente por estudos alleos.Co remate de 2.011 As Pontes mantense como unha vila anómala canto á súa situación económica solvente, como amosan todos os informes Neste documento, os expertos provinciais avalaban a situación económica dun municipio que mesmo mellorou a súa situación saneada xa amosada e recollida nos informes dos anos anteriores.O concello de As Pontes segue a ocupar un lugar de privilexio entre os máis saneados da provincia entre os que teñen ata 20.000 habitantes.A decisión de conxear as taxas e impostos da administración local era xa tónica xeral da anterior lexislatura, en que se ten optado por esta opción para alixeirar o peso da carga fiscal sobre os veciños ponteses.A única taxa na que si se vai producir unha suba é na do IBI, pero esta ven marcada pola administración Central.O recente decreto que marca esta subida obriga ós concellos á súa aplicación.O goberno municipal manterá todas as demais taxas como estaban no ano 2.011, pero non pode decidir sobre as que obedecen á regulación estatal.

O CONCELLO DE AS PONTES ENTREGOU OS PREMIOS DO CONCURSO " AS PONTES, O TEU CENTRO COMERCIAL"

2012-01-14T12:50:00.001-08:00

　A primeira edición do certame destinado a fomentar as compras do veciños e veciñas de As Pontes no comercio da localidade, clausurábase onte de man do propio alcalde da vila, Valentín González Formoso, e a Concelleira de Industria e Comercio, Montserrat García Chavarría.Nun acto celebrado no salón de plenos municipal, e con importante presenza de comerciantes, que quixeron así apoiar o peche da campaña, fíxose público o nome do establecemento gañador do concurso de empaquetado parello ó sorteo que se facía tamén entre todos os que optaban polo comercio do municipio nestas datas do Nadal.E é que a iniciativa posta en marcha polo departamento de industria e o Instituto Pontés de Promoción Económica tivo unha grande acollida que se traducía nas nas máis de 4.000 papeletas entregadas para participar no concurso ó que daba dereito o facer unha compra en calquera dos 30 establecementos participantes na iniciativa.Tendo en conta que aqueles que deciden cubrir as súas papeletas e entregalas para o sorteo son tan só unha parte dos que efectúan as compras, a valoración foi moi positiva por parte de concello e comerciantes, que fixeron votos por continuar con este tipo de eventos, para o que a Administración municipal amosou o seu firme compromiso.A tenda especializada en decoración Dekologas foi o establecemento que mellor engalanou os seus paquetes de agasallo, segundo a opinión popular.O establecemento que logre este título contará cun premio conmemorativo e cun distintivo que o acreditará coma gañador deste certame.O acto de proclamación do gañador puña o colofón a unha campaña que inclúíu tamén un período de formación previo cun curso para os comerciantes locais no qeu se traballou en técnicas de empaquetado e presentación das compras.Logo desta entrega, realizábase tamén o sorteo de dous lotes de agasallos entre aqueles veciños e veciñas que decidisen participar neste certame, a traverso do seu voto ao que consideraron o paquete máis orixinal e creativo.Sorteáronse dous lotes con agasallos doados polas tendas participantes, e recaeron en Patricia Seijo Fernández, e Berta Ruiz Gárate.Dende o concello apostabase, co "As Pontes, o teu centro comercial", por revalorizar o importante tecido comercial pontés e a calidade e categoría dos seus productos e comerciantes, nun sector tan necesario para a economía local.

AÍNDA PODEMOS ELIXIR Ó NOSO PRACEIRO OU PRACEIRA E FACERNOS CUN PREMIO.

2012-01-13T06:50:00.001-08:00

A vindeira semana poderemos novamente probar sorte coa campaña Este inverno presume de praceiro que xa, o pasado mes de decembro, repartía 150 euros en vales entre os clientes da praza de abastos que se animaron a emitir o seu voto por aquel posto que máis lles gustase.A iniciativa, posta xa en marcha denantes do Nadal pola consellería de economía e industria e que conta co respaldo do goberno municipal, ten como obxectivo incentivar o consumo de produtos propios dos mercados de abastos de toda Galicia, de ahí que o de As Pontes sexa un dos 102 mercados participantes nesta campaña.E é que gobernos autonómico e local coinciden na necesidade de consolidar as nosas prazas de abastos coma unha rede de centros líderes na venda de produto fresco e perecedoiro, onde se leve a cabo unha venda moderna con servizos, diversidade e excelencia capaz de unir a tradición de compra ao tempo que se da resposta ás novas necesidades dos consumidores.Para participar neste sorteo, no que se repartirán un vale de 75 euros, outro de 50 e outro de 25 euros, tan só temos que realizar a nosa compra nalgún dos postos do mercado municipal e cubrir o boleto que nos entregarán ao realizar o correspondente pago.Nesta papeleta deberemos poñer o noso nome, apelidos e teléfono de contacto, indicando o número de posto do noso praceiro favorito e depositar o cupón nunha urna instalada no propio mercado.Só poden ser recompensados os clientes que estean presentes no sorteo e que terá lugar o venres da vindeira semana. Ademais, só serán válidos os votos nos que figure o número do posto votado.Os cheques serán cambiables unicamente no propio mercado en forma de desconto nas próximas compras. A validez dos cupóns remata o 28 de febreiro de 2012.

MAÑÁ ÁS 13´30 CLAUSÚRASE O I CERTAME DE AS PONTES, O TEU CENTRO COMERCIAL.

2012-01-13T06:49:00.001-08:00

A campaña As Pontes o teu centro comercial, posta en marcha polo Departamento de Industria e o Instituto Pontés de Promoción Económica, vive xa a súa recta final e é que mañá mesmo darase a coñecer o nome do establecemento que mellor engalana os seus paquetes de agasallo, segundo a opinión popular.Será nun acto que terá como escenario a propia Casa Consistorial xa que o salón de plenos acollerá, a partir da unha e media, non só o acto de proclamación do gañador, senón tamén o sorteo de dous lotes de agasallos entre aqueles veciños e veciñas que decidisen participar neste certame, a traverso do seu voto ao que consideraron o paquete máis orixinal e creativo.Asemade, o establecemento que logre este título contará cun premio conmemorativo e cun distintivo que o acreditará coma gañador deste certame.Unha trintea de establecementos adicados a campos coma a xoiería, a roupa, o calzado, os complementos, os xoguetes, a decoración, a telefonía ou a electricidade, entre outros, tomaron parte neste concurso co que, unha vez máis, dende o concello se apostaba por revalorizar o importante tecido comercial pontés e a calidade e categoría dos seus productos e comerciantes, tan necesario para a economía local

O concello financiará a construcción dun novo local para o colectivo de "A Xanela"

2012-01-12T06:16:00.001-08:00

Tal e como lles anunciabamos hai uns días, o concello, mediante o departamento de servizos sociais ven de sacar a concurso público o subministro dun módulo arquitectónico configurable para a prestación de servizos a persoas con algún tipo de discapacidade.Esta construcción terá como fin o colectivo de discapacitados a xanela, unha asociación que, tal e como subliñou neste medio o edil José Alén, "Con esta iniciativa logramos atender unha demanda histórica dun colectivo tan necesitado como merencente de esta atención ao tempo que recoñecemos a grande labor que A Xanela fai cos discapacitados neste municipio, malia que ata o de agora carecían dun lugar propio no que desenvolver a seu labor".Este módulo, para o que se destinarán 169.999 euros, deberá cumprir con toda a normativa que rexe para a habitabilidade dos espazos nos que se teña que desenvolver calquera persoa con algún tipo de discapacidade física.De feito, a construcción deberá contar con zona de acceso ou soportal accesible, zona de recepción, sala de arquivo de documentación, sala de reunións, aseos e zona de usos múltiples sen dividir, estadías que servirán, tal e como recalcou o concelleiro de Servizos Sociais, para ofrecer diferentes actividades educativas, sociais e asistenciais.Segundo rezan as bases deste concurso, a construcción deberá estar composta por módulos, de aceiro, carpinteiría interior de madeira e exterior metálica de aluminio, instalacións de fontanería e electricidade, e pavimento interior de resina.O módulo entregarase nas instalacións do servizo de obras, no polígono dos aríos denantes de 5 meses dende a concesión do contrato polo que as previsións do goberno municipal situan a posta en marcha destas dependencias de cara ao verán.O prazo para presentación de ofertas aínda estará aberto ata o vindeiro día 24. Para consultar o resto de características deste concurso tan só é preciso acceder á páxina web municipal no enderezo www.aspontes.com ou ben no rexistro xeral do concello, onde tamén será posible facer entrega da documentación precisa para este concurso.

CABALGATA 2012

2012-01-09T05:01:00.001-08:00

cabalgata reis FOTOS AQUI

A Choupana logra o IV Premio de Engalanado de Rúas e Barrios

2012-01-05T14:43:00.001-08:00

A asociación de veciños da Choupana, que abrangue o barrio da Pardo Bazán, fíxose hoxe co primeiro posto no cuarto concurso de engalanado de rúas e barrios, posto en marcha polo concello para que os ponteses e pontesas aunasen esforzos e levasen o espírito de nadal por todos os puntos do municipio, a través das súas decoracións e traballos, engalanados que foron enxuízados pola artista local Lourdes Acera, o concelleiro de Participación Cidadá e dúas técnicas municipais.Este colectivo recibía hoxe de mans do propio José Alén o cheque de 300 euros cos que está dotado este premio, ademáis dunha placa conmemorativa, co que, segundo explicou o concelleiro recoñece o aumento considerable do espazo engalanado, a integración desta decoración no propio barrio e o esforzo de superación destes veciños, en relación a anos anteriores.A segunda asociación que viu recoñecido o seu traballo polo xurado deste galardón foi Veiga da Areosa, da Casilla, que tamén se fixo cunha placa conmemorativa e un cheque de 100 euros, como premio á súa vistosidade, beleza e continuidade.Finalmente, o colectivo 25 de Xullo, que aglutina aos veciños dos barrios da Fraga e do Barreiro, tamén recibían un detalle en recoñecemento ao seu esforzo e que se traduciu nunha placa conmemorativa deste certame coa que se premiou a súa participación e se pretende conseguir que, o vindeiro ano, novamente este colectivo se sume a este concurso.

OS CAMPAMENTOS URBANOS DE NADAL PECHAN AS SÚAS PORTAS CUNHA TRINTENA DE PARTICIPANTES

2012-01-05T14:39:00.001-08:00

O edil de Servizos Sociais, José Alén , acudiu hoxe á clausura dunha nova edición dos campamentos urbáns do Nadal.Estes obradoiros, a xeito de campamentos urbanos celébranse en cada período vacacional dirixidos a ofrecer unha alternativa de conciliación da vida laboral e familiar ós nais e pais que, durante os días de descanso escolar, en que o traballo dos proxenitores pode dificultar a súa axeitada atención en moitas familiasA de hoxe foi o peche das dez xornadas que abranguía este ano, en dúas semanas que cadraron coas vacacións de Nadal dos colexios e que lograron unha gran participación con máis dunha trintena de nenos e nenas, cifras que, segundo o concelleiro de Servizos Sociais, José Alén, son do máis satisfactorias e que demostran a necesidade de continuar a traballar nesta liña, ofrecen iniciativas e programas que axuden aos pais e nais a aunar promoción laboral e familiar.As dependencias do CEIP A Magdalena albergaron estes campamentos en horario de nove a dúas da tarde e que, tal e como anunciou José Alén, se repetirán en vindeiras ocasións.Este ano os nenos e nenas participantes estaban limitados ós que naceran entre o 2.000 e o 2.008. Ó final foron 32 nenos e nenas atendidos por esta xa clásica oferta municipal, nestas mañá activas que son tanto educativas como deportivas e de lecer.

Fotos 2º Campus Basket de tecnificación.

2012-01-04T04:48:00.001-08:00

2º Campus Basket de tecnificación

Máis de medio milleiro de persoas participan na I San Silvestre organizada polo Concello e o clube Olympo

2012-01-01T11:47:00.001-08:00

san silvestre • Veciños tanto de As Pontes coma dos arredores ateigaron a avenida da Coruña para participar nunha proba na que levaron premio tanto os máis rápidos coma os que contasen cun orixinal disfraz 550 persoas de todas as idades participaron, esta mañá, na I San Silvestre Pontesa, unha cita organizada polo Concello de As Pontes, a través do departamento municipal de Deportes, e o clube de Atletismo Olympo e que se estreou cunha gran afluencia de público que tomou parte nas diferentes probas urbanas deseñadas pola organización desta cita deportiva.Ademáis de percorrer distancias entre os 150 e os 4.800 metros, os participantes tiveron que facer fronte a un segundo reto: o de escoller un orixinal disfraz co que competir nesta proba, de ahí que, na avenida da Coruña se deran cita burbullas de champan, árbores de Nadal, Papá Noel, touros, corredores de San Fermín, parrulos, superhéroes e ata paiasos que completaron con éxito os diferentes percorridos e tamén a andaina popular de 2400 metros na que tomou parte un nutrido grupo de veciños e veciñas.O alcalde de As Pontes, Valentín González Formoso, tamén presente nesta convocatoria, deu conta da súa satisfacción pola gran resposta da cidadanía a unha proba innovadora en As Pontes e que logrou transformar a mañá do 31 de decembro nun rebulir de xente e de festa polas rúas do centro urbano. De feito, o primeiro edil e o propio concelleiro de Deportes, Carlos Castro, xa anunciaron a súa intención de continuar a potenciar, en vindeiras ocasións, este tipo de probas ante o gran número de participantes anotados que superaron con creces as expectativas da propia organización.Ademáis do Concello de As Pontes e o clube de Atletismo Olympo, esta primeira San Silvestre contou co respaldo de patrocinadores coma Dekologas, Don Dino, a coordinadora de ampas Abrente, Galiorient, Matojoma, Rtv Eume, F&K, Gadis e Centro Dental San Pablo responsables de colaborar con agasallos e o avituallamento da proba.Os primeiros tres clasificados de cada categoría recibiron unha medalla aínda que para a categoría absoluta tamén houbo un trofeo e unha limpeza dental por gentileza do Centro Dental San Pablo.Asemade tamén se repartiron un vale de 50 euros para gastar na xoguetería Don Dino e que recoñeceu o mellor disfraz infantil: a árbore de Nadal de Celia Alvariño; e un segundo vale de 150 euros para gastar no establecemento Dekologas ao mellor disfraz de adultos e que foi para David Alonso e o seu Papá Noel en avestruz.LISTADO DE GAÑADORES:Categoría Biberón1º Daniel Salgueiro 1ª Fanose Magdalena Vispalia2º Breogán Mchamon 2ª Carmen Alén3º Diego Lozano 3ª Sofía TuimilCategoría Prebenxamín1º Simón Lago 1ª Aroa Blanco2º Hugo Santamaría 2ª Aitana Ballesteros3º Iago Gabeiras 3ª Celia AlvariñoCategoría Benxamín1º Andrés Picallo 1ª Natalia López2º Ejob Santamariña 2ª Antía Franco3º Álex Pazos 3ª Judith LagoCategoría Alevín1º Xoan Andrés Ramos 1ª Paula López2º Diego Rodríguez 2ª Andrea Montero3º Daniel Dasilva 3ª Candela PicalloCategoría Infantil1º Martín García Prieto 1ª Hana Santamariña2º Adrián Vispalia 2ª Carmela Franco3º Ángel Lagares Categoría Cadete1º Raúl Tojeiro 1ª Paula Rerviñán2º Álex Blanco 2ª Sara Vispalia3º Adrián Rerviñán Categoría Absoluta1º Santiago García Rodríguez 1ª Cristina Pérez García2º José Ángel López Villar 2ª Xoana Roig Regueira 3º Adrián Bouza Díaz 3ª Susana Bellas Bermúdez

80 rapaces de As Pontes, Ferrol, Coruña, Lugo e Pontedeume participan no II Campus de Baloncesto de Tecnificación de As Pontes

2011-12-29T00:10:00.000-08:00

¨ O Concello e os clubes de baloncesto de As Pontes, Ferrol e Sant-Yago organizan este segundo campus que se desenvolverá ata este venres

O Concello de As Pontes, e coa organización do Clube de Baloncesto As Pontes, o Clube de Baloncesto Ferrol e o Clube Sant-Yago da Coruña, puxeron en marcha esta mesma semana a segunda edición do campus de baloncesto de tecnificación Toma de Decisións. 79 pequenos e pequenas de entre 8 e 15 anos están a tomar parte neste campus dunha semana de duración e que se pechará este mesmo venres e no que os participantes están a aprender a mellorar a súa técnica, as súas xogadas e control do balón da man de grandes nomes deste deporte coma Marc Guillem, Óscar de Paula o Chiqui Barros, e que contan co apoio de varios membros do CB As Pontes ou dos directores deportivos Luis Barbeito (CB Ferrol) ou Félix Bañobre (CB Sant-Yago). De feito, neste campus é posible encontrar non só a xogadores locais senón tamén a nenos e nenas vidos dende Ferrol, Pontedeume, Lugo ou A Coruña. Os pavillóns deportivos da Magdalena, A Fraga, Monte Caxado e Castro da Uz están a ser os escenarios para estas clases que aunan explicacións teóricas e tamén moitos exercizos prácticos para que estes pequenos deportistas melloren as súas aptitudes nesta disciplina. Valéndose das clases prácticas e teóricas, con apoio do vídeo, o obxectivo final é a maduración como xogadores aprendendo a tomar decisións fundamentais para o xogo, ó tempo que se forman tamén na convivencia mútua destes días. Cada día, dende as 10.30 horas e ata ás 13.00 horas se desenvolven diferentes clases prácticas de un contra un, contraataques, tiro, pase ou xogo e que se reanudan xa tralo xantar conxunto cunha serie de charlas máis técnicas que se imparten no pavillón municipal da Fraga, cada serán. Contra das 17.00 horas arrincan novamente os adestramentos nos distintos polideportivos ata as 19.00 horas, momento no que os deportistas poñen o punto e final á xornada co regreso aos seus respectivos fogares. Este venres vivirase a xornada de clausura deste campus con diferentes concursos de tiro libre, miniencontros de 3x3 e outras probas de destreza co balón.

Clases de Skate , BMX e patíns en linea en As Pontes

2011-12-27T04:54:00.001-08:00

A semana que ven, os días 3 e 4, vanse desenvolver en As Pontes unhas clases e unha exhibición, respectivamente de BMX e skateA Concellería de Xuventude organiza esta actividade, que resposta á grande demanda existente na vila destas modalidades de deportes de rúa.O martes, ás seis e media, ofreceranse as clases enfocadas á formación de deportistas debicicleta en BMX, e de monopatín, para rapaces e rapazas de doce anos en diante, interesados en coñecer este apaixoante deporte.Nas clases, tanto de BMX como de skate, ensinarase tecnica e estilo , tamén con trucos dende principiante a avantado.A cita é na pista anexa ó pavillón polideportivo municipal, e, logo das clases do martes ás catro e media, á mesma hora, o mércores desenvolverase a exhibición que será aberta ó público en xeral. Asemade vai haber un sorteo de agasallos de roupa urbá entre os asistentes.Para participar das clases, que son gratuitas, aínda está aberto o prazo de inscrición na Oficina Municipal de Información Xuvenil, no edifício da Casa Dopeso.

As Pontes ten xa en marcha o programa Viogen

2011-12-24T11:35:00.001-08:00

As Pontes ten xa en marcha o programa Viogen, un programa de seguemento das víctimas da violencia de xénero.A Xefa do servizo de violencia de xénero da Delegación do goberno en A Coruña, Pilar González, visitaba As Pontes para supervisar a adhesión ó programa informático que permite acceder ós servizos telemáticos do protocolo de colaboura e cordenación entre as forzas e corpos de seguridade do Estado e os corpos de policía local, para a protección das vítimas de violencia de xénero doméstica.Dende a policía local pódese xa acceder ós sistemas informáticos para permitir as conexións necesarias. Este protocolo é unha ferramenta que se emprega no itinerario de actuación interinstitucional en materia de violencia de xénero. O seu obxectivo é integrar recursos, avaliar riscos, e establecer un seguemento eficaz das medidas de protección.No acto estiveron, o concelleiro de servizos sociais, José Alén, a directora do CIM, Maca Rego, e os responsables da policía local e da garda civil no destacamento pontésEsta nova aplicación sitúa á víctima de violencia de xénero no centro dun sistema que ten por obxecto aglutinar ás institucións que interveñen na protección e seguridade das víctimas de violencia de xénero e integrar nunha soa base de datos toda a información sobre as circunstancias que rodean ás víctimas. Deste xeito tamén permite realizar valoracións do risco de sufrir unha agresión e adoptar as medidas de protección necesarias implantando un sistema de avisos, alertas e alarmas que permita, segundo os protocolos establecidos, reaccionar de xeito rápido e eficaz.O noso concello suma así outro paso máis nunha liña xa marcada polo vixente Protocolo Municipal de Actuación en Casos de Violencia de Xénero e/ou agresións sexuais, unha iniciativa elaborada ó amparo do II Plan de Igualdade de Oportunidades entre homes e mulleres do Concello de As Pontes 2008 -2011.Precisamente Pilar González salientaba a implicación do Concello de As pontes na loita contra a violencia machista.Coa entrada en efecto deste servizo, conclúe a incorporación da policía local ao sistema de seguemento integral dos casos de violencia de xénero.Ademais, o corpo policial de máis proximidade participa no sistema de avaliación de casos, unha ferramenta informática que inclúe os datos de todas as mulleres vítimas para que todos os que teñen que ver con esta loita dispoñan do mesmo instrumento de control e avaliación, o que suporá mellorar substancialmente a protección destas mulleres.Por último o acordo no que o noso concello é pioneiro, permitirá que a policía local exerza as funcións de policía xudicial en casos de violencia de xénero

Continua a campaña de nadal As Pontes o teu centro comercial

2011-12-23T13:19:00.001-08:00

Todos aqueles que merquen nestas datas navideñas en As Pontes poden optar ós premios do concurso As Pontes, o teu centro comercial. Nesta ocasión, a Concellería de Industria apostou por aunar formación e concurso, baixo o título mentado para esta campaña, As pontes o teu centro comercial,25 comercios ponteses participarán neste concurso no que se escollerá á tenda na que realicen os paquetes máis orixinais e creativos aínda que tamén haberá premios para os clientes que emitan o seu voto xa que se sortearán dous lotes de produtos dos establecementos participantes.Namentras, a entidade gañadora recibirá un premio conmemorativo e un distintivo que a acreditará como gañador do primeiro concurso de paquetería As Pontes o teu centro comercial.Coas nosas compras recibiremos cupóns que deberemos cubrir coas nosas votacións, e logo, unha vez escollidos os gañadores, sortearanse uns lotes de agasallos doados polos propios establecementos, e que xa se poden contemplar expostos na cistaleira exterior da casa Dopeso.Aínda teremos ata o día e o 6 de xaneiro para participar nesta campaña, mentres que o nome dos gañadores daranse a coñecer nun acto que terá lugar o 14 de xaneiro á 1.30 do serán no salón de sesións da casa do concello.Esta nova campaña, que incluíu unha fase previa de formación para os comerciantes, cadrará coa tradicional merca nas pontes, posta en marcha dende a asociación de empresarios e comerciantes, e que tamén reparte agasallos semanais e varios grandes premios, e conta co apoio do propio concello para o seu desenvolvemento.Asemade, onte entregábanse os primeiros premios da campaña "Este inverno presume de praceiro e praceira" que puxo en marcha o Concello das Pontes. Para iso adheriuse á campaña que desenvolve a Consellería de Economía e Industria e que chega a 102 mercados, a práctica totalidade das prazas de abastos existentes en Galicia.Este inverno presume de praceiro e praceira nace co obxectivo de poñer en valor a figura profesional dos praceiros ao tempo que se incentiva o consumo e se promocionan os mercados e prazas de abastos como referentes na compra de productos frescos. Durante esta campaña, os clientes escollen ao seu praceiro ou praceira favoritos e participan en sorteos de bonos de compra para consumir na propia praza. Así hoxe realizouse o primeiro sorteo. Ás once da mañá extraíanse as tres papeletas premiadas con 75, 50 e 25 euros e que foron para Jesús Guerreiro, Mari Carmen Pajón e Luis Seoane Rodríguez.O segundo sorteo realizarase xa o 20 de Xaneiro. E é que o que se pretende tamén é incentivar o consumo de productos frescos no período previo e inmediatamente posterior ao Nadal, así a segunda campaña desenvolverase entre o 9 e o 20 de Xaneiro.O método de concurso é ben sinxelo, por cada compra que se realice na praza, os clientes obterán unha papeleta para votar polo seu praceiro favorito, e logo do reconto de todos os votos recibidos sairá o mellor praceiro ou praceira de cada mercado, e os elixidos serán recoñecidos e homenaxeados publicamente nun acto oficial no mes de Febreiro.Coa campaña Este inverno presume de praceiro ou praceira quérese recoñecer a profesionalidade dos praceiros ao tempo que se pon de relevancia a importancia dos mercados e prazas de abastos como dinamizadors do comercio de proximidade e escaparates do produto galego para visitantes e turistas

ADXUDICADAS AS ÚLTIMAS VIVENDAS INTERXENERACIONAIS DE AS PONTES

2011-12-23T13:16:00.001-08:00

A Concellería de Servizos sociais do Concello de As Pontes ven de anunciar a adxudicación das 17 vivendas que quedaban pendentes entre as que se denominaron vivendas interxeneracionais.Estes pisos que non entraran na primeira adxudicación foron repartidas agora provisionalmente nun sorteo, do cal resultou aínda un numero de once solicitantes en lista de espera.O listado cos concesionarios e os reservas podese consultar no taboleiro do concello, e na pagina web do IGVS.Así rematou o procedemento de selección para adxudicar as 32 vivendas da rúa Sergio Rivera Chao, e que permite dar resposta á gran demanda dun equipamento deste tipo que agora quedou constatada coas solicitudes que cumprían os requisitos marcados.O proxecto do centro de día e vivendas interxeneracionais comeza a xestarse en xullo de 2006, coa inclusión de As Pontes no Consorcio Galego de Igualdade e Benestar, momento no que o daquela vicepresidente de Igualdade e Benestar, daba a coñecer este proxecto e que suporía a creación dun centro de día con capacidade para 35 persoas, e uns 40 pisos de alugueiro, duns 45 metros cadrados, para menores de 35 anos e maiores de 65 anos, co fin de fomentar o intercambio interxeneracional.Agora completouse este proceso canto ós pisos en alugueiro.

As Pontes súmase este ano ó concurso Presume tamén de praceiro e praceira

2011-12-21T03:26:00.003-08:00

As Pontes súmase este ano ó concurso Presume tamén de praceiro e praceira, logo de que o noso concello fose escolllido este ano, a instancias da demanda da Concellería de Industria e Comercio, para participar na iniciativa.Os ponteses poderemos así participar e optar a gañar tres vales de compra de 75, 50, e 25 euros. Haberá dous sorteos, o 23 de decembro, xa ás 11 da mañá, e o 20 de xaneiro na Praza de Abastos da vila.O obxectivo do Concello cadra coa do goberno autonómico á hora de procurar a promoción do mercado municipal.Coa finalidade de incentivar o consumo de produtos perecedoiros frescos e resaltar os valores de compra na Praza de Abastos Municipal, así como a posta en valor da profesionalidade e bo facer dos profesionais que traballan día a día nela xorde esta convocatoria.Ó cabo trátase de por en valor o mercado tradicional e os produtos da terra, de calidade, favorecendo o consumo nas prazas de abastos e potenciando a figura dos praceiros.Ata estes venres, e logo xa do 9 ao 20 de xaneiro de 2012, os clientes do mercado municipal recibirán un cupón por cada acto de compra. Os interesados en participar deben enchelos co seu nome, apelidos e teléfono de contacto, indicando o número de posto do seu praceiro favorito e depositar o cupón nunha urna instalada no propio mercado.A primeira cita coa sorte será xa o vindeiro venres, día 23, e a segunda o 20 de xaneiro do novo ano. Nestas datas procédese á elección ao azar de tres cupóns, que se corresponderán con tres clientes agraciados con cheques de compra desa quincena, por valor de 75, 50 e 25 euros.Só poden ser recompensados os clientes que estean presentes no sorteo. Ademais, só serán válidos os votos nos que figure o número do posto votado.Os cheques serán cambiables unicamente no propio mercado en forma de desconto nas próximas compras. A validez dos cupóns remata o 28 de febreiro de 2012.

AS PONTES, O TEU CENTRO COMERCIAL

2011-12-21T03:26:00.001-08:00

Dende esta semana mesmo xa podemos optar ós premios do concurso As Pontes, o teu centro comercial. Nesta ocasión, a Concellería de Industria apostou por aunar formación e concurso, baixo o título mentado para esta campaña, As pontes o teu centro comercial,25 comercios ponteses participarán neste concurso no que se escollerá á tenda na que realicen os paquetes máis orixinais e creativos aínda que tamén haberá premios para os clientes que emitan o seu voto xa que se sortearán dous lotes de produtos dos establecementos participantes.Namentras, a entidade gañadora recibirá un premio conmemorativo e un distintivo que a acreditará como gañador do primeiro concurso de paquetería As Pontes o teu centro comercial.Coas nosas compras recibiremos cupóns que deberemos cubrir coas nosas votacións, e logo, unha vez escollidos os gañadores, sortearanse uns lotes de agasallos doados polos propios establecementos, e que xa se poden contemplar expostos na cistaleira exterior da casa Dopeso.Aínda teremos ata o día e o 6 de xaneiro para participar nesta campaña, mentres que o nome dos gañadores daranse a coñecer nun acto que terá lugar o 14 de xaneiro á 1.30 do serán no salón de sesións da casa do concello.Esta nova campaña, que incluíu unha fase previa de formación para os comerciantes, cadrará coa tradicional merca nas pontes, posta en marcha dende a asociación de empresarios e comerciantes, e que tamén reparte agasallos semanais e varios grandes premios, e conta co apoio do propio concello para o seu desenvolvemento.

O CONCELLO IMPARTE UN CURSO DE XESTIÓN DE ALMACEN

2011-12-21T03:24:00.001-08:00

Esta semana presentouse un novo curso que se realizará dentro do plan integrado para o emprego que se esta facendo dende a Concelleria de Emprego, Turismo e Novos Proxectos.Este curso de xestión de almacen impartirase na aula informatizada de Know Now Formación, ata onde acudía esta mañá a Concelleira de Emprego Ana Pena, para estar no arranque dunha nova iniciativa formativa, que se desenvolverá ata o vindeiro día 28 deste mesmo mes, e en horario de oito da mañá a unha da tarde todos os días laborables.Os 15 asistentes poderán adquirir as habilidades precisas en organización, loxística e seguridade propias da almacenaxe de mercadería.A formación que recibirán permitiralles rematar o curso capacitados para racionalizar e planificar a almacenaxe dos produtos, con vistas a aumentar a produtividade da empresa na que logo desenvolvan o seu labor.Este segundo curso, logo dos de prevención de riscos laborais, que se desenvolven a un tempo, en horarios respectivamente de mañá e tarde, conta cun programa formativo dividido en tres módulos, que abranguen a xestión dos recursos, a dos stocks, a organización física, e a seguridade e prevención.Este Plan subvencionado a través da Consellería de Traballo, e xestionado polo Concello, ten por obxecto a realización de actuacións combinadas de información e orientación, formación, e práctica laboral dirixidas á colocación no mercado de traballo de persoas desempregadas e sobre todo dirixido a aqueles que teñan traballado en empresas auxiliares da explotación mineira de Endesa no municipio.Na pasada edición os resultados superaron os requisitos marcados de contratación.

A caravana da II Roita Turística Solidaria de Ferrolterra aterrará en As Pontes o sábado

2011-12-12T12:46:00.001-08:00

O Concello colaborará con esta proba na que se pretende recadar alimentos para a Cociña Económica de FerrolO Concello de As Pontes, a través dos departamentos de Seguridade Cidadá e Xuventude, colaborará o vindeiro sábado coa segunda edición da Roita Turística Solidaria de Ferrolterra.A proba, organizada pola asociación automobilístico solidaria Scrach Galicia coa colaboura da escudería Scratch Fene, será puntuable para o Campionato Galego de Rallies de Segunda Categoría, e na mesma poderán participar tanto vehículos históricos, coma turismos, coches de competición ou carreiras.E é que o principal fin desta proba non é lograr un bo rexistro, senón acadar a maior cantidade posible de alimentos non perecedeiros para doar á Cociña Económica de Ferrol.Así as cousas, cada competidor deberá levar no seu vehículo como mínimo dez quilogramos de alimentos non perecedeiros ademáis de participar nos diferentes tramos nos que estará dividida esta proba e que arrincará en Mugardos para chegar contra das 12.00 horas á parroquia pontesa de Goente onde os participantes poderán visitar a Casa do Mel e participar nunha demostración de envasado de mel.Asemade, tamén está previsto que os competidores desenvolvan un tramo cronometrado á altura da zona do Campo de Tiro de Pena da Revolta.Xa ás 14.30 horas e ata as 16.30 os vehículos participantes quedarán estacionados na avenida da Coruña, nun parque pechado, o que permitirá que veciños e veciñas desfruten destes clásicos máis de preto, namentras que os seus pilotos degustan pratos típicos de As Pontes nun restaurante local.De feito, nesas dúas horas, os veciños e veciñas que desexen colaborar con esta iniciativa poderán aportar alimentos non perecedeiros no posto da organización que quedará instalado na propia avenida da Coruña.Está previsto que unha trintea de vehículos tomen parte nesta proba aínda que calquera que así o desexe tamén se poderá sumar a esta competición con tan só inscribirse no 676 72 62 60 .AntecedentesA Roita Turística Solidaria de Ferrolterra nacía ao abeiro do Rali Internacional Solidario Mongol Rally de 2009, onde se contou coa participación de dous pilotos da escudería Scratch que, dende Fene, cubriron en 34 días a distancia entre o municipio coruñés e Mongolia, onde fixeron entrega de material humanitario e dos sous Fiat Seicento empregados para este importante reto co fin de axudar a aqueles máis desfavorecidos do continente asiático.Así se xestou en 2010 esta primeira roita solidaria de Ferrolterra na que se lograronrecoller 400 quilogramos de comida tamén para a Cociña Económica de Ferrol gracias á participación dunha trintena de vehículos.

O Concello de As Pontes abre este Nadal o seu II Campus de Baloncesto “Toma de Decisións”

2011-12-07T13:36:00.001-08:00

• Os clubes de baloncesto de As Pontes, Ferrol e Sant-Yago da Coruña volven organizar esta cita na que poderán participar 90 rapaces O Concello de As Pontes volverá colaborar na posta en marcha do que será o II Campus Toma de Decisións de baloncesto, que se desenvolverá a finais de decembro no municipio pontés. O Clube de Baloncesto As Pontes, o Clube de Baloncesto Sant-Yago da Coruña e Clube de Baloncesto de Ferrol serán os encargados, un inverno máis, de poñer en marcha este campus, de cinco días de duración, e co que tamén colaborará a Xunta de Galicia, a Deputación da Coruña e a Fundación Deporte Galego.90 xogadores e xogadoras de entre 8 e 15 anos poderán participar neste curso que se desenvolverá entre os días 26 e 30 de decembro, dende as 10.00 horas ata as 19.00 horas, e no que poderán aprender novas técnicas, conceptos e fundamentos deste deporte. De feito está previsto que se traballe a toma de decisións sen balón, o un contra un, a toma de decisións á hora de desenvolver un contrataque ou incluso aprender a entender as metodoloxías de vídeo para a mellora do xogo, ao que se sumarán diferentes partidos, torneos de tiros libres ou triples e ata competicións de 4x4.Estas clases e adestramentos desenvolveranse nos diferentes pavillóns polideportivos de As Pontes e nas mesmas está prevista a presenza do director deportivo do Clube Sant-Yago, Felix Bañobre; a do director deportivo do Clube de Baloncesto Ferrol, Luis Barbeito; e as directrices técnicas de adestradores da ACB coma Xavi García ou Chiqui Barros, aos que se sumarán varios dos integrantes do Clube Baloncesto As Pontes, que xa se encargaron tamén do primeiro campus que tivo lugar o pasado mes de xaneiro.Para anotarse, os pequenos e pequenas deberán cumplimentar a correspondente inscrición, denantes do 20 de decembro, e que se pode recoller nas oficinas do departamento municipal de Deportes, ubicadas no pavillón municipal.Asemade, será preciso facer un ingreso de 60 euros na conta habilitada para tal fin ( 2080 – 0198 – 21 - 0550052990) e que servirá para facer fronte aos gastos de desprazamento, comidas, roupa e seguro para os cinco días de campus.Para obter máis información tan só é preciso telefonar ao 666 35 52 64.

O Concello de As Pontes abrirá o día 23 os campamentos de Nadal con medio cento de prazas

2011-12-07T13:35:00.001-08:00

• Pequenos e pequenas de entre 3 e 11 anos poderán participar nestes obradoiros que se desenvolverán na Magdalena durante 10 días O Concello de As Pontes abrirá un Nadal máis os seus campamentos urbanos dirixidos a ofrecer unha alternativa de conciliación da vida laboral e familiar para aquelas nais e pais que, durante os días de descanso escolar, non conten cun lugar onde deixar aos seus nenos namentras elas e eles traballan.O departamento de Servizos Sociais e o Centro de Información á Muller vólvense facer cargo da posta en marcha deste programa que ofertará un total de 50 prazas para nenos e nenas de entre 3 e 11 anos de idade.Xogos, manualidades ou deportes integrarán as actividades incluídas nestes campamentos que abrirán as súas portas o vindeiro día 23 e que terán un custo de 10 euros por participante.De feito, dende hoxe mesmo e ata o vindeiro día 19 será posible formalizar a pertinente inscrición para tomar parte nestes campamentos que se desenvolverán os días 23, 26, 27, 28, 29 e 30 de decembro e xa en xaneiro os días 2, 3, 4 e 5.Novamente, as dependencias do CEIP A Magdalena albergarán estes campamentos en horario de 9.00 a 14.00 horas.Para anotarse tan só é preciso achegarse ata o Rexistro Xeral do Concello, ubicado na pranta baixa da Casa Consistorial, e cubrir o pertinente boletín de inscrición aínda que, como ven sendo habitual, no caso de que o número de solicitantes supere o número de prazas ofertadas estableceranse criterios de admisión. De feito, terán preferencia os pais e nais que xustifiquen o estar traballando ambos durante as vacacións escolares de Nadal; as familias monoparentais cuio responsable tamén deba traballar durante estas datas ou aqueles que acrediten o estar a realizar algún curso formativo.De feito, ademáis de presentar a inscrición, tamén será necesario incluír a fotocopia do Libro de Familia, os certificados de empresa de conforme se está traballando durante as datas dos campamentos ou a fotocopia do último recibo de autónomos no caso de que o solicitante traballe por conta propia; certificado da entidade que imparte a formación, de estar asistindo a ela, declaración xurada de estar a traballar no servizo doméstico e fotocopia do título de familia numerosa para acollerse á reducción do 50% da taxa dos campamentos. Para obter máis información ao respecto é posible contactar co Centro de Información á Muller, no 981 44 10 08 de luns a venres, entre as 8.00 e as 15.00 horas ou ben acceder á páxina web do Concello, onde se publicarán as bases deste programa..

Á VIII edición das Xornadas Hume arrincan mañá na biblioteca municipal

2011-12-01T13:06:00.001-08:00

A preguerra en As Pontes, a II República ou a influencia da emigración a Cuba protagonizarán as tres conferencias ideadas para estas xornadas O Concello de As Pontes volve colaborar un outono máis coa Asociación de Estudos Históricos Hume nas súas tradicionais xornadas de final de ano.Mañá mesmo, ás 20.30 horas, na biblioteca municipal, darán comezo estas xa oitavas xornadas cunha conferencia que estará protagonizada polo mestre eumés Alberto Allegue Leira que disertará sobre a As Pontes da preguerra. O seu relevo, o día 9, será para un pontés: Manuel Souto López, licenciado en xeografía e historia e autor de diferentes traballos e artigos sobre a II República en As Pontes ou a emigración no noso municipio. Precisamente, este último será o tema central da súa charla na que falará sobre a emigración pontesa a Cuba e a súa influencia na sociedade.A clausura destas xornadas estará protagonizada, un ano máis, pola presentación dun novo número da revista de Estudos Históricos Hume, o cuarto xa e que nuns días estará xa á venda nas librerías e quioscos da nosa vila.Coma sempre, estas tres citas serán ás 20.30 horas e o acceso será libre para todos aqueles veciños que desexen participar das mesmas.

O Concello e o clube de atletismo Olympo organizan unha San Silvestre á pontesa

2011-12-01T04:44:00.001-08:00

A carreira, que dará comezo o 31 de decembro ás 11.00 horas, estará dividida en distintos circuitos adaptados a todas as idades ao que se sumará que os competidores deberán ir disfrazos dun xeito do máis orixinal posibleO Concello de As Pontes, a través da concellería de Deportes, e o Clube de Atletismo Olimpo colaborarán o vindeiro día 31 nunha proba deportiva para conmemorar o día de San Silvestre.De feito, para a mañá de fin de ano está programada unha carreira popular de disfraces dirixida a veciños e veciñas de todas as idades, dende os seis anos ata adultos, e transcorrerá polas diferentes rúas do centro urbano.A primeira das probas dará comezo contra das 11.00 horas na avenida da Coruña, a carón da biblioteca municipal, lugar onde tamén estará ubicada a liña de meta.As distintas carreiras estarán adaptadas a diferentes idades xa que as distancias a percorrer oscilarán entre os 150 e os 4800 metros.Así as cousas, os nados entre 2005 e 2007 deberán afrontar un percorrido de 150 metros, namentras que os nados entre 2001 e 2004 percorrerán 500 metros.O circuíto para os nados entre os anos 1997 e 2000 será de 1000 metros e xa en categoría absoluta o traxecto a percorrer será de 4800 metros. Asemade, a xornada tamén incluirá unha andaina de 2400 metros para todas as categorías.No tocante aos premios, os tres primeiros clasificados ou clasificadas de cada categoría recibirán un trofeo ou medalla, agás o primeiro adulto que tamén levará como agasallo un pulsómetro. No tocante aos máis pequenos todos recibirán un diploma de participación e está previsto que, para escorrentar o frío, tamén se reparta chocolate quente entre os participantes.Asemade, e como será preciso asistir disfrazado, o participante que presente a vestimenta máis original en categoría infantil recibirá un vale de 50 euros a canxear na xoguetería Don Dino, namentras que na categoría de adultos o premio consistirá tamén nun vale pero de 150 euros a gastar na tenda de decoración e complementos Dekologas.Dende hoxe mesmo xa é posible anotarse nesta proba con tan só enviar un correo electrónico cos datos do participante ao enderezo atletismoolympo@gmail.com, tamén é posible pasarse polas oficinas municipais de deportes, no pavillón polideportivo da Fraga ou telefonar ao 667 19 20 99 ou 636 51 72 99, denantes do 29 de decembro.

OS CONTOS E OS SEUS ESTEREOTIPOS PROTAGONISTAS DAS IV XORNADAS LOCAIS SOBRE VIOLENCIA DE XÉNERO

2011-11-30T12:58:00.001-08:00

Un ano máis, a Casa Dopeso serviu de escenario para a celebración das Xornadas Locais sobre Violencia de Xénero, unha iniciativa que o departamento de Servizos Sociais e o Centro de Información á Muller (CIM) puxeron en marcha en 2008 ao abeiro do programa de actividades do 25 de novembro, Día Internacional da Loita contra a Violencia contra a Muller.Tras adicar citas anteriores a falar da situación da muller noutros países ou ao marco legal que ampara ás vitimas de violencia de xénero, a organización optou por abordar un tema como é a educación dos máis pequenos, a través dos contos e os estereotipos sexistas que podemos atopar en historias tan coñecidas coma a Carapuchiña Vermella, a Cinsenta ou Brancaneves.O encargado de abrir estas xornadas foi o edil de Servizos Sociais, José Alén, que fixo fincapé unha vez máis na necesidade de inculcar nos pequenos e pequenas a educación en igualdade para, pouco a pouco, lograr erradicar os comportamentos sexistas que a día de hoxe aínda se rexistran na sociedade.De aí que o seu departamento apostase, nesta ocasión, polos contos e historias que grandes e pequenos coñecen e que é preciso analizar máis polo miúdo para observar os cambios que rexistrou a sociedade nestes últimos anos e cambiar esa visión do mundo.O seu relevo foi para pedagoga municipal Eva Bergantiños que tamén afondou na necesidade de fomentar mensaxes de igualdade e corresponsabilidade a través dos contos.De feito, na súa intervención Eva Bergantiños deu conta da necesidade de continuar coa tradición de seguir a transmitir os contos pero apostando por lecturas que fomenten outro tipo de valores, máis aló da muller como feble e o home como valente salvador, senón que traballe noutro tipo de aspectos coma a paz, a xustiza e a igualdade.A encargada de pechar esta rolda de intervencións, que estiveron moderadas pola directora do CIM, Maca Rego, foi a ilustradora Myriam Cameros que foi a responsable, xunto coa escritora Nunila López de darlle vida á Cenicienta que no quería comer perdices, un conto para adultos no que se rompían os típicos estereotipos sexistas das lendas e que serviu como epicentro das diferentes actividades ideadas este ano por Servizos Sociais en relación ao 25 de Novembro.A debuxante deu conta de como naceu esta reinvención do mito da Cinsenta a partir dun encargo dun grupo de vítimas de maltrato de Barcelona, que querían darlle unha volta a un conto tradicional co fin de que servise como canle para a reflexión e a autocrítica en relación ao que querían para o seu futuro.Gracias ao boca a boca, finalmente, La Cenicienta que no quería comer perdices vía a luz e convertiríase nunha lectura protagonista en institutos, escolas e tamén grupos de adultos onde se apostou por fomentar outro tipo de contos que non reflictan os valores tradicionais e obsoletos dos contos de hai medio século.Como sorpresa da xornada, a autora ata presentou un dos novos textos nos que, está tamén a traballar con Nunila López, onde as cores son as protagonistas e que serviu para pechar a primera parte destas IV Xornadas sobre Violencia de Xénero.

UNHA NOVA VISIÓN SOBRE UNHA CINSENTA SEN PRÍNCIPE E VEXETARIANA PECHA AS IV XORNADAS LOCAIS SOBRE VIOLENCIA DE XÉNERO

2011-11-30T02:03:00.001-08:00

O departamento de Servizos Sociais e o Centro de Información á Muller (CIM) pecharon onte as IV Xornadas Locais sobre Violencia de Xénero cun gran broche de ouro e é que a Casa Dopeso quedaba pequena para acoller á gran cantidade de público que quixo desfrutar da adaptación teatral do conto La Cenicienta que no quería comer perdices.E é que, dende onte moitos e moitas de nós xa non veremos do mesmo xeito a lenda da Cinsenta.Tocaba darlle unha volta a unha desas historias que, dende ben nenos; os nosos pais, nais e avós nos contan para durmir onde sempre elas son as febles e eles os marabillos príncipes que nos sacarán de problemas co seu cabalo branco.Pero o mundo e os seus cidadáns cambian, evoluciona e agora toca apostar por historias reais, onde elas e eles son fortes, libres, choran, traballan, afrontan os seus problemas con valor e foxen de zapatiños de cristal e perdices para decantarse por zapatillas de deporte ou unha boa ensalada.A outra faciana desta historia plasmábase onte gracias ao gran traballo de interpretación realizado por varias das integrantes do colectivo de Amas de Casa e o CIM, que nos deron a coñecer unha Cinsenta que non quería comer perdices e un elenco de compañeiras e compañeiros de conto, un tanto diferentes ás personaxes típicas destas historias.Todo isto gracias a unha revisión dun clásico realizada pola escritora Nunila López e a ilustradora Miriam Cameros, esta última tamén onte presente entre o público que se achegou ata o salón de actos da Casa Dopeso.Mila Fraga, Fina Rodríguez, mari carmen landázuri, Elvira Novas; Leni Cela, María Martinez, mari Luz Rivera, Isabel López e Olga Gómez foron as encargadas de exercer de actrices por un día para darlle voz e vida á ensinanza que recolle esta historia, onde unha princesa opta por seguir o camiño tradicional de buscar un príncipe que lle aporte felicidade e, deste xeito, cumprir cos estereotipos marcados pola sociedade para ser feliz pero que non é, precisamente, un mundo no que logre este cometido xa que esta particular Cinsenta tan só vive para ser sumisa, para servir e para deixar afogar os seus soños nuns zapatiños de cristal.Pero Cinsenta decátase de que o máis importante desta vida é ser un mesmo: neste caso unha princesa vexetariana, que lle gusta andar descalza, que non se deixa levar polas modas e que di basta ao papel marcado pola sociedade para as mulleres.E é que coma en todo conto temos tamén eiquí moralexa: a de que calquera pode caer na trampa dos clichés sociais e que non sempre dan a felicidade, porque por moito que, durante séculos, muller e home conten cun papel marcado toca cambiar as regras e é que eles tamén poden chorar e elas vivir ao seu xeito, sendo libres e sen príncipes salvadores porque para historias de valentes heroes xa están elas mesmas.A representación non puido ter mellor acollida e, esta mesma mañá, tocaba novamente que estas actrices volvesen dar vida a esta Cinsenta aínda que diante doutro tipo de público: os alumnos e alumnas dos institutos Moncho Valcarce e Castro da Uz que ateigaron o patio de butacas da Casa Dopeso para ver, enriba dun escenario, unha historia coa que xa levan traballando varios días ao abeiro do programa escolar que o departamento de Servizos Sociais e o CIM estiveron a desenvolver nos centros educativos en relación ao 25 de novembro.Asemade, a representación completouse coa participación da ilustradora Miriam Cameros que lles falou aos rapaces de como se deu vida esta historia tamén con final feliz pero á marxe de perdices e castelos enfeitizados.

O pleno pontés da luz verde ás obras a financiar polo Plan de Obras e Servizos para o 2012

2011-11-29T08:16:00.001-08:00

• O concello pontés contará con algo máis de medio millón de euros para acometer diferentes traballos tanto no casco urbano como no medio rural O Concello de As Pontes aprobou hoxe, en sesión extraordinaria, o listado de obras a incluír no Plan de Obras e Servizos (POS) para o vindeiro exercizo.O executivo pontés contará con case 550.000 euros para afrontar un total de catro partidas de obras a desenvolver tanto no casco urbano coma no medio rural. Así as cousas, está previsto destinar 210.297, 28 euros aos traballos de pavimentación nas zonas de Sucadío, A Pedrafita, A Calvela, Ponte de Penapurreira, Carballo Infante, rúa Otero Pedrayo e pistas dos centros educativos Monte Caxado e A Magdalena.Outros 70.084, 90 euros adicaranse á primeira fase dos traballos de pavimentación e alumeado do poboado do Barreiro, namentras que no poboado da Fraga tamén se acometerán diversos traballos de mellora de servizos e pavimentación, por valor de 122.157,12 euros.Os 139.830,71 euros restantes adicaranse ás obras de pavimentación da calzada da Avenida de Ferrol, dende a súa conexión coa avenida da Coruña ata a praza da Capela do Carme.Como obra complementaria escolleuse o asfaltado en Maciñeira e Cabo dos Paces e colocación do alumeado na rúa Cabanas e que suporía un desembolso de 81.353,70 euros.O Plan de Obras e Servizos 2012 foi aprobado esta mañá nunha sesión extraordinaria urxente debido a que mañá mesmo remata o prazo de presentación dos proxectos a financiar por estes fondos.Partido Socialista e Partido Popular respaldaron estas obras, namentras que o BNG optou pola abstención ao considerar que as prioridades en materia de obras deberían ser diferentes ás plantexadas polo equipo de goberno.

Unha obra de teatro protagoniza ás IV Xornadas Locais sobre Violencia de Xénero

2011-11-28T05:08:00.001-08:00

Mañá terán lugar estas xornadas nas que se abordará a igualdade nos contos e que contará coa representación teatral do conto La Cenicienta que no quería comer perdices O Concello de As Pontes continuará esta semana co seu programa de conmeración do Día Internacional da Eliminación da Violencia contra a Muller. De feito mañá, ás 20.00 horas, na Casa Dopeso, terá lugar a representación da adaptación teatral do conto La Cenicienta que no quería comer perdices, escrito por Nunila López Salamero e ilustrado por Myriam Cameros Sierra.Esta será a primeira vez que este conto para adultos conte cunha adaptación teatral que será protagonizada por varias das integrantes do colectivo de Amas de Casa de As Pontes.Mila Fraga, Mari Carmen Landázuri, Fina Rodríguez, Elvira Nova, Leni Cela, María Martínez, Isabel López, Olga Gómez e Mari Luz Rivera serán as responsables de dar vida á Cenicienta, á fada Basta e ás demáis personaxes desta historia na que a tradicional princesa deixa paso a unha muller independente, que decide por sí mesma o camiño que quere levar na vida. A representación servirá para poñer o broche de ouro á cuarta edición das Xornadas Locais sobre Violencia de Xénero que este ano levará por título Os contos e a educación para a igualdade e que, un ano máis, organiza o departamento de Servizos Sociais e Atención Cidadá e o Centro de Información á Muller (CIM).O programa destas xornadas arrincará ás 18.00 horas coa inauguración oficial das mesmas por parte do edil José Alén. Seguidamente, a pedagoga municipal Eva Bergantiños protagonizará unha disertación sobre a igualdade nos contos e ás 19.00 horas, a ilustradora Myriam Cameros Sierra ofrecerá unha charla sobre o seu conto La cenicienta que no quería comer perdices.A directora do Centro de Información á Muller, MªCarmen Rego será a encargada de moderar estas xornadas que rematarán, ás 20.00 horas, coa representación teatral de La Cenicienta que no quería comer perdices.Outras actividadesO programa de conmemoración do 25 de Novembro tamén incluiu a celebración, o pasado sábado, dunha clase de defensa persoal feminina que impartiron os monitores do clube pontés de Kick Boxing Frank e que contou coa organización conxunta dos departamentos municipais de Deportes e Servizos Sociais.

O pavillón municipal da Fraga albergou esta convocatoria na que se deron cita ducias de veciñas e curiosos que puideron desfrutar dunha primeira exhibición desta disciplina a cargo de varios alumnos desta escola.Asemade tamén se realizaron varias técnicas de golpeo e patadas por parellas e algún pequeño asalto sobre un tatami instalado para a ocasión. A xornada completouse coa practica dalgunhas técnicas de defensa nas que participaron moitas das presentes e os propios monitores.De feito, unha parte básica desta clase foi o poder ensinar ás presentes sinxelos movementos para librarse dun malfeitor, distintos tipos de agarre, golpes co cóbado ou co xeonllo e patadas a zonas do corpo, coma a tíbia ou a entreperna que, en moitas ocasións, poden salvar a vida da agredida.

OS MÚSICOS PONTESES HOMENAXEARON O SÁBADO AO TROMPETA DOS SATÉLITES JULIO BERMÚDEZ RIVERA

2011-11-28T04:57:00.001-08:00

Santa Icía vivía esta fin de semana o seu día grande, unha xornada na que tocaba homenaxear a Julio Bermúdez Rivera e que, coma sempre, contaba cun impresionante festival no que se deron cita varias das grandes agrupacións da nosa vila xunto con autoridades e, por suposto, ducias de veciños e veciñas que non se quixeron perder este acontecemento.O serán do sábado foi o escollido para a celebración desta tradicional convocatoria, que se inauguraba coa actuación da Banda de Gaitas Alfaia que, coma sempre, baixo a dirección do mestre Bosa deu boa conta da calidade dunha formación que, hoxe en día, é unha das referencias da música pontesa.Marchiña no Castro, Rumba para Sara, Pasodobre dos Campaneros, Muiñeira de Covas e Arabexo foron as pezas que integraron o seu repertorio.Tras Alfaia tocaba cambiar radicalmente de estilo da man da actuación da Rondalla Vila de As Pontes que, unha vez máis, acudiu ao auditorio municipal Alovi co seu coro e tamén coa especial compaña dunha estudante norteamericana que se sumou aos pupilos do mestre Alfonso Delgado para interpretar A Herba de Namorar, María Bonita, La Reina del Placer e O Rodaballo.E dunha formación con xa 24 anos de historia ás súas costas, a outra que ven de arrincar hai moi pouquiño tempo da man da Banda Municipal de Música e é que, un ano máis, a Banda Xuvenil volvía deixar boquiabertos aos asistentes a este festival cun repertorio no que non faltaron temas dos Beatrles ou pezas clásicas coma Rodríguez Miguel que, maxistralmente dirixiu o mestre Daniel Novo Pena.Da Banda Xuvenil aos seus antecesores: a Banda de Música de As Pontes que, unha vez máis, deu conta da súa clase e maxestuosidade enriba dun escenario coa dirección de José Lodeiro e con temas da altura de Don Pajarita, Florisol ou La Gran Vía.Trala música tocaba dar paso ao momento máis emotivo do festival coa merecida homenaxe ao extrompeta dos Satélites Julio Bermúdez Rivera, veciño do Aparral cunha dilatada carreira musical que o levou, dende os 16 anos, a facer da súa paixón pola música o seu medio de vida, adicación que na tarde do sábado se vía recompensada, mediante unha homenaxe que encabezaron o alcalde de As Pontes, Valentín González Formoso, e a edil de Cultura, Sara Ramos, ademáis da agrupación Ruada, responsable da organización destas dúas semanas de música.Como ven sendo habitual, como recordo desta xornada optouse por agasallar ao homenaxeado cunha peza elaborada polo torneiro Fernando Vérez e que emulaba a dúas notas musicais.Non podían faltar as verbas do homenaxeado, que agradeceu este recoñecemento a toda unha vida adicada á súa trompeta e a facer desfrutar aos demáis co ritmo das súas interpretacións.Para pechar o acto nada mellor que escoltar o Himno Galego da man dos integrantes da Banda de Música aínda que a noite ía ser longa xa que, como é tradicional, tocaba cea de Santa Icía e desta vez na Capela, no restaurante Casa Peizás, onde se deron cita máis dun cento de veciños e veciñas de As Pontes para poñer o punto gastronómico a estas dúas semanas de música aínda que non podía faltar tamén o poder botar algunha que outra peza, desta vez co acompañamento da orquestra Foliada que alongou a festa ata ben entrada a madrugada.

O Concello de As Pontes cede a casa dos legoiros do Aparral para o seu uso coma local veciñal

2011-11-28T02:02:00.001-08:00

O alcalde de As Pontes, Valentín González Formoso, e a directiva da AVV Santa María asinaron hoxe o acordo de cesión deste inmoble para o seu uso como local social

O alcalde de As Pontes, Valentín González Formoso, asinou esta maña´o convenio de cesión da casa de peóns camineiros do Aparral para o seu uso por parte da asociación de veciños da parroquia.O acto tivo lugar no propio inmoble e no mesmo estiveron presentes os membros da directiva da AVV Santa María do Aparral e multitude de veciños, ademáis de representantes do tecido asociativo local e dos grupos políticos municipais e o ex delegado da Xunta de Galicia Alberto González.O primeiro edil subliñou que, deste xeito, vese cumprida unha demanda que, dende hai anos, viña realizando esta entidade, unha das poucas que, ata hoxe, non contaban cun local propio no que desenvolver as súas actividades. Asemade, González Formoso agradeceu a colaboura da Xunta de Galicia que cedeu este local e que foi responsable da realización das dúas escolas taller Fontelimpa, mediante as que se recuperou este inmoble.González Formoso tamén quixo subliñar que, con esta inauguración, cumprénse tres obxectivos: recuperar un ben patrimonial, dar solución á demanda dun local social para estes veciños e ofrecer formación aos alumnos e alumnas da escola Fontelimpa.Pola súa parte, dende a asociación de Santa María do Aparral, quixeron agradecer o apoio da Xunta de Galicia, do Concello e dos grupos políticos por respaldar esta iniciativa, ademáis do traballo da escola taller Fontelimpa sen a que non sería posible este local e convidaron aos seus socios a desfrutar destas instalacións e a colaborar para que a asociación continúe adiante.O acto desta mañá completouse coa bendición oficial do local por parte do párroco da zona e cun ágape do que puideron desfrutar todos os convidados a esta cita.Este inmoble, de 134 metros cadrados, foi recuperado gracias ao traballo, nestes dous últimos anos, dos alumnos e alumnas das dúas escolas taller Fontelimpa, que se desenvolveron no municipio.O proxecto, realizado polo arquitecto pontés Antonio Ferreiro, incluíu a recuperación da cuberta do local e dos muros exteriores e interiores da edificación. Asemade, realizouse unha nova división deste edificio que, agora, conta cunha ampla sala de reunións, aseos e lareira, ademáis dun almacén.Por outra banda, tamén se recuperaron as vigas de madeira que agora quedaron ao descuberto e arranxouse o pequeno patio traseiro co que conta este edificio.O inmoble, ubicado na estrada C-641 entre As Pontes e Vilalba, foi cedido pola Consellería de Economía e Facenda en xaneiro de 2009, como ben de natureza patrimonial e agora servirá para que os 114 asociados deste colectivo conten cun espazo no que desenvolver as súas charlas, cursos ou citas gastronómicas.Este é o segundo edificio destas características recuperado polo Concello para a súa posterior cesión a usos sociais xa que, o pasado mes de maio, se asinaba o convenio de cesión da casa de legoeiros da Casilla do Bañal en favor do colectivo de caza e pesca A Venatoria. Este inmoble foi recuperado tras tres décadas de abandono, gracias a unha inversión 158.149 euros procedentes do Fondo Estatal de Sostenibilidade Local e agora serve como local social do colectivo pontés

Os músicos ponteses homenaxearán mañá ao trompetista Julio Bermúdez Rivera

2011-11-25T07:31:00.001-08:00

• A agrupación Ruada, coa colaboura do Concello, organizou dúas semanas de actividades musicais que se pechan esta fin de semana cun festival e un acto litúrxico O Concello de As Pontes colabora un ano máis coa organización dos actos de Santa Icía 2011, desta vez postos en marcha polo colectivo Ruada, no que se agrupan 15 dos grupos, bandas e formacións musicais pontesas que, cada ano, aunan esforzos para idear un programa de actividades que, durante dúas semanas, consigue levar a música por todos os recunchos do municipio pontés.Mañá Santa Icía 2011 vivirá o seu día grande, será cun festival homenaxe a un músico local co que se recoñece cada ano o importante papel na conservación e transmisión da música, xeración tras xeración e que deu lugar a que, a día de hoxe, As Pontes conte cun importante plantel de artistas en todo tipo de estilos musicais.Nesta ocasión, o homenaxeado será o ex trompeta da orquestra Los Satélites Julio Bermúdez Rivera, veciño da parroquia do Aparral, aínda que, a día de hoxe, reside na cidade da Coruña.Dende as 18.00 horas de mañá e sobre o escenario do auditorio municipal Alovi os músicos ponteses lle renderán merecida homenaxe a este artista, cun festival no que está prevista a participación da Banda de Gaitas Alfaia, a Rondalla Vila de As Pontes, a Banda Xuvenil de Música e da Banda de Música de As Pontes.Asemade, ao longo deste concerto, farase entrega dun agasallo a Julio Bermúdez Rivera en recoñecemento da súa traxectoria profesional e do seu importante papel en prol da transmisión da cultura musical pontesa e, por suposto, galega.Posteriormente, celebrarase unha cea popular que, este ano, terá lugar no restaurante Casa Peizás da Capela, ás 22.00 horas e que contará co acompañamento da orquestra Foliada.O domingo pecharase o programa de Santa Icía 2011 en Ribadeume onde, ás 10.30 horas, terá lugar unha misa e unha ofrenda floral no monumento aos músicos ponteses e que atopa tamén ubicado nesta mesma parroquia.A Agrupación Cultural Alende e o Grupo Tradicional Canavella encargaranse de poñer a música a un domingo co que se pecharán estas dúas semanas de música que deixaron tras de sí máis dunha vintena de actuacións do máis variopintas e aptas para todo tipo de público e de oído musical.Biografía Julio Bermúdez RiveraJulio Bermúdez Rivera nace en 1929 na parroquia do Aparral (As Pontes). Con tan só 12 anos inicia os seus estudos de solfeo co mestre Servando López Bouza aínda que será con Rodrigo López cando se adentre xa na práctica instrumental , nesta ocasión coa trompeta.Con 16 anos debuta coa orquestra Puentes aínda que en 1950, co seu ingreso no Servizo Militar, tivo que abandoar esta formación aínda que durante os seus anos de servizo aprendeu a tocar o contrabaixo.Unha vez rematado o servizo, regresa á orquestra Puentes e ata forma parte da orquestra Mallorca. En solitario, Julio Bermúdez tivo a oportunidade de participar no concurso radiofónico Desfile de Estrelas.En 1963 emigra a Inglaterra onde comeza a traballar no sector da hostalería aínda que pouco tarda en incorporarse como trompetista en varios grupos da época que o levan polos mellores clubes británicos da época.En 1974 regresa a España e afíncase na Coruña, ademáis comeza a súa andaina na orquestra Los Satélites cos que percorrerá todo o país, Europa e tamén parte de América Latina. Ésta foi a súa derradeira experiencia musical xa que, en 1992, e con 62 anos de idade Julio Bermúdez decide retirarse do mundo do espectáculo para adicarse á súa familia.

Unha vintena de mulleres participan nun obradoiro de autoestima e reflexión sobre o papel da muller na sociedade

2011-11-24T13:40:00.001-08:00

• O departamento de Servizos Sociais, o CIM e a ong Ayuda en Acción organizaron esta charla incluída na programación conmemorativa do 25-NO Concello de As Pontes, mediante o departamento municipal de Servizos Sociais e o Centro de Información á Muller (CIM), continúa coa súa programación adicada ao Día Internacional para a Eliminación da Violencia de Xénero e, nesta xornada, a actividade trasladouse á Casa Dopeso.Alí déronse cita unha vintena de veciñas que tomaron parte nun obradoiro de autoestima que levou por título Quérete moito.O edil de Servizos Sociais e Atención Cidadá, José Alén, xunto coa directora do CIM, MªCarmen Rego, tamén quixeron asistir a este taller que aterraba hoxe en As Pontes da man da organización non gubernamental Ayuda en Acción, e cunha anfitrioa de luxo: a directora do Instituto de Liderazgo Las Segovias de Nicaragua, Haydee Castillo, que se encargou de desenvolver diferentes prácticas, execizos e actividades nas que se fomentaba a autoestima das participantes e o importante papel e valor da figura feminina na sociedade.A través de diferentes conversas, de exemplos prácticos aportados polas propias participantes sobre o papel do home e o da muller na sociedade ou mediante a análise dos estereotipos sexistas que, lamentablemente, a día hoxe, permanecen na sociedade, oradora e participantes compatiron experiencias vitais e tamén reflexións sobre a situación da muller no desenvolvemento dos pobos e o seu fundamental papel para dar lugar á evolución da sociedade.E é que elas son os piares básicos do pasado, presente e futuro da sociedade, tal e como quedou máis que reflectido nesta charla na que tamén as emocións xogaron un importante papel mediante diferentes casos explicados polas participantes e que, sen ser exemplos de violencia de xénero, sí que deixan claro que aínda, a día de hoxe, se está a vivir nunha sociedade patriarcal que define á muller coma sumisa e dependente dunha figura masculina.Tras dúas horas de xogos, confesións e moitas reflexións Haydee Castillo despedíase desta vintena de mulleres de As Pontes que hoxe contan con novos recursos para valorarse a sí mesmas.Xa mañá as actividades conmemorativas do 25-N regresarán ao I.E.S Moncho Valcarce onde, ás 12.10, durante o recreo, terá lugar o reparto de lazos brancos e a lectura do manifesto Homes enfrontándose en contra da violencia hacia as mulleres.

Os poetas do grupo pontés Alalá ofrecen este venres un recital para celebrar Santa Icía 2011

2011-11-24T05:46:00.001-08:00

• Ademáis da poesía local, este recital incluirá as actuacións do pianista José Manuel Campello e o violonchelista Juan José Díez e as lecturas do escritor Xosé Luís Sobriño O grupo poético Alalá celebrará, este venres, o seu recital de outono, unha actividade incluída no programa de Santa Icía 2011, ideado polo colectivo Ruada, coa colaboura do Concello de As Pontes, para conmemorar á patroa do gremio musical.O recital contará coa participación dos cinco integrantes de Alalá: MªCarmen Freire, Ofelia López, Gloria David, Santi del Moral e Aníbal Ánxel que recitarán as súas últimas composicións na compaña da música do pianista José Manuel Campello e do violonchelista Juan José Díaz que, unha vez máis, colaboran con esta actividade.Asemade, como ven sendo habitual, aos poetas ponteses sumarase un convidado, desta vez Xosé Luis Sobriño, xornalista e poeta betanceiro, dará lectura a algúns dos textos incluídos no seu libro Lendario Acibeche. Este venres ás 21.00 horas, no salón de actos da Casa Dopeso, terá lugar este recital que será de entrada totalmente libre para todo aquel que desexe desfrutar da mellor poesía e música feitas en As Pontes.

O Concello de As Pontes desenvolve charlas sobre os estereotipos sexistas entre o estudantado de secundaria e bacharelato

2011-11-23T07:57:00.001-08:00

¨ Estas sesións, que rematan o venres, chegarán a máis dun cento de alumnose están integradas no programa do Día Internacional da Non Violencia contra aMuller

OConcello de As Pontes, mediante o departamento de Servizos Sociais e AtenciónCidadá e o Centro de Información á Muller (CIM), puxo en marcha, esta mesmasemana o seu programa de actividades nos centros educativos para conmemorar o Día Internacional da NonViolencia contra a Muller.

E éque, tal e como subliñou o edil José Alén, é preciso traballar dende idadestemperás para que, os homes e mulleres do futuro non conten cunha sociedademarcada pola lacra da violencia de xénero. De feito, segundo explicou oconcelleiro é preciso rematar cun modelo social no que priman os prexuízossexistas, traballando dende a escola e dende a propia familia para que asdiferenzas entre homes e mulleres se aproveiten para enriquecer e completar odesenvolvemento dos estudantes.

JoséAlén recalcou o importante papel que xogan as administracións á hora defomentar a lograr a igualdade real entre homes e mulleres, de aí que, ano trasano, o executivo pontés aposte por poñer en marcha novas iniciativas en prol daeducación en igualdade dos máis novos, políticas que, tal e como adiantou oedil, se continuarán fomentando ano tras ano.

Asías cousas, dende o pasado luns e durante toda a semana, alumnos e alumnas de Secundaria e Bacharelatodos institutos Moncho Valcarce e Castro da Uz están a participar en clasesteórico – prácticas nas que se analizan o papel da muller e do home nos contospopulares.

Adirectora do CIM, MªCarmen Rego, é a responsable de impartir estas clases de 50minutos de duración e que chegarán a máis dun cento de estudantes.

Aolongo destas sesións, a directora do CIM achégalles aos rapaces e rapazas oprograma de actividades ideadas polo concello para conmemorar esta data,facendo especial fincapé na visita que realizará a As Pontes a ilustradoraMyriam Cameros, responsable das viñetas que acompañan ao texto de Nunila LópezSalamero La Cenicientaque no quería comer perdices. E é que esta debuxante estará en As Pontes ovindeiro día 30 para compartir con estes estudantes as súas impresións sobreesta historia de princesas que non querían precisamente un final de conto defadas para a súa vida e que optan por outro tipo de camiños que tamén dan afelicidade á marxe do típico matrimonio e a vida de ama de casa.

Nestassesións tamén se traballa con este mesmo texto para identificar e reflexionarsobre o papel do home e da muller nesta historia lonxe de estereotipos, ao quese suma tamén a análise doutros contosde fadas xa máis coñecidos e populares.

Cadacharla complétase cun conto conxunto, neste caso o tradicional A Cinsenta,que , entre todos os alumnos e alumnas idean e que, unha vez rematado, taménserve de base para identificar os estereotipos de homes e mulleres arraigadosna sociedade e para ver o papel da muller hai medio século e comparalo coasituación actual que se ve reflectida xa no texto A Cinsenta que non queríacomer perdices. E é que tal e como subliña MªCarmen Rego nestas charlas asociedade foi evolucionando, dando lugar a diferentes conceptos de familia, demuller e de home que agora tamén se ven reflectidos en contos coma o de MyriamCameros e Nunila López.

Asemana pecharase co reparto de lazos brancos o día 25 e coa lectura, durante otempo de recreo, do manifesto Homes enfrontándose en contra da violenciahacia as mulleres.

O Concello de As Pontes idea unha campaña para promocionar as compras nos comercios ponteses

2011-11-23T07:38:00.001-08:00

¨ Un curso de empaquetado para comerciantes e un premio popular ao comercioque realice os paquetes máis chamativos integran esta nova aposta respaldadapolo departamento de Promoción Industrial en prol do comecio pontés

OConcello de As Pontes, mediante o departamento de Promocion Industrial,Comercio e Hostalaria, porá en marcha unha nova iniciativa destinada adinamizar e promocionar o comercio local pontés.

Baixo o lema As Pontes, o teu centro comercial desenvolverase unhacampaña que persegue a concienciaciónsocial destinada a que os veciños fagan as súas compras nos establecementoslocais, co ánimo de mellorar e desenvolver a economía pontesa o que,consecuentemente, tamén repercutirá no conxunto da poboación.

En declaracións da concelleira Montserrat Garcia As Pontes “conta cuncomercio de calidade do que todos debemos facer uso, primando por adquirir oque precisemos nos establecementos locais para incentivar a economía local”.

A campaña desenvólvese en dúas fases, segundo explicou Montserrat García, unhaprimeira de formacion para os comerciantes e, unha segunda que consiste nunconcurso no que a participación social dirimirá cal é o establecemento quemellor presenta e empaqueta os agasallos e, polo tanto, gañador do certame.

Habera, ademais, premios para os votantes, que consistirán en dous lotes deagasallos doados polos establecementos participantes.

Tralo éxito acadao pola recente edicion do Mercado de Oportunidades Vila de AsPontes (MOVA) e para pechar o ano lévase a cabo esta nova iniciativa, que non emáis que o comezo dunha longa lista de actividades e eventos a desenvolver polaconcellería de Promoción Industrial, Comercio e Hostalaria xa que, segundoaclarou Montserrat Garcia “o vindeiro ano poranse en marcha outrasiniciativas, tanto para o comercio como para a hostalaría, sectores dos quedependen máis de 600 postos de traballo,” polo que a intención do gobernomunicipal continuará a ser o apoio e a atención á permanencia e subsistenciaduns negocios xa en marcha e que sosteñen moitos postos de traballo en AsPontes.

O programa Aulas de Diversión abre as súas portas este sábado coa conmemoración do Día dosDereitos da Infancia

2011-11-17T06:50:00.001-08:00

Teatro, maxia, cociña, manualidades e a celebración fo Antroido ou o Nadal incluiranse na programación a desenvolver nesta terceira edición de Aulas de Diversión

As Pontes, 17 de Novembro de 2011.-

O Concello de As Pontes, a través do departamento de Servizos Sociais e Atención Cidadá, retoma esta fin de semana o seu programa educativo Aulas de Diversión, unha iniciativa que conta este ano co respaldo económico da Deputación da Coruña, e coa que se busca axudar ás nais e pais pontesas a conciliar a vida laboral, doméstica e familiar nas mañás de sábado pero ofrecendo aos pequenos e pequenas a posibilidade de desfrutar do ocio educativo.

Novamente, as dependencias da Casa de Don Pedro volverán ser o escenario dos xogos e actividades ideadas polos monitores e monitoras da empresa Xestionplus, que se volverá facer cargo deste programa que, esta fin de semana, porá en marcha a súa terceira edición, a segunda no que vai de ano e que volverá ser totalmente gratuíta.

E é que, segundo explicaron dende a concellería que dirixe José Alén, é preciso continuar a respaldar iniciativas que axuden a que pais e nais continúen coa súa promoción laboral ou ben que afronten o seu día a día, coa confianza de contar cun programa educativo para deixar aos seus pequenos e, por riba, no que ocio e aprendizaxe vaian da man.

De feito, segundo recalcou José Alén o éxito colleitado por este programa en edicións anteriores é a mellor proba de que se está a seguir o camiño axeitado á hora de ofrecer á cidadanía unha serie de políticas de benestar social do máis útiles para atender as súas necesidades cotiás. De aí que, o propio edil adiantase a intención de continuar a traballar nesta mesma línea.

Estes talleres desenvolveranse cada sábado durante un total de nove semanas, cos correspondentes paróns propios das vacacións de Nadal e nos mesmos traballarase temáticas coma os dereitos da infancia, o Nadal, o entroido, a maxia, os títeres, o teatro ou ata a cociña.

Xa este sábado desenvolveranse diferentes iniciativas para conmemorar o Día Internacional dos Dereitos da Infancia, mediante actividades decorativas que se mesturarán coa aprendizaxe dos dereitos básicos dos nenos e nenas.

De feito, os asistentes poderán decorar a Casa de Don Pedro con mans feitas en Madeira e pintar e decorar as súas propias siluetas nas paredes deste inmoble.

Aulas de Diversión abrirá as súas portas entre as 10.30 e ata as 13.30 horas deste sábado e para participar tan só é preciso que os nenos e nenas, que deberán ter entre 3 e 12 anos, se acheguen ata estas dependencias e deixen os seus datos aínda que, como ven sendo habitual, o número de participantes é limitado aos 30 primeiros inscritos.

O EDIFICIO MULTIFUNCIONAL DA FRAGA ABRIRÁ AS SÚAS PORTAS EN 2012

2011-11-16T10:40:00.001-08:00

Co novo ano abrirase o centro multiusos do hexágono, que en menos de dous meses quedará rematado agás no proceso final de pintado e dotación de material definitivo.

A día de hoxe podemos falar xa dun 80 por cento de execución deste proxecto de rehabilitación que conta cun orzamento de 300.000 euros, dos que 190.000 proceden cunha aportación do Plan Ferrol.

Con esta obra cúmprese o obxectivo marcado polo actual equipo de goberno de de recuperar un inmoble para o que se teñen barallado múltiples usos pero que, nos últimos anos, estaba abandoado e era obxecto contínuo de actos vandálicos dende que deixara de empregarse no que foi o seu último cometido como escola obradoiro.

A obra do hexágono da Fraga realizouse nos anos 70 co fin de albergar a feira quincenal malia que nunca chegou a cumprir ese cometido.

Coa posta en funcionamento deste espazo búscase dotalo de actividade diaria, o que redundará no seu aproveitamento e mantemento.

Para que os traballos avantasen a este ritmo está a ser fudamental a aportación dos alumnos e alumnas da escola obradoiro Fontelimpa II que, nestes días, remataron co acondicionamento interior deste espazo.

Previamente, procedeuse a colocar unha nova cuberta e a impermeabilizar a fachada.

A superficie total do novo edifício supera os 900 metros cadrados, salientando o espazo común que quedará no centro mesmo, con máis de 260 metros cadrados, a xeito de patio cuberto de uso común.

O resto das estadías, un total de oito, estarán adicadas a locais sociais e estudos de ensaio e gravación para os grupos musicais da vila.

Está garantido xa o emprego dos distintos módulos do inmoble para albergar os locais da Asociación de Artesáns do Eume e dos Amigos da Madeira, ademáis dun aula obradoiro polivalente, un estudo gravación e dúas salas de gravación e outra ensaio, unha sala de control, un almacén, un local para a Coordenadora de Anpas Abrente e catro oficinas para diversas asociacións e clubes locais.

Haberá que engadir tamén unha sala de bedel, aseos e cuartos de instalación e limpeza.

O Concello de As Pontes aposta polo teatro e polo fomento da igualdade mediante os contos para celebrar o Día Internacional da Non Violencia contra a Muller

2011-11-16T10:35:00.001-08:00

• O programa para estes días tamén incluirá unha nova edición das Xornadas Locais sobre Violencia de Xénero, obradoiros para mulleres e charlas nos centros escolares

As Pontes, 16 de Novembro de 2011.-

O Concello de As Pontes, mediante o departamento de Servizos Sociais e Atención Cidadá e o Centro de Información á Muller (CIM), ven de presentar o que será o programa de actividades para conmemorar a celebración do 25 de Novembro, Día Internacional da Non Violencia Contra a Muller.

Malia que a maioría das actividades desenvolveranse durante a vindeira semana, xa nestes últimos días se puxeron en marcha diferentes iniciativas enmarcadas na conmemoración dunha data que, ano tras ano, gaña en relevancia social, participación e innovación.

De feito, segundo anunciaron dende o departamento que dirixe José Alén, nesta ocasión, apostouse por incluír unha representación teatral da obra A Cinsenta que non quería comer perdices, toda unha novidade con respecto ás actividades deseñadas en anos anteriores dende esta concellería.

Esta representación está prevista para o vindeiro día 29 ás 20.00 horas e estará incluída no programa das IV Xornadas Locais Sobre Violencia de Xénero, que se celebrarán na Casa Dopeso dende as 18.00 horas.

Para este ano optouse por abordar o concepto da igualdade entre homes e mulleres nos contos, tema do que falarán a pedagoga do Concello de As Pontes, Eva Bergantiños, e tamén a propia autora das ilustracións da obra a representar Myriam Cameros Sierra. Non faltarán as intervencións do propio concelleiro José Alén e da directora do CIM de As Pontes Mª Carmen Rego.

Un ano máis, dende Servizos Sociais intentouse idear un programa dirixido a calquer tramo de idade, tanto adolescentes coma adultos, de aí que tampouco falten no programa deste 25-N, as actividades nos centros educativos para fomentar, dende a infancia, a igualdade entre homes e mulleres e a aprendizaxe de comportamentos non tolerantes diante de calquer tipo de acto violento contra a muller.

Precisamente, o vindeiro luns arrincarán unhas charlas nos centros de Secundaria e Bacharelato de As Pontes nas que se empregará como elemento de traballo o conto da Cinsenta que non quería comer perdices e que se completará, o día 30 de novembro, cun encontro entre a ilustradora desta historia e os estudantes que compartirán impresións e ideas sobre a publicación cunha das súas coautoras.

Non podía faltar, o día 25, a lectura dun manifesto en contra da violencia contra a muller nos centros educativos de Secundaria e Bacharelato e o reparto de lazos brancos entre os estudantes.

Este ano tampouco vai faltar o traballo co colectivo feminino. De feito, xa hai unhas semanas poñíase en marcha un curso de cesteiría con papel dirixido a mulleres, no que participan unha vintena de alumnas e, nestes días, tamén se está a desenvolver un obradoiro de adestramento da memoria no que están a tomar parte as sociais do colectivo de viuvas María Magdalena.

Xa para a vindeira semana está prevista a celebración dun curso de autoestima para mulleres, que se desenvolverá o día 24 na Casa Dopeso, e un segundo obradoiro de defensa persoal para mulleres e que se celebrará o día 26, gracias á colaboura do departamento municipal de deportes e o clube de Kick- Boxing Frank.

O Concello de As Pontes organiza unha clase de defensa persoal para conmemorar o Día Internacional da Non Violencia contra a Muller

2011-11-14T07:31:00.001-08:00

¨ Os departamentos de Servizos Sociais e Deportes, xunto co CIM de AsPontes, colaboran nesta clase na que se ofrecerá ás mulleres técnicas para asúa autodefensa

As Pontes, 14 de Novembro de 2011.-

O Concello de As Pontes, através dos departamentos de Deportes e Servizos Sociais, está a organizar parao vindeiro día 26 unha xornada adicada á defensa persoal feminina.

A clase, que estaráimpartida polos monitores do clube Kick Boxing Frank, forma parte daprogramación municipal ideada pola concellería de Servizos Sociais e o Centrode Información á Muller (CIM) para conmemorar o Día Internacional da Non Violencia contra a Muller.

Durante este obradoiro, asasistentes poderán aprender sinxelas técnicas para defenderse dun ataque, dunroubo ou de calquer tipo de agresión ou situación comprometida, aptas paratodas as idades e condicións físicas.

Deste xeito, o executivolocal volve retomar os obradoiros de defensa persoal que xa se desenvolveronata en tres ocasións, en anos anteriores, para conmemorar o 25-N, actividades que lograron un gran número de asistentese que permitiron coñecer ás alumnas dende diferentes tipos de agarres, atatécnicas de fuxida ou incluso como aproveitar elementos tan comúns coma unhaschaves ou un bolígrafo para denfenderse dun ataque.

Nesta ocasión, o pavillónmunicipal da Fraga acollerá, o día 26 e dende as 17.00 horas, esta xornada queserá gratuíta e aberta a todas as veciñas de As Pontes. De feito, habilitaraseun servizo de canguro para que aquelas nais que non teñan con quen deixar aosseus pequenos poidan asistir a esta clase e contar cun servizo de coidadoras nomesmo pavillón municipal.

De feito, dende oexecutivo local animaron a todas as veciñas de As Pontes a participar nestaclase que será tan útil coma entretida e é que a base desta xornada está narealización práctica das diferentes técnicas para que as participantesasimilen, da man dos monitores, os distintos movementos a poñer en práctica cofin de evitar unha agresión.

Para obter máisinformación sobre esta actividade ou ben para xa concertar o servizo decanguro, as interesadas en participar poderán telefonar ao 667 19 20 99, remitir un correo electrónico ao enderezo ana.alonso@aspontes.org, pasarse polaoficina do departamento municipal de deportes entre as 9.00 e as 13.45 horas ouben acceder á páxina web municipal no enderezo www.aspontes.com.

RADIO EUME CUMPRE 22 ANOS CUN PROGRAMA DE RECORD

2011-11-13T09:38:00.001-08:00

Radio Eume, a nosa Radio, a Radio das Pontes cumpriu 22 anos, e fíxoo por todo alto rendéndose unha vez máis aos veciños, aos seus oíntes cunha programación especial que arrincaba ás 00.00 horas do 11 de novembro e que rematou ás 22.00 horas desta mesma xornada.

Xose Cendán, o actual responsable de RTVEume, foi o único conductor desta macroentrevista aberta e en directo, durante as 22 horas nas que se desenvolveu esta maratón e que se corresponden cos anos de emisión de Radio Eume.

Non se durmiu, non se parou, non existiu outra misión durante as 22 horas, que a de entrevistar aos que foron protagonistas da nosa radio, e a de recibir as chamadas dos oíntes, fieis seguidores de Radio Eume desde os seus comezos.

Polos estudos de Radio Eume pasaron, nesta macroentrevista, o alcalde das Pontes, Valentín González Formoso, encargado de inaugurar a maratón, os sacerdotes Xavier Martínez e Javier de Rosende ou o presidente da EMUGA, Enrique Sanfiz.

Ao longo da madrugada contactouse vía telefónica con hostaleiros, panadeiros, e quiosqueiros da vila, que recordaban onde estaban hai 22 anos cando nacía ás ondas Radio Eume.

Recibíronse tamén chamadas de veciños das Pontes que a día de hoxe están desprazados noutros puntos do territorio estatal, en Ferrol, Lugo, Sevilla, Valladolid, Mallorca ou Burgos, entre outros lugares.

Xa polo día amencíamos coas intervencións de varios dos membros do grupo de goberno, o concelleiro de Acción Rural, Antonio Castro; o de Servizos Sociais e Participación Cidadá, José Alén; e a edil de Cultura, Sara Ramos. Unha das entrevistas máis agardadas era a de, Aquilino Meizoso Carballo, alcalde no intre no que se fundou a radio e impulsor dos medios locais, xunto co tamén ex-concelleiro Fermín Paz Lamigueiro. Aquilino Meizoso lembrou as orixes da nosa radio, e apostou polo seu futuro como medio social e non como instrumento político.

Non faltaron tampouco as intervencións dos compañeiros de traballo, tanto dos asalariados como dos colaboradores, Carlos Cosentino, conductor do programa Argentina, mi país desde hai máis dun lustro, José Luis López, responsable durante anos na Televisión Local do programa Pesca Eume e un dos contertulios dende hai xa varias edicións na tertulia dos venres de Radio Eume, ao que tamén se sumou Emilio Fresco ou o ex edil Óscar García, tamén vencellados a este programa radiofónico que aínda ocupa as mañás dos venres.

Persoeiros da política municipal coma os concelleiros Jessica Lago, Ana María Pena, Antonio Alonso, Jessica Fernández Polo ou Jesús Tembrás, tamén pasaron o venres polos micros de Radio Eume aínda que tamén houbo a oportunidade de recibir, por teléfono a ex colaboradores coma Mel Gómez Rozas, Sandra Blanco ou Iria Gómez; ou contar coa presenza no propio locutorio de Antón Ferreiro, a atleta Susana Castro, Juan Canosa ou Mónica Dasilva; e ata houbo oíntes que levantaron o seu teléfono para, en directo, felicitar con todo o agarimo á radio máis nosa.

Tamén houbo onte un recordo para os que xa non están e nos acompañaron durante anos, como Wendy Alluso ou Ángel Cartelle que tamén pasaron uns minutos lembrando o que facían hai 22 anos, un 11 de novembro de 1989.

Asemade, 22 anos máis tarde non debían quedar no esquecemento os que por aquí pasaron e ofreceron o mellor de sí mesmos á nosa emisora, Xosé Lois Peón, Pablo Paz, primeiro técnico de son da emisora local, Fina Blanco, primeira directora; e Paula Pereira tamén directora deste medio, voces ás que se sumaron ás dos técnicos, redactores e membros do equipo actual de RTVEume e que, con Xosé Cendán á cabeza, puxeron o punto e final a esta celebración cun merecido aplauso de recoñecemento a 22 anos de historia, traducidos en 22 horas de programa.

Pero a radio é o territorio dos silenzos e da voz e por iso 71 voces se sumaron á de Xose Cendán na xornada de onte, xornada de récord e que volveu deixar claro que Radio Eume é unha radio familiar, unha radio de cercanía, con 22 anos de vida, e que conta coa mesma ilusión coa que se naceu, cun gran espíritu de supervivencia e cuns obxectivos claros, divertir aos oíntes, facelos partícipes da realidade que os rodea e mantelos informados de todo o que sucede na súa vila.

Chegue dende aquí un saúdo a todos e todas os que fixeron posible Radio Eume, ao longo destes 22 anos de vida, desexarlle, alomenos, chegar a celebrar outros tantos, e felicitar a Xose Cendán por ese récord que non moitos profesionais poden presumir de ter, 22 horas ao fronte do micrófono, con paradas de non máis dun minuto de duración, e coa participación desinteresada de todos e cada ún dos veciños, políticos, persoeiros da vida cultural, social e deportiva aos que hoxe pediu a súa intervención nesta súa radio.

O Concello de As Pontes puxo en marcha unha nova iniciativa para a abordaxe integral da violencia doméstica e de xénero

2011-11-12T06:27:00.001-08:00

¨ Dende agosto estase a desenvolver un programapara a consolidación das estruturas de coordinación e cooperación entre osámbitos competenciais en materia de violencia de xénero

As Pontes, 12 de Novembro de 2011.-

O Concello de As Pontes está realizando unprograma para a consolidación das estruturas de coordinación e cooperación enmateria de Violencia de xénero, cuia finalidade é levar a cabo diferentesaccións que contribúan a que, desde os diferentes ámbitos profesionais concompetencia nesta materia, se realice unha correcta intervención e prevenciónen casos de violencia de xénero, tanto coas vítimas e os fillos e fillas. Paraa realización de dito programa, o concello pontés conta con financiación propiae do Fondo Social Europeo e a Secretaría Xeral de Igualdade da Xunta deGalicia.

O Concello das Pontes, concienciado coa necesidadede realizar unha abordaxe integral da violencia tanto doméstica como de xénero,xa desenvolveu nos últimos anos diversos programas de prevención e intervenciónnesta materia, enmarcados na execución de políticas públicas municipais paraloitar contra o problema social da violencia machista en todas as súasmanifestacións.

Unha mostra disto, é o establecemento dun AcordoInterinstitucional de coordinación en materia de Violencia de Xénero promovidodurante o ano 2009, o primeiro posto en marcha na comarca de Ferrolterra e undos primeiros de Galicia. Mediante este Acordo, artellouse unha ComisiónTécnica con representación das distintas administracións para facilitar oseguimento de casos e a coordinación e a cooperación de xeito máis eficaz eeficiente posible.

Para a realización do proxecto, o concello pontés conta co asesoramentodunha empresa especialista en proxectos de violencia de xénero, DELOGA (www.deloga.es), que realizará tarefas de apoio naprofundización da coordinación e colaboración das distintas administracións eorganismos con competencias na materia así como no establecemento de novasliñas de mellora nas actuacións de intervención en casos de violencia de xéneroe doméstica.

Estudantes da Fundación Juana de Vega presentan as súas ideas para a recupeación ambiental do entorno do lago de As Pontes

2011-11-11T08:33:00.001-08:00

Todos os proxectos presentados esta mañá en As Pontes coinciden na importancia de mesturar o pasado mineiro e o futuro do municipio

AsPontes, 11 de Novembro de 2011.-

Catroestudantes do Máster de Arquitectura da Paisaxe da FundaciónJuana de Vega da Coruña presentaron hoxe, en As Pontes, osseus proxectos para a recuperación paisaxística doentorno do lago do municipio.

MaríaPaz Sangiao, Gabriel Alarcón, Paula Monedero e Lucila Nietoderon a coñecer as súas ideas para a recuperacióndo entorno desta masa de auga nun acto organizado polo executivolocal e que tivo como escenario a Casa Dopeso.

Oacto, no que tamén tomaron parte os directores da FundaciónJuana de Vega e da Escola Galega da Paisaxe, José ManuelAndrade e Isabel Aguirre, respectivamente, estivo presidido poloalcalde de As Pontes, Valentín González Formoso, e aedil de Emprego, Turismo e Novos Proxectos.

Precisamente,Ana María Pena foi a encargada de agradecer, en nome tanto doseu departamento coma do executivo local, a gran colaboura dosestudantes e da Fundación Juana de Vega á hora de poñeren marcha esta iniciativa e asegurou que se seguirá a contarcoa colaboura do centro coruñés neste proxecto tanimportante para o futuro de As Pontes.

Aprimeira estudante en presentar a súa proposta paisaxísticafoi María Paz Sangiao, recente gañadora do PremioNacional Iberflora ao mellor proxecto fin de carreira sobrerexeneracion da paisaxe natural.

Nasúa idea, a estudante ferrolá aposta por potenciar opasado histórico de As Pontes como enclave mineiro,mesturándoo coa súa incrible riqueza paisaxísticamediante un proxecto no que se integran elementos coma a cheminea, asliñas de alta tensión e ata a canle de auga que une oEume co lago. Todo isto nun entorno natural de 40 hectáreasque terá camiños de acceso tanto para peóns comapara o tráfico rodado, con vexetación autóctona,ubicando na península sur o museo da minería eapostando por elementos de iluminación que se mimeticen coapaisaxe, ao igual que un aparcadoiro para vehículos totalmentearborado que tamén sexa un espazo de desfrute cando os cochesnon o empreguen.

Polasúa banda, Paula Monedero presentou un traballo no que buscaunir o casco urbano e o lago pero nun macro espazo que recolla ariqueza industrial e cultural de As Pontes.

Asías cousas, Monedero deu vida a un gran parque industrial e culturalcon diferentes camiños, plataformas e miradores ubicados noentorno da península sur que recollan, mediante diferentemateriais, o pasado mineiro de As Pontes. Incluso aposta por idear unestanque que separaría estas estructuras do propio lago e que,no caso de que o nivel das augas do lago subise, servise paraabsorver estas enchentas. Todo isto apostando polas novas enerxías.

Notocante ao proxecto de Lucila Nieto, éste conta como novidadecoa construcción de dúas prazas na península surconectadas por diferentes camiños, prazas que contaráncon música propia e que tamén estarán enmarcadasnun espazo de diferentes niveis marcados por distintos tipos devexetación que imitan, coas súas cores, as ondas domar. Asemade, Nieto incluiu no seu proxecto un edificio multiusos nazona do aparcadoiro.

Finalmente,Gabriel Alarcón tamén galardoado cun accésit noPremio Nacional Iberflora, deu conta dun espazo en evoluciónpermanente, que partiría dunha base inicial a partir da que seiría modificando a paisaxe co paso do tempo.

Diferentesprantacións, espazos nos que habilitar vivendas ou edificiosmultifuncionais que lograsen unir o casco urbano co entorno do lagoforman parte deste proxecto que estaría enmarcado nunha redede mallas a base de pasos peonís ou viais.

O Concello de As Pontes puxo en marcha unha nova iniciativa para a abordaxe integral da violencia doméstica e de xénero

2011-11-11T08:18:00.001-08:00

Dende agosto estase a desenvolver un programa para a consolidación das estruturas de coordinación e cooperación entre os ámbitos competenciais en materia de violencia de xénero

O Concello de As Pontes está realizando un programa para a consolidación das estruturas de coordinación e cooperación en materia de Violencia de xénero, cuia finalidade é levar a cabo diferentes accións que contribúan a que, desde os diferentes ámbitos profesionais con competencia nesta materia, se realice unha correcta intervención e prevención en casos de violencia de xénero, tanto coas vítimas e os fillos e fillas. Para a realización de dito programa, o concello pontés conta con financiación propia e do Fondo Social Europeo e a Secretaría Xeral de Igualdade da Xunta de Galicia.
O Concello das Pontes, concienciado coa necesidade de realizar unha abordaxe integral da violencia tanto doméstica como de xénero, xa desenvolveu nos últimos anos diversos programas de prevención e intervención nesta materia, enmarcados na execución de políticas públicas municipais para loitar contra o problema social da violencia machista en todas as súas manifestacións.

Unha mostra disto, é o establecemento dun Acordo Interinstitucional de coordinación en materia de Violencia de Xénero promovido durante o ano 2009, o primeiro posto en marcha na comarca de Ferrolterra e un dos primeiros de Galicia. Mediante este Acordo, artellouse unha Comisión Técnica con representación das distintas administracións para facilitar o seguimento de casos e a coordinación e a cooperación de xeito máis eficaz e eficiente posible.

Para a realización do proxecto, o concello pontés conta co asesoramento dunha empresa especialista en proxectos de violencia de xénero, DELOGA (www.deloga.es), que realizará tarefas de apoio na profundización da coordinación e colaboración das distintas administracións e organismos con competencias na materia así como no establecemento de novas liñas de mellora nas actuacións de intervención en casos de violencia de xénero e doméstica.

RADIO EUME CELEBRA OS SEUS 22 ANOS DE EMISIÓN CUN PROGRAMA DE ENTREVISTAS DE 22 HORAS DE DURACIÓN

2011-11-11T01:43:00.001-08:00

Radio Eume cumpre hoxe 22 anos. Son xa máis de dúas décadas ininterronpidas de radio en chave local nunha historia feita día a día por uns veciños que acolleron con cariño unha iniciativa de comunicación que arrincou precisamente con ese aval da participación popular para cubrir as eivas en medios, persoal, e experiencia, das que carecía un equipo por aquel entón comandado por Fina na dirección, e que contaba con Xose Cendán como redactor locutor e Pablo Paz como primeiro técnico de son.

Aquela primeira radio que se conectaba cada mañá cunha sintonía identificativa, para desconcetarse cos mesmos sons cada mediodía, foi medrando para ampliar a súa programación á tarde, primeiro cunha conexión a outra canle, e logo con producción propia, derivou hoxe nunha radio de 24 horas na que o seu persoal se divide entre radio e televisión locais.

Para conmemorar esta efeméride dos 22 anos, Radio Eume comezou esta madrugada, ás 00.00, unha macroentrevista, aberta e en directo durante as 22 horas que se corresponden cos anos de emisión. O coordinador do medio Xosé Cendán é o responsable da elaboración das diferentes entrevistas que integran este programa e que se pechará ás 22.00 horas, de hoxe venres.

Este record, inédito na historia da radiodifusión precisará da colaboura de todos os veciños que podan participar, polo que se habilitou o número 981 45 31 88 ou o correo rtveume@aspontes.org para ofrecer esa colaboura.

O Concello de As Pontes porá en marcha ás II Xornadas Acuáticas de Piragüismo e Kaiak-polo

2011-11-11T01:41:00.001-08:00

Estudantes de entre 6 e 14 anos poderán tomar parte ata en cinco clases de kaiak que estarán impartidas polos integrantes do Grupo Xuvenil Endesa – As Pontes

As Pontes, 11 de Novembro de 2011.-
O Concello de As Pontes, mediante o departamento municipal de Deportes e coa colaboración do Clube de Piragüismo Grupo Xuvenil Endesa – As Pontes e a coordinadora de ampas Abrente, está a organizar para as vindeiras semanas a segunda edición das Xornadas Acuáticas de Piragüismo e Kaiak – Polo.

Estas clases arrincarán o vindeiro día 19 e desenvolveranse tamén os días 26 de novembro, e 3, 10 e 17 de decembro na piscina climatizada municipal, en horario de 17.00 a 19.00 horas.

Esta é a segunda vez no que vai de ano que se pon en marcha unha actividade deste estilo, dirixida a fomentar o deporte do kayak polo e do piragüismo entre os estudantes de Educación Primaria e Secundaria.

Os cambios con respecto á edición celebrada en xaneiro deste mesmo ano é a división dos estudantes por grupos de idade. De feito, as clases de novembro irán dirixidas a pequenos e pequenas de entre 6 e 8 anos, que cursen 1º e 2º curso de Primaria, namentras que as clases de decembro terán como destinatarios rapaces e rapazas de 9 a 14 anos que cursen 3º, 4º, 5º e 6º de Primaria ou o primeiro ciclo de Secundaria.

Xa en Nadal, para celebrar o fin de curso, os participantes nestes dous cursos competirán nun torneo.

O requisito obrigatorio para participar nestas clases, que serán gratuítas, é o de saber nadar, ademáis de levar gorro de baño, chanclas e traxe de baño.

Asemade, os pais ou titores dos alumnos poderán participar nestas actividades ou asistir como público xa que a entrada á piscina municipal será totalmente libre.

Dende o departamento municipal de Deportes quixeron animar a todos os rapaces e rapazas a tomar parte nestas clases, xa que se trata dunha oportunidade única para desfrutar e coñecer, máis polo miúdo, unhas actividades deportivas tan relevantes nestes anos en As Pontes, como son o kaiak polo e piragüismo e que tan bos resultados deron para o palmarés deportivo do municipio.

Inscripcións

Para tomar parte nestes cursos tan só é preciso cubrir unha ficha de inscrición e unha autorización do pai, nai ou titor do participan e que se poden descargar dende a páxina web do Concello, no enderezo www.aspontes.com, ou ben recoller no pavillón polideportivo municipal da Fraga. Asemade, é preciso sumar unha fotocopia do DNI do responsable de cada alumno.

As prazas serán limitadas a 15 participantes por grupo.

Para obter máis información tamén é posible contactar coa responsable da iniciativa, a técnica deportiva municipal, no enderezo electrónico ana.alonso@aspontes.org, telefonando ao 667 19 20 99 ou ben achegándose ata as oficinas do departamento de Deportes, no pavillón municipal, de luns a xoves, en horario de 09.00 a 13.45 horas.

O CONCELLO LOGRA A AUTORIZACIÓN DA CONSELLERÍA DE MEDIO AMBIENTE PARA A RECUPERACIÓN DA ESCOLA DE SAN PEDRO DO EUME

2011-11-10T07:11:00.001-08:00

Os veciños de San Pedro de Eume contarán cunha edificación recuperada para o emprego no beneficio desta entidade.
Así, o Concello poderá finalmente recuperar a escola de San Pedro para ceder a súa xestión ós veciños desta parroquia que a destinarán a centro social e medioambiental.
Esta vella escola será rehabilitada culminando así un longo proceso que supuxo ano e medio de agarda para contar coa aprobación para esta actuación da Consellería de Medio Ambiente, que outorgaba a finais da pasada semana a licenza urbanística.
Con esta actuación, o Concello segue na súa liña de recuperación de inmobles nas parroquias co obxectivo de dinamizar estes espazos rurais e ofrecer alternativas que potencien o asentamento da poboación.
A escola de San Pedro de Eume abrira no 1961 substituíndo ás de Pereira e Fragachá, que que eran as que se empregaban ata entón.
Logo pecharíase no 76 pasando os seus alumnos a Pontedeume, ata que no 83 coa incorporación das novas parroquias ó concello pontés xa os alumnos desta parroquia pasaron a recibir clases en As Pontes.
Agora, unha vez se conta cos permisos pertinentes o Concello iniciará as obras para as que conta cunha partida de algo máis de 120.000 euros procedente das axudas da Deputación da Coruña, ao abeiro do Plan de Cooperación cos Concellos.

Santa Icia 2011

2011-11-10T07:09:00.001-08:00

A formación vogal compostelana O Coro da Rá visita o venres As Pontes para ofrecer dous concertos

2011-11-09T07:41:00.001-08:00

• As localidades para desfrutar do concerto que será aberto ao público en xeral poranse á venda na mañá do venres, namentras que os escolares desfrutarán dun pase privadoAs Pontes, 09 de Novembro de 2011.- O departamento municipar de Cultura de As Pontes continua, estes días, coa súa programación de outono e, para este venres, conta cunha actividade que irá dirixida a escolares e a adultos.Trátase da actuación musical do Coro da Rá, unha formación santiaguesa con integrantes de diferentes gremios que se caracteriza polas súas interpretacións a capella en lugares públicos como rúas ou prazas e sen publicidade previa.Nado ao abeiro da Escola de Música Estudio, de Compostela, o Coro da Rá conta con medio cento de voces mixtas, entre sopranos, contraltos, mezzosopranos, tenores e baixos, dirixidos por Ramón Bermejo.Os seus espectáculos combinan interpretacións a capella, teatro e performance para dar lugar a un espectáculo onde o blues, o jazz ou a samba se mesturan cos ritmos máis étnicos.Case vinte anos de actuacións avalan a gran traxectoria destes polifacéticos artistas que versionan dende temas de Ray Charles ou James Brown, ata composicións en clave de dance ou gospel, xunto con pezas de facturación propia xa que O Coro da Rá conta cun disco no mercado, de título Fráxil, onde se mestura o mellor do seu ilimitado repertorio.O venres, ás 11.00 horas, serán os escolares dos diferentes centros de Secundaria e Bacharelato ponteses os que poidan desfrutar, no auditorio municipal Alovi, deste espectáculo e xa pola tarde, dende as 21.00 horas o público adulto poderá tamén escoitar estas prodixiosas voces aínda que, nesta ocasión, será preciso facerse cunha entrada que se porán á venda o venres, entre as 11.30 e as 13.30 horas e pola tarde dende as 19.30 horas ata o inicio do espectáculo. O seu prezo será de 3 euros entrada normal e de 1.50 euros en prezo reducido.

A XXII Feira de Fungos e Cogumelos de As Pontes rexistra un éxito inmellorable de público

2011-11-02T07:52:00.001-07:00

FOTOS ERIKA CAAVEIRO

2011-11-02 08:04 .A concelleira Sara Ramos deu conta da súa satisfacción ante a resposta popular que esgotou as 850 racións de menú ideado para a xornada de hoxe e que tampouco se quixo perder a primeira edición da charla sobre micoloxía Do Monte ao Prato.A XXII edición da Feira de Fungos e Cogumelos, celebrada onte en As Pontes, colleitou, un ano máis, un gran éxito de participación e é que, segundo explicou a concelleira de Cultura, Sara Ramos, a aposta por novidosas actividades, coma unha clase maXistral de micoloxía, xunto con citas típicas desta convocatoria non puido resultar máis acertada.Tal e como subliñou a edil, a xornada Do Monte ao Prato, impartida polo cociñeiro Antonio Díaz Calvo, e o micólogo José Luis Cuba, logrou unha gran participación polo que non se descarta a opción de repetir unha actividade semellante para o vindeiro ano.De feito, a Casa Dopeso contou con ducias de visitantes que desfrutaron dos consellos dos expertos á hora de identificar e conservar fungos e cogumelos, consellos que se acompañaron da preparación in situ de diferentes pratos coma un carpacho, fungos á grella con xamón ou un bacallau confiado con prebe de edulis. Asemade, o público asistente tamén participou activamente na cita realizando as súas preguntas e ata degustando, ao final da xornada, os pratos elaborados polos expertos.Por outra banda, a concelleira deu conta da súa satisfacción ante a gran afluencia de público rexistrada hoxe no xantar popular, xa que se esgotaron as 850 racións de volovans, empanada e arroz preparadas polo restaurante 5 Jotas para esta xornada. De feito, Sara Ramos apuntou que “non se podía desexar mellor estrea na organización dunha cita gastronómica como é a Feira de Fungos”.A edil quixo subliñar recalcar que o éxito da xornada radicou no esforzo e traballo empregado polo executivo local á hora de potenciar unha cita como é a Feira de Fungos e Cogumelos que, tal e como subliñou Ramos, volveu situar a As Pontes no epicentro das celebracións gastronómicas do outono galego, xa que ademáis de veciños moitos foron os visitantes doutros concellos que se decantaron por estar hoxe en As Pontes.Certame de CestasSara Ramos quixo facer especial mención aos concursantes que tomaron parte no certame de cestas, un total de 54, seis menos que en 2010, agradecendo o seu traballo por presentar atractivas propostas micolóxicas, malia que o tempo destas semanas non axudase moito á hora de atopar gran variedade e cantidade de fungos.Así as cousas, un ano máis esta convocatoria logrou contar con propostas de gran calidade aínda que, finalmente, tan só seis recibiron recompensa. No tocante ao primeiro premio, éste recaeu en Tomás Rodríguez Novoa, seguido de Miguel Ángel Mazas e de Jua Villamar Santos. Cuarto posto foi para Anna Koubek e quinto lugar para José Ramos Fraga. O listado de premiados completouno Pablo Cuadrado que se fixo co premio especial do certame, dotado con 300 euros.Asemade, tamén se fixeron entrega dos premios correspondentes ao certame escolar O Mundo da Micoloxía, dirixido a alumnos de infantil, primaria, secundaria e bacharelato, que recibiron 40 vales de 40 euros cada un ademáis dun premio especial de 100 euros para os alumnos de 5º de Primaria do colexio Santa María, xa que o seu traballo servirá para ilustrar, o vindeiro outono, o cartel da Feira de Fungos e Cogumelos de 2012.Outras actividadesA xornada completouse coa III Mostra de Artesáns do Eume na que foi posible atopar dende canteiros ata torneiros ou fiandeiras; a mostra de produtos de outono; diferentes actuacións musicais de grupos tradicionais de As Pontes e ata humor, cun espectáculo protagonizado por Pepo Suevos e Oswaldo Digon.Por outra banda, ata ben entrado o serán os visitantes e veciños tamén puideron facerse con algún produto das 32 tendas agrupadas no IV Mercado de Oportunidades Vila de As Pontes (MOVA), que ao mediodía sorteou un primeiro vale de 150 euros, doado pola Asociación de Empresarios e Comerciantes, e que recaía en Carmen Restrebada (As Pontes).

O IV MERCADO DE OPORTUNIDADES VILA DE AS PONTES ABRE MAÑÁ AS SÚAS PORTAS CON MÁIS DUNHA TRINTENA DE POSTOS

2011-10-31T07:41:00.001-07:00

A concellería de Industria e Comercio, a Asociación de Empresarios e Comerciantes de As Pontes e a Cámara de Comercio abrirán mañá a cuarta edición do Mercado de Oportunidades Vila de As Pontes (MOVA), unha cita que reunirá a 32 establecementos e comerciantes do municipio coa que se pretende impulsar o sector comercial local. Este mercado, co que se busca tamén concienciar aos veciños e veciñas da importancia de realizar as súas compras nos establecementos ponteses, abrirá as súas portas ás 10.00 horas na avenida da Coruña, ata as 19.00 horas, ofertando dende roupa ata calzado, productos de beleza, de deportes, mobles, produtos de bazar ou servizos coma viaxes ou seguros. O MOVA 2011 será, polo tanto, unha gran oportunidade para dar a coñecer a ampla oferta de comercios cos que conta As Pontes, todos eles de gran calidade e con produtos que nada envexan aos que se poden atopar nas grandes superficies, ademáis de un día no que os veciños e veciñas poderán facerse con interesantes e variados produtos e servizos a prezos reducidos. Asemade, os clientes tamén terán un segundo aliciente xa que coas súas compras recibirán participacións para o sorteo final de dous cheques de 150 euros, por xentileza da Asociación de Comerciantes e Empresarios de As Pontes, que se sorterán ás 13.00 horas e ás 19.00 horas, sorteos para os que haberá que estar presentes.

AS PONTES CELEBRA MAÑÁ A XXII EDICIÓN DA SÚA FEIRA DE FUNGOS E COGUMELOS

2011-10-31T07:40:00.001-07:00

O Concello de As Pontes albergará mañá a XXII edición da Feira de Fungos e Cogomelos, unha cita que aunará os compoñentes máis clásicos desta feira e innovacións dirixidas a públicos de todas as idades. De feito, ás exposicións de artesanía, productos de outono ou degustacións gastronómicas únense iniciativas que axuden a renovar e dinamizar un acontecemento que, edición tras edición, coloca a As Pontes no centro do mapa gastronómico galego. A principal novidade deste ano será a clase maxistral Do Monte ao Prato sobre identificación de fungos, conservación, limpeza e preparación, unha iniciativa totalmente pioneira e que impartirán os expertos José Luis Cuba e Antonio Díaz, dende as 11.30 horas na Casa Dopeso. Asemade, tamén se celebrará unha nova edición do certame de cestas, que se ubicará na Praza de América, haberá espectáculos para nenos coma a actuación de Ce´ Orquestra ou xa outras iniciativas para os máis maiores coma os monólogos de Pepo Suevos e Oswaldo Digón co seu espectáculo Duelo de Champiñóns, que será de entrada gratuíta. Programa XXII Feira de Fungos e Cogumelos de As Pontes De 10.00 a 11.00 horas: Presentación de propostas para o Concurso de Cestas e inicio da súa exposición (Praza de América). De 10.00 a 19.00 horas: IV Mercado de Oportunidades Vila de As Pontes (Avd. Coruña) De 10.30 a 14.30 horas: Mostra de Productos Ecolóxicos e de Outono (Rúas Ramón Cabanillas e Alexandre Bóveda) De 11.00 a 19.00 horas: III Xornada de Artesanía organizada por Artesáns do Eume (Sala de Exposicións Mercado Vello – Rúa Ramón Cabanillas). Exposición de tornería, canteiría, cestería... e demostracións en vivo. De 11.30 a 13.30 horas: Do Monte ao Prato. Clase maxistral de identificación, conservación e cociña con fungos impartida por José Luis Cuba (micólogo) e Antonio Díaz Calvo (Restaurante Andarubel). Salón de actos Casa Dopeso. 11. 30 horas: Actuación infantil Ce´Orquestra (Colexio Santa María) 12. 00 horas: Degustación de mel e queixo da comarca, chocolates e cafés domundo e productos do Eume (Rúa Alexandre Bóveda e Ramón Cabanillas)12. 30 horas: Entrega de premios Certame de Cestas e concurso escolar O Mundo da Micoloxía 13.00 a 15.00 horas: Degustación popular de Vol-au-vent de fungos con langostinos, empanada rechea de cogumelos e lacón, arroz con cogumelos (preparase in situ) e flan de requeixo con mel (Colexio Santa María).Prezo: 10 euros. Venda de tickets dende as 11.00 horas no propio patio do Colexio Santa María. 17.00 horas: Espectáculo de humor Duelo de Champiñóns, protagonizado por Pepo Suevos e Oswaldo Digón (Colexio Santa María ou Casa Dopeso, se o tempo non acompaña). Actividades complementarias: Exposición escolar O Mundo da Micoloxía (Soto Casa Dopeso) Exposición Fotográfica sobre Micoloxía realizada por José Luís Cuba e Antonio Díaz Calvo (Corredores Casa Dopeso) Apertura do Museo Etnográfico de Monte Caxado (10.30 – 13.30 horas) Apertura Casa do Mel de Goente (15.00 – 18.00 horas) Animación musical a cargo de Os Feroces da Galgueira, Os Trevillas, Banda de Gaitas Alfaia e Escola de Música Tradicional de As Pontes.

A Mostra Folclórica Vila de As Pontes cumpre vinte anos coa actuación de Alende e Leña Verde

2011-10-27T06:55:00.001-07:00

• O sábado o auditorio municipal Alovi acollerá este concerto de música tradicional que será de entrada totalmente gratuíta A Mostra Folclórica Vila de As Pontes celebrará, este sábado, a súa vixésima edición.Este concerto que, ano tras ano, conta coa organización da Agrupación Cultural Alende e a colaboura do Concello de As Pontes, celebrarase no auditorio municipal Alovi no serán do vindeiro día 29 e no mesmo está prevista a participación da formación organizadora e duns convidados de excepción: Leña Verde.A formación lucense, que xa visitou As Pontes en 2009 con motivo do Festival Folk da Fraga, repite expedición ao municipio pontés onde presentará os temas do seu terceiro traballo discográfico: A Contratempo, gravado en 2010, e no que reunen media ducia de temas propios e outros tantos tradicionais nos que se mestura a música popular cos ritmos folk, pop e ata o rock.Cantarela, O burriño, Rumba das Nenas ou Malpica serán algúns dos temas incluídos en A Contratempo que se escoitarán o sábado no auditorio municipal Alovi e que se mesturarán con composicións pertencentes a traballos anteriores.Pola súa parte, a Agrupación Cultural Alende volverá dar conta non só da calidade na interpretación de temas instrumentais, senón tamén da pericia e bo mover dos alumnos das súas clases de baile tradicional que se sumarán a esta mostra folclórica con varios temas.Ás 20.30 horas está previsto que arrinque este concerto que será de entrada totalmente gratuíta.

A compañía Bucanero Teatro pecha o venres a programación teatral de outono para adultos

2011-10-26T12:13:00.001-07:00

• A obra representarase o venres ás 21.00 horas pero xa mañá se porán á venda as primeiras localidades na billeteira do Auditorio Municipal AloviO Concello de As Pontes, mediante o departamento de Cultura, retoma este venres o programa teatral de outono mediante a montaxe Kungfundidos, da formación Bucanero Teatro.A producción, dirixida ao público xuvenil e adulto, arrincará ás 21.00 horas no auditorio municipal Alovi e, na mesma, será posible coñecer a historia de dous mestres (Ken Son e Ken Li) formados na disciplina do Te Likido, nos mosteiros do Himalaia e que compartirán aventuras e peripecias co público que asista a esta representación.Xosé Bonome e Pedro Picos protagonizan esta adaptación da obra do cómico Gari e que servirá para pechar a programación teatral de outono para adultos e que contou coas montaxes Life is a Paripé, de Obras Públicas; Un cráneo furado de PT Excéntrias e o Florido Pensil de Eme2 Produccións.As localidades para Kungfundidos poranse á venda na billeteira do Auditorio Municipal Alovi mañá e mailo venres en horario de 12.00 a 13.30, ademáis da tarde do espectáculo dende as 19.30 horas ata o inicio da producción.O prezo das mesmas será de 3.50 euros, con descontos para posuidores dos carnés Xove e de Estudante e para maiores de 65 anos.

A XXII Feira de Fungos e Cogumelos aunará a traidición de anos anteriores con novas iniciativas para todos os públicos

2011-10-26T06:04:00.001-07:00

• A concelleira de Cultura, Sara Ramos, subliñou que este ano búscase seguir con actividades míticas coma a degustación popular pero con novidades coma unha clase sobre micoloxía ou iniciativas para os máis pequenos O departamento de Cultura do Concello de As Pontes ven de facer público o programa íntegro de actividades da que veciños e visitantes poderán desfrutar o vindeiro 1 de novembro, na que será a XXII Feira de Fungos e Cogomelos de As Pontes.Segundo explicou a responsable municipal de Cultura, Sara Ramos, para este outono optouse pola mestura dos compoñentes máis clásicos desta feira con innovacións dirixidas a públicos de todas as idades. De feito, ás exposicións de artesanía, productos de outono ou degustacións gastronómicas únense iniciativas que axuden a renovar e dinamizar un acontecemento que, edición tras edición, coloca a As Pontes no centro do mapa gastronómico galego.De feito, como novidade podemos atopar unha clase maxistral sobre identificación de fungos, conservación, limpeza e preparación, unha iniciativa totalmente pioneira e que, segundo explicou a edil, conta con gran atractivo para os xiareiros da micoloxía e da recollida de fungos, dos que en As Pontes hai unha gran representación.Do monte ao prato, título desta xornada, sumarase tamén a outras alternativas para este ano como son o novo escenario do certame de cestas, que pasará a ubicarse na Praza de América; o espectáculo infantil do humorista Ce´ Orquestra ou xa outras iniciativas para os máis maiores coma os monólogos de Pepo Suevos e Oswaldo Digón co seu espectáculo Duelo de Champiñóns, que será de entrada gratuíta.Sara Ramos deu conta do importante esforzo que, un ano máis, o executivo local realizou para dar vida a un acontecemento cultural e gastronómico de gran atractivo e calidade e ao que quixo convidar a todos os veciños e veciñas non só de As Pontes, senón tamén dos concellos tanto limítrofes coma de toda Galicia que, durante o 1 de novembro, poderán desfrutar de múltiples actividades aptas para todos os gustos e públicos e por riba co complemento de poder degustar un dos productos estrela do outono como son os cogumelos.Programa XXII Feira de Fungos e Cogumelos de As PontesDe 10.00 a 11.00 horas: Presentación de propostas para o Concurso de Cestas e inicio da súa exposición (Praza de América). De 10.00 a 19.00 horas: IV Mercado de Oportunidades Vila de As Pontes (Avd. Coruña)De 10.30 a 14.30 horas: Mostra de Productos Ecolóxicos e de Outono (Rúas Ramón Cabanillas e Alexandre Bóveda)De 11.00 a 19.00 horas: III Xornada de Artesanía organizada por Artesáns do Eume (Sala de Exposicións Mercado Vello – Rúa Ramón Cabanillas). Exposición de tornería, canteiría, cestería... e demostracións en vivo.De 11.30 a 13.30 horas: Do Monte ao Prato. Clase maxistral de identificación, conservación e cociña con fungos impartida por José Luis Cuba (micólogo) e Antonio Díaz Calvo (Restaurante Andarubel). Salón de actos Casa Dopeso.11. 30 horas: Actuación infantil Ce´Orquestra (Colexio Santa María)12. 00 horas: Degustación de mel e queixo da comarca, chocolates e cafés domundo e productos do Eume (Rúa Alexandre Bóveda e Ramón Cabanillas)12. 30 horas: Entrega de premios Certame de Cestas e concurso escolar O Mundo da Micoloxía13.00 a 15.00 horas: Degustación popular de Vol-au-vent de fungos con langostinos, empanada rechea de cogumelos e lacón, arroz con cogumelos (preparase in situ) e flan de requeixo con mel (Colexio Santa María). Prezo: 10 euros. Venda de tickets dende as 11.00 horas no propio patio do Colexio Santa María.17.00 horas: Espectáculo de humor Duelo de Champiñóns, protagonizado por Pepo Suevos e Oswaldo Digón (Colexio Santa María ou Casa Dopeso, se o tempo non acompaña).Actividades complementarias:Exposición escolar O Mundo da Micoloxía (Soto Casa Dopeso)Exposición Fotográfica sobre Micoloxía realizada por José Luís Cuba e Antonio Díaz Calvo (Corredores Casa Dopeso)Apertura do Museo Etnográfico de Monte Caxado (10.30 – 13.30 horas)Apertura Casa do Mel de Goente (15.00 – 18.00 horas)Animación musical a cargo de Os Feroces da Galgueira, Os Trevillas, Banda de Gaitas Alfaia e Escola de Música Tradicional de As Pontes.

Unha vintena de veciñas de As Pontes participan, dende onte, nun obradoiro de cestería con papel

2011-10-25T12:20:00.001-07:00

¨ O departamento municipal deServizos Sociais e o Centro de Información á Muller idearon este segundoobradoiro de cestos para conmemorar o 25 de Novembro

As Pontes, 25 de Outubro de 2011.-

O Concello de As Pontes, mediante o departamento de ServizosSociais e o Centro de Información á Muller (CIM), deu onte comezo á segundaedición do obradoiro de cestería para mulleres.

Dezaoito veciñas de AsPontes participarán, durante oito semanas, nestas clases que se están adesenvolver nas dependencias da Casa de Don Pedro, cada luns entre as 10.00 eas 12.00 horas.

A artista Lourdes AceraOlaso é a responsable de impartir estas clases nas que a pintora pontesa llesestá a aprender os distintos métodos para confeccionar cestos, dunha maneiradoada, rápida e sinxela, e sobre todo moito máis económica que a cesteríatradiconal, e é que unicamente se empregan como materiais follas de xornais,pegamento en barra e pinturas á auga.

Ao longo do curso asasistentes iniciaranse na elaboración de cestos pequenos, algúns deles con asa,e coñecerán os distintos tipos de remate finais, pero sempre seguindo o mesmosistema de traballo que se dun cesto de bimbios se tratase.

O plan de traballo inclúetamén a preparación de diferentes elementos decorativos, dende xarróns, caixasornamentais, costureiros, e ata unha árbore de Nadal cos máis variados adobíos.

O obradorio de cestería,enmarcado no programa municipal de actividades conmemorativas do díainternacional da non violencia contra a muller, extenderase ata mediados do mesde decembro, en total dezaseis horas lectivas repartidas en oito sesións detraballo.

Esta é a segunda ocasiónque, neste ano, se pon en marcha un curso destas características xa que, opasado mes de marzo, en conmemoración do Día da Muller Traballadora tamén seoptou por desenvolver un obradoiro semellante no que tomaron parte máis dunhaducia de alumnas.

O Ministro de Xustiza define coma un trunfo da democracia o abandono das armas por parte de ETA

2011-10-21T11:08:00.000-07:00

Caamaño explicou que o goberno continuará coa súa política antiterrorista, deixando as posibles negociacións ao executivo vencedor o 20-N O ministro de Xustiza, Francisco Caamaño Domínguez, visitou hoxe por primeira vez o Concello de As Pontes.Caamaño foi recibido, contra as 17.00 horas, pola corporación municipal pontesa co rexedor Valentín González Formoso á fronte para, posteriormente, deixar a súa sinatura e bos desexos no Libro de Ouro do Concello.O principal responsable da carteira estatal de Xustiza aproveitou a ocasión tamén para dar conta publicamente das súas primeiras impresións sobre o anuncio do abandono da loita armada por parte da organización terrorista ETA.Para Francisco Caamaño o comunicado feito público onte polos etarras “é unha gran nova como demócrata e cidadán” e un trunfo das políticas antiterroristas desenvolvidas dende o executivo central, malia que nalgúns momentos, as decisións tomadas por José Luis Rodríguez Zapatero fosen inxustamente criticadas.O ministro salientou a victoria da democracia sobre ETA pero asegurou que non se hai que esquencer da dor inxusta inflixida ás familias das vítimas. Nembargantes, Caamaño subliñou que será o goberno escollido nas eleccións xerais de novembro o que decida que políticas levar a cabo cos terrorista en materia de negociacións ou de achegamento de presos.Así as cousas Caamaño anunciou que o executivo central continuará a traballar na mesma liña, ata a chegada do novo goberno; aplicando a política que tan bos resultados deu e apelou á necesidade de que os demócratas se unan agora máis ca nunca para consolidar a paz, empregando a democracia coma ferramenta.Caamaño quixo tamén recalcar o importante papel xogado polas forzas de seguridade, os xuíces e gobernos que traballaron para que o día de hoxe fose posible e para que a democracia se marcase esta victoria, todo isto mediante unah serie de políticas que lograron o seu obxectivo: cambiar a vida das persoas.Na súa intervención ante os medios, o ministro tamén respostou ás recentes declaracións do presidente da Xunta de Galicia, Alberto Núñez Feijoo, en relación ao endurecemento das penas para os incendiarios.Neste senso, o ministro Caamaño subliñou que as penas para aqueles que poñan en risco a vida doutras persoas, como pode ser o caso nun incendio provocado, oscilan entre os 10 e 20 anos de cárcere pero que o incremento destas penas non logran evitar os incendios provocados.A xuízo de Francisco Caamaño a solución aos incendios provocados pasa por poñer en marcha políticas de prevención forestal, de coidado dos montes ou políticas de educacion para a cidadanía, en resumo medidas que, segundo explicou o ministro, non son do agrado do Partido Popular que ve como única solución aos incendiarios o incrementar as penas de cárcere.Recepción OficialTras atender aos medios, o ministro de Xustiza foi recibido na Casa Consistorial polos integrantes da corporación municipal, co alcalde Valentín González Formoso á cabeza, e polos presidentes das asociacións pontesas.Alí o ministro anunciou a intención do executivo central de continuar a apostar polo municipio pontés como un pilar do futuro enerxético de España.Neste senso, Caamaño asegurou que en moitas das reunións do Consello de Ministros As Pontes foi o tema central pola súa importancia enerxética de aí que asegurase que o municipio continuará no Plan Miner con toda xustiza, asemade, o ministro adiantou que a intención do goberno central e do PSOE pasa por continuar a estar con As Pontes, cos seus traballadores e coas súas familias.Pola súa banda, o rexedor pontés quixo dar a benvida ao ministro a As Pontes, a un concello que definiu coma un municipio que arrincou un pedazo da súa vida e historia para que España avanzase e acollese o progreso, neste caso en forma de enerxía.Valentín González Formoso tamén agradeceu a visita do ministro nunha xornada histórica coma a de hoxe e, precisamente, González Formoso aproveitou a súa intervención para felicitar a Caamaño polo gran logro destas últimas horas.Charla sobre IgualdadeA axenda do titular de Xustiza tamén incluiu unha charla sobre a igualdade real en Galicia, conferencia que tivo lugar na Casa Dopeso e que contou cunha gran afluencia de público que puido coñecer algunhas das políticas desenvolvidas, nestes anos, polo goberno central en materia de igualdade ou de loita contra a violencia de xénero e que colocan a España na cabeza dos países europeos neste tipo de políticas e polas que é preciso, segundo recalcou o ministro, seguir apostando.Tras desta intervención, Francisco Caamaño pechaba a súa estadía en As Pontes cunha visita ás instalacións da central térmica de Endesa, á que acudiu na compaña dos membros do executivo local.

A XXII Feira de Fungos e Cogumelos incluirá música, humor e ata unha charla sobre micoloxía

2011-10-20T14:29:00.001-07:00

• O prato forte da xornada será unha degustación popular para 850 persoas integrada por propostas preparadas con cogumelos e fungos e produtos da comarca O Concello de As Pontes, a través do departamento municipal de Cultura, ten previsto incluír, este ano, novas actividades na programación deseñada para conmemorar a XXII Feira de Fungos e Cogumelos.E é que, dende a concellería que dirixe Sara Ramos optaron por apostar, este outono, por un amplo e diverso programa de iniciativas nas que se incluen humor, música, exposicións e, por suposto, unha desgustación gastronómica popular.Á falla de dúas semanas para a celebración desta homenaxe ao mundo da micoloxía, dende o executivo local quixeron xa adiantar algunhas das actividades incluídas na celebración do Día de Defuntos que, ano tras ano, logra traer a As Pontes a ducias de visitantes que, unha vez máis, se mesturaran cos centos de veciños e veciñas do municipio que tamén participan desta festa.E é que a intención da concellería que dirixe Sara Ramos pasa por colocar, un ano máis, a As Pontes no cumio do mapa gastronómico galego aínda que, este outono, as chuvias non axudasen nas colleitas destes produtos.De feito, este ano o Concello contará coa colaboura de José Luís Cuba, gañador durante os oito últimos ano do Certame de Cestas, e tamén con Antonio Díaz, representante do restaurante Andarubel, que compartirán o escenario da Casa Dopeso para ofrecer unha charla – coloquio sobre o mundo da micoloxía e que será de entrada totalmente libre.Dende ás 11.30 horas, ámbolos dous expertos darán a coñecer aos que se sumen a esta iniciativa non só a gran variedade de fungos e cogomelos que podemos atopar nos montes galegos, senón tamén as súas características e o seu posible aproveitamento gastronómico.Non faltarán os consellos e directrices para limpar e conservar os diferentes especímenes micolóxicos e ata se preparán diferentes pratos con cogomelos.Asemade, tamén está previsto que se desenvolva, na sala de exposicións do Mercado Vello, unha mostra de oficios tradicionais organizada polo colectivo de Artesáns do Eume, ao que tamén se sumarán diferentes exhibicións de artesanía en vivo, nas que poderán participar os propios visitantes.Non podía faltar a degustación popular da que aínda está por determinar o menú e que será servida polo restaurante pontés 5 Jotas, na carpa instalada no patio do colexio Santa María. A organización prevé repartir ao redor de 850 racións de diferentes pratos nos que, ademáis dos cogumelos, tamén contarán con protagonismo productos locais coma o mel ou o queixo da comarca.Xa pola tarde, dende as 17.00 horas, será posible desfrutar tamén no patio do colexio Santa María dos monólogos de Pepo Suevos e Oswaldo Digón, e, dende as 20.30 horas, no auditorio municipal Alovi, da XX Mostra Folclórica Vila de As Pontes, organizada pola Asociación Cultural Alende e que contará coa actuación do grupo Leña Verde e dos anfitrións desta cita.Certame de CestasO departamento municipal de Cultura tamén deu a coñecer as bases que rexerán unha nova edición do certame de Cestas que repartirá máis de 1000 euros entre os participantes que decidan tomar parte neste concurso. Como novidade, este ano o certame terá como escenario a Praza de América. Os participantes, maiores de idade, deberán presentar propostas que conten cun mínimo de dez especies diferentes de fungos, debidamente identificados. Cada concursante tan só poderá presentar unha cesta que será sometida á avaliación do xurado composto por persoas especializadas na materia que analizará as diferentes propostas dende as 11.00 horas.Os participantes deberán manter a súa exposición ata, a lo menos, ás 14.00 horas, recibindo 20 euros en concepto de desprazamento no caso de non resultar premiados. Os gañadores recibirán os seus premios en torno ao mediodía repartíndose máis de 1000 euros entre as seis mellores cestas. Así o primeiro premio será de 300 euros, o segundo de 180 euros, o terceiro de 120 euros e, finalmente, o cuarto e quinto clasificados levarán cadanseu premio de 80 e 60 euros respectivamente. Asemade, concederase un premio especial de 300 euros.Para anotarse a este certame tan só é preciso inscribirse no departamento de Cultura, ubicado no primeiro andar da Casa Dopeso, telefonando ao 981 44 03 44 ou remitindo un correo electrónico a cultura@aspontes.org denantes das 2 da tarde do 31 deste mes. Outra posibilidade é pasarse polo posto do departamento municipal de Cultura que se instalará a mesma xornada da feira denantes das 11.00 horas.O concello conta na súa páxina web con toda a información sobre este certame que se pode ampliar no enderezo electrónico www.aspontes.com.

O Ministro de Xustiza desprázarase o venres a As Pontes para disertar sobre a igualdade actual en Galicia

2011-10-19T05:45:00.001-07:00

O Concello de As Pontes organiza esta visita que incluirá un percorrido pola central térmica de Endesa e unha recepción na Casa Consistorial O Ministro de Xustiza, Francisco Caamaño, visitará o vindeiro venres As Pontes co gallo de impartir unha conferencia sobre a igualdade en Galicia.O executivo local é o responsable da organización desta visita que dará comezo en torno ás 17.00 horas, na Casa Consistorial, coa recepción oficial do máximo representante do Ministerio de Xustiza.Unha comitiva integrada polos membros da corporación municipal e encabezada polo rexedor pontés, Valentín González Formoso, recibirá a Francisco Caamaño que tamén aproveitará a ocasión para asinar no Libro de Ouro do Concello de As Pontes.Posteriormente, ás 17.15 horas, o ministro trasladarase ata o salón de actos da Casa Dopeso onde protagonizará unha charla titulada Igualdade na Galicia Actual e que será de acceso libre para todo aquel que desexe participar na mesma.Ao seu remate o máximo representante do Ministerio de Xustiza atenderá aos medios de comunicación, na mesma Casa Dopeso. Como punto e final da xornada , Francisco Caamaño xunto con varios membros do executivo pontés, participarán nunha visita á central térmica de Endesa, expedición que, nun principio, arrincará en torno ás 18.30 horas.

A DEPUTACIÓN DA CORUÑA DESTINA 45.000 EUROS PARA SUFRAR OS GASTOS DE PERSOAL E MATERIAL DO GRUPO MUNICIPAL DE INTERVENCIÓN RÁPIDA

2011-10-19T05:20:00.001-07:00

As Pontes recibirá da Deputación da Coruña 45.000 euros para sufrar os gastos do Grupo Municipal de Intervención Rápida (GRUMIR).O convenio, asinado onte na propia sé do goberno provincial, permitirá que o municipio conte cun novo aporte económico co que se sufragarán os gastos de persoal e material funxible co que se precisa dotar este servizo.Este acordo, rubricado polo alcalde de As Pontes, Valentín González Formoso, e o presidente da Deputación Provincial, Diego Calvo, farase extensible a outros 15 concellos coruñeses que contan cun servizo similar e que onte tamén asinaron os seus respectivos convenios coa Deputación.Así as cousas, Arteixo, Arzúa, Boiro, Betanzos, Boqueixón, Brión, Carballo, Cee, Miño, Noia, Ordes, Ortigueira, Ribeira, Santa Comba e Vimianzo tamén percibirán 45.000 euros para os seus respectivos GRUMIR o que da lugar a unha inversión total por parte da administración provincial de 720.000 euros.E é que, dende a Deputación da Coruña aseguraron que é fundamental o traballo desenvolvido por estes grupos, un traballo tamén vital para o día a día dos concellos coruñeses, segundo recalcou o presidente Diego Calvo.

O teatro e a música coral protagonizan a programación cultural da fin de semana

2011-10-19T05:18:00.001-07:00

Produccións Teatrais Excéntricas traerá ata As Pontes a súa última montaxe á que se sumará unha nova edición do Festival de Outono de Corais A compañía Produccións Teatrais Excéntricas visitará este venres As Pontes gracias á campaña teatral de outono deseñada polo departamento municipal de Cultura.A formación compostelana traerá ata As Pontes unha das súas ultimas montaxes: Un Cráneo Furado que toma así o relevo das produccións O Florido Pensil e Life is a Paripé que, en semanas anteriores, visitaron o municipio da man de Eme2Producións e Obras Públicas.Protagonizada por Víctor Mosquera, Dorotea Bárcena, Evaristo Calvo e Santi Romay, Un Cráneo Furado está baseada na novela homónima do irlandés Martin McDonagh onde o humor negro é a intriga son as principais liñas argumentais dunha historia de crimes, esqueletes desaparecidos e diálogos estridentes.Premiada cos galardóns María Casares ao mellor espectáculo, mellor actor principal e secundario, mellor adaptación e mellor escenografía, Un Cráneo Furado presentarase no escenario do auditorio municipal Alovi este venres, ás 21.00 horas.Mañá mesmo e tamén o venres, entre as 12.00 e as 13.30 horas, será posible facerse cunha localidade para este espectáculo, a un prezo de tan só 3,50 euros. Asemade, hora e media denantes do comezo da representación a billeteira do Alovi abrirase novamente para a venda das localidades restantes.Festival de OutonoXa o sábado, tamén no auditorio municipal Alovi, ás 20.00 horas, terá lugar unha nova edición do Festival de Outono de Corais.A iniciativa, organizada pola Agrupación Coral Endesa – As Pontes co apoio do concello, contará coa participación da Coral Polifónica O Son dos Cantares, a Coral Polifónica Xan Mella de Baio, o Coro Municipal de Mulleres de Camariñas e a formación anfitriona.Como ven sendo habitual a entrada será totalmente libre para todos aqueles que desexen desfrutar, no auditorio municipal Alovi, dunha colección das mellores voces de toda a xeografía galega.

Unha trintena de establecementos integrarán a oferta comercial da cuarta edición do MOVA

2011-10-18T14:30:00.000-07:00

• O Concello e a Asociación de Empresarios e Comerciantes encargaranse da organización deste mercado no que se aposta polo nivel, calidade e variedade do tecido comercial de As Pontes O Concello de As Pontes, mediante o departamento de Industria e Comercio, xunto coa Asociación de Empresarios e Comerciantes de As Pontes, están xa a traballar na cuarta edición do Mercado de Oportunidades Vila de As Pontes (MOVA), unha cita coa que se busca impulsar o sector comercial local e que este ano batirá records de asistencia coa participación de 32 establecementos.A Cámara de Comercio tamén respaldará a celebración deste mercado, que terá lugar o 1 de novembro, e que, en verbas da concelleira Montserrat García, se marca como segundo obxectivo concienciar aos veciños e veciñas da importancia de realizar as súas compras nos establecementos ponteses; compras que, tal e como subliñou García, redundarán positivamente na propia economía local, o que é moi necesario ante a situación actual de crise que se está a vivir.E é que, tralo rotundo éxito do III Certame de Tapas Vila de As Pontes, que serviu para impulsar a hostalería local, dende o executivo local optouse por apostar fortemente, unha vez máis, polo sector comercial pontés con iniciativas coma este mercado que, ano tras ano, logra maior clientela.Neste senso, a edil de Industria e Comercio definiu esta nova edición do MOVA coma unha gran oportunidade para dar a coñecer a ampla oferta de comercios cos que conta As Pontes, todos eles de gran calidade e con produtos que nada envexan aos que se poden atopar nas grandes superficies. De feito, Montserrat García fixo un chamamento á cidadanía para que ésta aposte por realizar as súas compras en As Pontes, onde os seus establecementos son sinónimo de calidade, variedade e de proximidade.Precisamente, desta gran diversidade comercial será posible ser testemuño directo o vindeiro 1 de novembro, con este cuarto mercado de oportunidades no que se unirán dende tendas de roupa, complementos ou calzado, ata postos de electricidade, seguros, axencias de viaxes, produtos de bazar, xogueterías ou librarías que gozarán de candanseu lugar na carpa que se instalará na Avenida da Coruña e que, este ano, servirá de escenario para esta cita mercantil.Por outra banda, a concelleira subliñou o gran éxito de convocatoria deste cuarto MOVA ao superar a trintena de postos, situación que non se viviu nin sequera no recentemente celebrado Outlet de Lugo onde o número de establecementos participantes a penas superou a vintena.O MOVA permanecerá aberto en horario ininterrompido, entre as 10.00 horas e ata as 19.00, e no mesmo veciños e visitantes poderán facerse con diversos artigos ou servizos a prezos moi reducidos. Asemade, os clientes tamén terán un segundo aliciente xa que coas súas compras recibirán participacións para o sorteo final de dous cheques de 150 euros, por xentileza da Asociación de Comerciantes e Empresarios de As Pontes, que se sorterán unha vez que se peche o mercado.

As escolas culturais ofertadas polo Concello de As Pontes superan, este ano, as 400 matrículas

2011-10-17T14:10:00.001-07:00

• Baile moderno volve rexistrar o maior número de matrículas con case 160 inscritos seguido de pandeireta con medio cento de anotadosAs Pontes, 17 de Outubro de 2011.- Máis de 400 veciños e veciñas de As Pontes tomarán parte, este curso, nas diferentes modalidades formativas ofertadas polo departamento municipal de Cultura.Segundo deron a coñecer dende a concellería que dirixe Sara Ramos 417 ponteses e pontesas, de diferentes idades, tomarán este ano clases de danza clásica e moderna, acordeón, gaita, guitarra eléctrica, percusión ou pandeireta; o que supón 25 alumnos máis que os rexistrados en 2010, onde a cifra de matriculados foi de 392.A modalidade con maior número de alumnos é, un ano máis, baile moderno, con 157 inscritos, seguida de padeireta con 55 alumnos e gaita e frauta con 47 anotados.Por debaixo das 40 matrículas están as disciplina de danza clásica con 38 anotados, baile tradicional con 30 e acordeón con 28 alumnos.No tocante á modalidade de tamboril, a cifra de inscritos ascende este curso ata os 21, namentras que en baile flamenco hai para este ano 15 matriculados.Pechan esta relación as disciplinas de batería e guitarra eléctrica con 13 alumnos cada unha.É preciso lembrar que este programa formativo conta co respaldo económico da Deputación da Coruña, que cada ano destina algo máis de 15.000 euros a estas clases. A estes fondos súmanse tamén as aportacións do Concello e a matrícula anual dos alumnos e alumnas destas dez disciplinas, ingresos que ascenden a algo máis de 15.000 euros e cos que se sufraga a contratación dos mestres de cada unha destas modalidades.

UNHA DEMOSTRACIÓN DE COCIÑA E UN ESPECTÁCULO HUMORÍSTICO PRINCIPAIS NOVIDADES DA XXII FEIRA DE FUNGOS E COGUMELOS

2011-10-14T04:03:00.000-07:00

Poucos días quedan para a celebración dunha nova edición da Feira de Fungos e Cogumelos de As Pontes, a vixésimo segunda xa e que dende o departamento de Cultura, están a preparar co fin de ofrecer unha atractiva programación que permita aos veciños e veciñas de As Pontes e dos concellos limítrofes desfrutar da riqueza gastronómica local e tamén dun mundo de sabores e arumes como é o dos fungos.Como é habitual, o certame de cestas copará parte do protagonismo do 1 de novembro aínda que moito terán que traballar estes días aqueles que decidan participar neste concurso xa que o tempo acompaña ben pouco para saír na busca de cogomelos.Nembargantes, os que o vindeiro Día de Defuntos se acheguen ata as pontes para participar nesta cita verán un cambio de escenario xa que o certame de cestas trasladarase á Praza de América.Asemade, este ano, non se contará co xa gañador durante oito edicións consecutivas desta convocatoria: o mugardés José Luís Cuba que, nesta ocasión, desenvolverá un papel totalmente diferente xa que a organización conta con el para outro tipo de actividades a celebrar esta xornada pero que aínda están por rematar de concretar. Tamén está previsto introducir novidades nos premios deste concurso.O que sí que non cambia é a degustación popular que estará servida polo restaurante 5 Jotas e na que se repartirán 850 racións dun menú no que aínda se está a traballar e que se repartirá na carpa que se instalará no patio do colexio Santa María.O que sí que se confirmou dende o departamento municipal de cultura foi a celebración dun showcooking, unha demostración en directo de cociña na que se prepararán en directo diferentes pratos con cogomelos.Non faltarán os galardóns aos mellores traballos escolares correspondentes ao concurso escolar o mundo da micoloxía e teremos a posibilidade de desfrutar de dúas exposicións: unha adicada á artesanía do Eume, que se completará con diferentes demostracións de oficios tradicionais e unha segunda sobre balnearios.A música non podía faltar nesta xornada de festa cunha nova edición da Mostra Folclórica das Pontes na que intervirán a Agrupación Cultural Alende e o grupo Leña Verde que se completará coa actuación, no patio do colexio Santa María, dos monologuistas Pepo Suevos e Oswaldo Digón que, dende as 17.00 horas, amenizarán a xornada de todos aqueles que se animen a achegarse ata este emprazamento.E para pechar xornada nada mellor que ir de compras e pasearse polos postos do cuarto Mercado de Oportunidades Vila de As Pontes (MOVA) que cambia de ubicación xa que, da Canle IV, pasa á Avenida da Coruña.Nas vindeiras semanas, a concellería que dirixe Sara Ramos concretará o programa de actividades para o 1 de novembro, xa que, nestes días aínda se están a pechar dende o menú a degustar esta xornada ata outro tipo de novidades das que os ponteses e pontesas poderemos desfrutar durante o Día de Defuntos, unha xornada na que As Pontes volverá a captar a atención de veciños e visitantes para convertirse nunha das referencias de Galicia no bo comer.

O ENCORO DA RIBEIRA VIVE O SEU OUTONO MÁIS SECO CON TAN SÓ O 25% DAS SÚAS RESERVAS

2011-10-14T04:01:00.001-07:00

O caudal da presa da Ribeira está cada vez máis baixo. Se a comezos de outubro o encoro estaba ao 28.89% da súa capacidade, en apenas sete días, esa capacidade baixaba en case cinco puntos, situándose a día de hoxe nun 24.13% de ocupación. É dicir, a seca que padecemos dá paso aos niveis históricos máis baixos de almacenamento de auga rexistrados no encoro da Ribeira pasando dos 32.80 hectómetros cúbicos que é o volume total aos 7.91 metros cúbicos actuais.Unha situación moi semellante se vivía no ano 2003, e tamén no mes de outubro, pero así e todo nunca estivemos por baixo do 31% de capacidade.Volvendo ao informe emitido por Augas de Galicia relativo á evolución dos recursos hídricos no ano hidrolóxico 2010-2011, saiban que comezamos ano co encoro da Ribeira ao 69% da súa capacidade .Dous meses máis tarde, as últimas chuvias do inverno propiciaban un notable aumento da ocupación, situándose ésta en case o 95%. E chegábamos á metade do ano co 86% de capacidade. Foi xa a partir de Xullo cando comezaba esa baixada histórica, no mes das Festas a ocupación do encoro da Ribeira era do 79%. En Agosto do 67%. En Setembro o encoro estaba ao 49% e no último informe emitido con data do pasado 10 de Outubro a capacidade do encoro non chega a unha cuarta parte.Polo momento non se pensa en aplicar restricións de auga no subministro doméstico, e é que Endesa deixou de turbinar para garantir que queda auga de abastecemento. Así e todo, en caso extremo e chegado o momento de adoptar medidas de aforro de auga, o subministro aos veciños sería o último que se interrompese. E é que antes se deixaría de alimentar á central de ciclo combinado e tamén ao complexo térmico.Agora só nos queda agardar que a chuvia faga aparición, e neste senso dende Meteogalicia anuncian cambios na atmósfera para a vindeira semana, por mor do achegamento das baixas presións. Así a probabilidade de chuvascos irá en aumento e as temperaturas descenderán quedando en valores máis propios desta época do ano.

Servizos Sociais organiza un obradoiro de cestería con material de refugallo dirixido ás mulleres

2011-10-14T03:54:00.001-07:00

15 pontesas poderán participar neste curso que forma parte da conmemoración do DíaInternacionalda non Violencia contra a MullerAs Pontes, 14 de Outubro de 2011.- O Concello de As Pontes, mediante a concellería de Servizos Sociais e Atención Cidadá e o Centro de Información á Muller (CIM) está xa a preparar as primeiras actividades incluídas no programa de conmemoración do Día Internacional da Non Violencia contra a Muller, que cada mes de novembro inclúe charlas, obradoiros e actividades dirixidas ás veciñas do municipio.Nesta ocasión, e coa colaboura da Asociación de Artesáns do Eume, está previsto que se desenvolva a segunda edición do obradoiro de cesteiría con papel reciclado, curso que terá unha duración de oito semanas e que arrincará o vindeiro 24 de outubro.A artista local Lourdes Acera Olaso será a encargada de dirixir novamente este curso que se desenvolverá os luns entre as 10.00 e as 12.00 horas nas dependencias da Casa de Don Pedro.Dende hoxe mesmo está aberto o prazo de matrícula, ata o día21 deste mes, debendo aboar 20 euros para a compra de material. O número de prazas ofertadas é de15, cifra similar á do curso de cestería desenvolvido o pasado mes de marzo, ao abeiro da programación do Día Internacional da Muller e que tamén foi impartido pola mesma artesá cun gran éxito de participación xa que as prazas quedaron escasas.E é que este curso axuda a fomentar a creatividade das participantes, de aí que se optase por repetir esta actividade. Para poder anotarse ou obter máis información sobre este obradoiro tan só é preciso telefonar ao 667 12 93 34, de luns a venres en horario de 08.00 a 15.00 horas, denates do vindeiro día 21, xornada na que remata o prazo de inscrición.

As escolas deportivas municipais rexistran un novo éxito con máis de 300 matrículas nas súas 13 modalidades

2011-10-14T03:46:00.001-07:00

As disciplinas de aerobic,mantemento físico e pilates son as que rexistran un maior número de inscriciónsAs Pontes, 13 de Outubro de 2011.- Máis de 300 ponteses e pontesas de diferentes idades participarán, este curso, nas diferentes modalidades deportivas ofrecidas polo Concello de As Pontes ao abeiro do seu programa de escolas deportivas municipais que, para este curso, inclúe un total de 13 modalidades deportivas.De feito, un ano máis queda demostrada a gran calidade e atractivo da oferta deportiva municipal con cifras que deixan claro o éxito de programas como é, neste caso, o das escolas deportivas municipais.Segundo informan dende o departamento municipal de Deportes, a modalidade con maior número de inscritos é pilates con 70 matrículas, seguido de mantemento físico con 45 e ximnasia rítmica con 40 alumnos. Preto dos 30 anotados se sitúan as modalidades de aerobic con 28 anotados, tenis con 27, patinaxe con 25 e baloncesto con 24 inscritos.Xa en psicomotricidade a cifra de matriculados é de 16 e en fútbol sala de 15, namentras que en atletismo e taekwondo hai inscritos un total de 10 alumnos. Pechan o listado as escolas deportivas municipais de xadrez e tiro con arco con 5 matrículas cada unha.Malia que xa hai modalidades con lista de agarda coma é o caso de aerobic, pilates ou mantemento físico, aínda é posible anotarse no resto de disciplinas deportivas con tan só achegarse ata a oficina municipal de deportes, ubicada no polideportivo municipal da Fraga. Asemade, tamén é posible solicitar calquer tipo de información ao respecto telefonando ao 981 45 26 02.

Tres Pontes, Sete Camiños e Trastoy 1 fanse cos premios do III Certame de Tapas Vila de As Pontes

2011-10-12T06:31:00.001-07:00

tapas Hoxe tivo lugar o acto de entrega de premios dun certame no que participaron 34 establecementos que repartiron, duranteunha semana, máis de 30.000 pinchosO Mesón Sete Camiños, a cafetería Tres Pontes e o bar Trastoy 1 proclamáronse hoxe vencedores do III Certame de Tapas Vila de As Pontes que, un ano máis, organizou o Concello de As Pontes, mediante o departamento de Industria e Comercio, e a Cámara de Comercio, coa colaboura do Instituto Pontés de Promoción Económica (IPPEC), RTV Eume e o clube gastronómico El Gurmet.Así na categoría de tapa máis popular, escollida polo voto do público, o premio foi para o Froito do Mar da cafetería Tres Pontes. No tocante aos premios outorgados polo xurado, o pincho máis innovador foi o presentado polo Mesón Sete Camiños coa súa Receita da Aldea, namentras que o galardón á tapa máis saborosa recaeu na Tapa da Lembranza do Trastoy 1.Os nomes dos premiados déronse a coñecer nun acto celebrado esta mañá nas dependencias da Casa Dopeso e que estivo presidido polo alcalde de As Pontes, Valentín González Formoso, e varios dos integrantes da organización que, nestes días exerceron de xurado.Na súa intervención, o rexedor pontés agradeceu a participación e esforzo dos 34 locais hostaleiros que tomaron parte neste certame e que, en moitos casos, tiveron ata que reforzar o seu plantel de traballadores para tomar parte neste concurso. González Formoso tamén fixo fincapé na importancia de iniciativas coma a desenvolvida nestes días que sitúan a As Pontes no mapa gastronómico galego e que, asemade, redundan positivamente no tecido hostaleiro local xa que, mediante citas coma a vivida estes días, os restaurantes e cafeterías aunan esforzos por dar un bo servizo á clientela e fomentan a competitividade sá e a creatividade para idear propostas gastronómicas da máis alta calidade que tamén permite atraer clientela tanto de As Pontes coma doutros concellos da contorna.A edil de Industria e Comercio, Montserrat García, tamén deu conta do seu agradecemento aos establecementos hostaleiros ponteses polo traballo destes días. De feito, segundo as estimacións de participación manexadas polo goberno municipal, a cifra de tapas repartidas estes días ascende a 30.000 aínda que, no voto popular tan só se puideron ter en conta 1.000 papeletas cubertas correctamente con 10 selos doutros tantos locais participantes.Na súa intervención, Montserrat García tamén anunciou que a intención do departamento que dirixe pasa por continuar a desenvolver iniciativas en prol do desenvolvemento do comercio e hostalería de As Pontes, que redunden nunha mellora da economía local.O acto completouse coa actuación do humorista Pepe Capelán e co sorteo de tres ceas para dúas persoas entre o público que emitiu o seu voto, ceas que recaeron en Fina Tojeiro, Noelia Fraga e Silvia Piñeiro.

O III Certame de Tapas Vila de As Pontes clausúrase este mércores cunha entrega de premios

2011-10-11T15:33:00.001-07:00

Os hostaleiros ponteses están convocados este mércores ás 12.00 horas na Casa Dopeso para recoller un agasallo ou algún dos tres premios en xogo O III Certame de Tapas Vila de As Pontes, organizado polo Concello de As Pontes, a Cámara de Comercio, o Instituto Pontés de Promoción Económica, RtvEume e o clube gastronómico El Gurmet, celebra mañá a súa clausura coa entrega dos premios a tres dos 34 locais hostaleiros participantes.Así, ás 12.00 horas, no salón de actos da Casa Dopeso terá lugar a entrega de premios aos locais que presentasen a tapa máis saborosa e á máis innovadora, que escollerán os membros do xurado.Tamén será premiada a tapa máis popular, escollida mediante o voto do público que, nestes días, depositou a súa papeleta con 10 selos doutros tantos establecementos hostaleiros participantes nas diferentes urnas espalladas polo casco urbano.Asemade, todos os locais participantes recibirán un agasallo ao que se sumará o sorteo de tres ceas para dúas persoas entre o público que decidise depositar o seu voto.O acto de mañá contará coa actuación de José Luis Mañana coñecido polas súas aparicións na Televisión de Galicia, como Pepe Capelán nos programas da canle autonómica Bamboleo e A Solaina.

A III FEIRA DO QUEIXO E DO MEL DE AS PONTES LOGRA UN NOVO ÉXITO DE PARTICIPACIÓN CON MÁIS DUN MILLEIRO DE COMENSAIS

2011-10-10T10:00:00.000-07:00

Feira do mel e queixoO sabor doce do mel e a suavidade do queixo da nosa comarca déronse cita onte en Goente na terceira edición da feira de exaltación destes dous produtos locais. Unha convocatoria que logrou, unha vez máis, un gran éxito de público, e é que poucos quixeron perderse a oportunidade de degustar estes manxares da terra e ata de desfrutar das múltiples actividades ideadas pola organización para esta xornada gastronómica. O bo tempo axudou a que milleiros de veciños tanto de As Pontes coma doutros concellos limítrofes se animasen a visitar Goente e a facer desta cita gastronómica un novo éxito. Os esforzos non foron poucos xa que o Concello, a delegación do Eume da Asociación Galega de Apicultura, a Casa do Mel de Goente e os colectivos veciñais de Virxe do Rosario da Faeira e Raíces de Goente volcáronse, un ano máis, na organización deste evento que xa forma parte do calendario gastronómico local e que se suma á importante oferta de boa mesa coa que contamos nas Pontes. De feito, o propio alcalde daba conta da súa satisfacción ante a gran resposta do público nunha convocatoria que está a permitir que As Pontes se situe coma un referente gastronómico galego, gracias a productos coma o queixo e o mel.O presidente de Agaeume, Manuel Ferreira, compartía satisfacción co rexedor pontés ante a gran afluencia de público e é que, onte, vendíanse case os mil tickets emitidos para o xantar popular que se servía ao abeiro desta Feira. Churrasco, mel, queixo e freixós integraban o menú que se completou cunha merenda a base de freixós e produtos da comarca e tamén con compras xa que unha vintena de postos de artesanía, mel ou queixo ofrecían os seus produtos e facían caer na tentación aos visitantes.Para os máis pequenos houbo hinchables, obradoiros de cesteiría e tornería e ata un obradoiro de cera no que os rapaces podían aprender a facer a súa propia candea en forma de flor. Pero grandes e pequenos tamén puideron desfrutar da mostra do coleccionista e restaurador de motocicletas Elías Gabeiras, que espuxo unha vintena dos seus vehículos recuperados, entre eles unha Norton con 80 anos de idade; da música da banda de gaitas alfaia ou da colección de maquinaria agrícola que tamén se instalou en Goente. Por suposto a gastronomía foi o centro da maior parte das actividades da xornada e un dos momentos de maior expectación rexistrouse coa entrega dos premios do III Certame de receitas doces e salgadas e do IV Concurso de Cata de Meles. O primeiro, con 21 participantes, repartiu como premio catro cestas de produtos de Queserías del Eume e da Casa do Mel entre particulares e profesionais do sector. De feito, na categoría de receitas doces, a Vitoria foi para Ana Soto, da Capela, coas súas estrelas de queixo e requeixo con marmelada de froitas e mel de cogomelos, no apartado de particulares, e no de profesionais para a tarta de requeixo elaborada por Francisco Jarel Saavedra. Ana Soto repetía trunfo entre os pratos salgados coa súa brandada con alioli de Mel, namentras que o restaurante A Palma de Vilar de Mouros se impoñía coas súas piruletas de xamón e queixo. No tocante ao certame de Meles claras e escuras, José Manuel Roel e Remedios Fernández facíanse co favor do xurado que tamén outorgaba unha mención especial ás Meles presentadas por Elena Díaz, Ilda Besteiro e Juan Carlos Riveira. Coa música da Sintonía de San Covade despedíase ata o vindeiro outubro esta cita gastronómica que, unha vez máis, volveu colocar o mel e queixo de As Pontes no ranking dos mellores de Galicia.

OS "LARPEIROS" BENIGNO CAMPOS E TOMÁS ALONSO INAUGURAN O III CERTAME DE TAPAS VILA DE AS PONTES

2011-10-06T14:05:00.001-07:00

As Pontes puido ver onte a elaboración en directo das receitas que habitualmente seguen moitos a traverso da TVG no programa Larpeiros, e é que os presentadores deste espazo, Benigno Campo e Tomás Alonso, achegáronse ata As Pontes para inaugurar oficialmente o Concurso de Tapas Vila de As Pontes, que celebra a súa terceira edición cun novo record de participantes, cun total de 34 establecementos.

O alcalde de As Pontes, Valentín González Formoso; a edil de Industria e Comercio, Montserrat García, e a responsable da Antena Cameral, Mila Serantes, presidiron esta inauguración oficial nas inmediacións do Mercado de Abastos, que se engalanou para a ocasión.

Logo chegou a hora do espectáculo dos Larpeiros que foron seguidos por un numeroso público que coñecía moi ben o seu traballo e que departíu durante case dúas horas con Benigno Campos e Tomás Alonso nunha xornada moi participativa, na que os televisivos cociñeiros elaboraron un arroz e un postre con amorodos e manteigadas que, posteriormente, foi entregada a Cáritas Parroquial.

Para este menú, Campos e Alonso empregaron, como non podía ser doutro xeito, productos típicos da zona, coma o mel, o queixo ou os cogomelos.

Aínda despois de rematar coa cociña, os convidados desta xornada de inauguración adicaron un bo tempo a saudar, fotografiarse e asinar libros de receitas, cos que se pechou este primeiro día de concurso.

A Feira do Mel e Queixo de Goente celebra , o vindeiro domingo, a súa terceira edición

2011-10-06T13:56:00.000-07:00

• Exposicións de artesanía, maquinaria ou motocicletas e un xantar popular son parte do programa ideado este ano pola organización deste evento gastronómico

As Pontes, 05 de Outubro de 2011.-
O Concello de As Pontes, a delegación do Eume da Asociación Galega de Apicultura (AGAEUME), a Casa do Mel de Goente e os colectivos veciñais de Virxe do Rosario (A Faeira) e Raíces (Goente) organizan, este mesmo domingo, a terceira edición da Feira do Queixo e do Mel, cita coa que se pretende, unha vez máis impulsar estes dous produtos da comarca.
Esta celebración, coa que tamén colaboran os veciños de San Pedro do Eume e Queixerías do Eume, arrincará ás 11.00 horas, na parroquia de Goente, momento no que se abrirán ao público a vintena de postos de mel, queixo, artesanía ou doces que se darán cita en Goente nesta xornada, unha exposición de motocicletas antigas e unha segunda de maquinaria, ao que se sumarán hinchables para os máis pequenos da casa.
O programa deste día tamén incluirá un xantar popular, dende as 14.30 horas, e no que, segundo a organización, se poderían alcanzar os mil comensais aínda que é posible, nestes días, adquirir unha invitación por 15 euros nos establecemento Casa Díaz, Casa Valentín, Bar Manola, Gasolineira Porta do Eume, Casa do Mel de Goente e Casa Picos.
Os que prefiran optar por unha degustación teñen a opción de facelo o mesmo domingo, a partir das 14.00 horas, por un prezo de 3 euros, o que inclúe requeixo, mel, freixós e queixo.

Asemade, durante a xornada de domingo tamén terá lugar unha nova edición do concurso de receitas doces e salgadas con mel e queixo da comarca para o que xa non é posible anotarse.
Os gañadores tanto deste certame coma do IV Concurso de Meles daranse a coñecer ao longo da mañá do domingo, xornada na que tamén se fará entrega dos premios pertinentes e que consistirán en diferentes lotes de produtos da Casa do Mel e de Queixerías do Eume.
De feito, mañá mesmo e tamén o venres terá lugar a cata de meles, na propia Casa do Mel de Goente, na que se escollerán o mellor mel claro e escuro dos presentados a concurso.
A programación do domingo completarase cunha actuación musical ás 20.00 horas.
Asemade, onte e hoxe os escolares ponteses foron os principais protagonistas do programa ideado con motivo desta semana adicada á apicultura, xa que os escolares dos centros A Magdalena e Santa María visitaron Goente para participar en obradoiros de cera e mel.
De feito, os nenos e nenas puideron tomar parte na extracción e envasado do mel, colaboraron na elaboración de candeas e flores con cera, con distintas cores, visionaron vídeos apícolas e traballaron con programas informáticos nos que se lles dá a coñecer a vida da abella. Por último, os escolares puideron probar o mel con outros productos da comarca.
Xa para o sábado terán lugar a XII Xornadas Apícolas que, cada ano, se organizan para os expertos no mundo da apicultura e que, nesta ocasión, correrán a cargo do profesor e biólogo Juan José Lastra e o apicultor Javier Goyanes.
Estas charlas terán lugar ás 11.00 horas e ás 17.00 horas, na Casa Dopeso, e nas mesmas abordaranse aspectos coma a flora melífera e a xeobioloxía aplicada á apicultura.

A exposición itinerante que percorre a historia dos balnearios galegos recala nas Pontes

2011-10-06T13:55:00.001-07:00

A exposición itinerante que percorre a historia dos balnearios galegos recala nas Pontes

A través da mostra poden coñecerse curiosidades como que no século XVIII os médicos xa receitaban aos pacientes a terapia das augas

Poderá visitarse no Mercado Vello ata o 23 de outubro

__________________________________________________________________

Santiago de Compostela, 5 de outubro de 2011 (Vía Láctea Comunicación).- A Asociación de Balnearios de Galicia inaugurou esta mañá na sala de exposicións Mercado Vello das Pontes a mostra itinerante “O lecer das augas. Historia dos balnearios de Galicia”, que permanecerá na localidade ata o vindeiro 23 de outubro. Esta iniciativa conta co patrocinio da Xunta de Galicia e coa colaboración da AEITEGAL -Agrupación Empresarial Innovadora Termal de Galicia-, da Cámara Oficial Mineira de Galicia, da Cátedra de Hidroloxía Médica USC-Balnearios de Galicia e do Concello das Pontes.

O alcalde do Concello das Pontes, Valentín González Formoso, presidiu o acto de inauguración. Tamén asistiron o presidente da Cámara Mineira de Galicia, Francisco Aréchaga Rodríguez; e o xerente da Asociación de Balnearios de Galicia, Benigno Amor Barreiro.

Durante o evento presentouse tamén o libro homónimo da exposición, a primeira publicación que reúne a historia dos balnearios galegos. Ambas iniciativas teñen a súa orixe nun convenio asinado en 2007 entre a Cámara Mineira de Galicia e a Asociación de Balnearios. En virtude deste acordo, o equipo do profesor da Universidade da Coruña Luís Alonso Álvarez realizou un estudo sobre a historia dos balnearios galegos, centrado no período 1700-1936, que adaptou para a súa publicación a editorial Galaxia.

A exposición consta de 12 paneis, ademais de cincuenta volumes seleccionados da biblioteca do codirector da Cátedra de Hidroloxía Médica da Universidade de Santiago, o doutor Luís Rodríguez Míguez, así como botellas, artigos de cosmética e distintas pezas (vasos, inhaladores…) procedentes algunhas da colección do doutor e outras cedidas por diversos balnearios da comunidade.

O xerente da Asociación de Balnearios de Galicia puxo de manifesto que “esta exposición ten unha enorme relevancia, pois consideramos que cómpre facer unha tarefa de divulgación do termalismo galego dende a perspectiva histórica, cultural, turística e tamén sanitaria, co fin de poñelo en valor”. Benigno Amor resaltou que “se na actualidade Galicia é a comunidade líder en termalismo non se debe só a que haxa unha gran riqueza en augas minerais, senón que tamén resultan fundamentais o esforzo investidor dos empresarios, o apoio da Administración e o recoñecemento social dos balnearios”.

Tal como se recolle no libro homónimo da exposición, “Galicia soubo aproveitar dende sempre a riqueza potencial das súas augas mineiromedicinais, converténdose nunha das comunidades líderes tanto en número de balnearios como en visitantes dentro do conxunto español”. As estatísticas revelan que Galicia acadou esta posición hexemónica no século XIX, cando naceron os primeiros balnearios “modernos”, e xa non a abandonou ata os nosos días, mesmo nas etapas de crise do sector.

A principios do século XIX fíxose obrigatorio que os balnearios dispuxesen de directores médicos encargados das terapias

No século XVIII comeza unha recuperación das fontes termais por parte das elites ilustradas, que se estende a outros grupos sociais, producíndose un reencontro entre a cultura das elites e a tradición popular das augas. Isto coincidiu coa publicación dunha ampla literatura sobre baños termais por parte de médicos, que comezaron a receitar aos doentes a terapia das augas.

A primeira regulación no uso das augas termais data de 1816 e dotou os balnearios de normas básicas para a xestión, inspección e uso das instalacións, así como a obriga de dispor de directores médicos encargados das terapias. A partir de 1875 empezaron a construirse hoteis e a oferta de actividades lúdicas atrouxeron a clientes máis acomodados. O enfermo transformouse co tempo en bañista e o espazo de curación en lugar de recreo. Os avances médicos e técnicos impulsaron novos usos da auga, melloraron a hixiene e permitiron a aplicación de tratamentos máis especializados. As técnicas tradicionais (baños, bebida ou embarro) combináronse con outras máis sofisticadas como a inhalación de gases, a pulverización, os chorros e, sobre todo, a aplicación industrial da electricidade á hidroterapia.

A auga mineral como recurso estratéxico de Galicia

En 1985 dez empresarios constituíron a que hoxe é a Asociación de Balnearios de Galicia para representar e promocionar o sector. Na actualidade conta con 21 balnearios asociados, o que representa máis do 95% do sector en Galicia. Ademais, a comunidade é líder nacional, pois representa preto do 20% da oferta.

Por outro lado, o termalismo galego aglutina a un conxunto de empresas interrelacionadas. Así, en abril de 2010 constituíuse a AEITEGAL -Agrupación Empresarial Innovadora Termal de Galicia-, integrada por máis de 50 empresas, con máis de 370 millóns de euros de facturación e uns 3.360 empregados. Tamén están asociadas as tres universidades galegas e diversos organismos públicos.

“Tanto a AEITEGAL como o futuro Clúster da Auga Mineral de Galicia están chamados a ser centros xeradores de proxectos cooperativos e innovadores que fagan das augas minerais un recurso estratéxico pola súa contribución á dinamización socioeconómica de Galicia” -declarou Benigno Amor-.

PRENSA Asociación de Balnearios de Galicia

981 554 407 / 639 768 929 ….. www.vialactea.es

www.balneariosdegalicia.com

A exposición "O lecer das augas". Historia dos balnearios de Galicia” visita a nosa vila.

2011-10-04T13:35:00.000-07:00

Mañá preséntase unha nova exposición na nosa vila.
O Alcalde de As Pontes, Valentín González Formoso, o Presidente da Cámara Oficial Mineira de Galicia e o Presidente da Asociación de Balnearios de Galicia
presidirán mañá, a partir das 12 do mediodía, a inauguración dunha exposición
na Sala do Mercado Vello, en col da importancia dos balnearios na historia do pobo galego.
A Asociación de Balnearios de Galicia, co patrocinio da Xunta de Galicia e a colaboura da Agrupación Empresarial Innovadora Termal de Galicia, a Cámara Oficial Mineira de Galicia, e a Universidade de Santiago, desenvolveron a exposición “O lecer das augas. Historia dos balnearios de Galicia”, á que agora se suma como patrocinador o concello pontés para esta estadía na nosa localidade.
Esta mostra de carácter itinerante, que está a percorrer Galicia durante o presente ano, ten a súa orixe nun convenio asinado en 2007 entre a Cámara Mineira e a Asociación de Balnearios para realizar un estudo da historia dos balnearios galegos entre o 1700 e o 1936.
Consta de doce paneis que se amosan ó público xunto con libros históricos, botellas, artigos de cosmética e diversas pezas (inhaladores, vasos...) típicas destes establecementos.
Poderemos achegarnos a visitar esta mostra de martes a venres de seis e media a oito, sempre polas tardes, e xa os sábados pola mañá, de 11´30 a unha e media.

A vindeira semana comeza unha nova edición do Obradoiro de Conversa en Inglés, que ofrece gratuitamente o concello pontés.

2011-10-04T13:34:00.001-07:00

A vindeira semana comeza unha nova edición do Obradoiro de Conversa en Inglés, que ofrece gratuitamente o concello pontés.
Logo de que se convocase un sorteo para adxudicar as 75 prazas previstas, decidíuse ampliar o cupo, en vista do aumento da demanda, e finalmente serán 90 os participantes, para o que se ampliou un grupo máis, ata os 90 participantes.
Esta formación está destinada a alumnos de terceiro, cuarto, quinto e sexto de Educación Primaria e primeiro e segundo de Secundaria, e está incluida no programa de apertura dos centros educativos fóra do horario lectivo.
As clases desenvolveranse semanalmente en horario de tarde a partir do luns, nas dependencias do colexio Monte Caxado.
Os alumnos dividiranse en clases de quince estudiantes que contarán cun profesor nativo que será o encargado de deseñar e levar a cabo as diferentes actividades, e xogos cos que mellorar o inglés oral dos participantes. Apostando un ano máis por un un sistema pedagóxico que opta pola mellora do inglés oral, baseándose en recreacións de situacións reais, máis que no que serían os coñecementos directos da gramática.

Servizos Sociais porá en marcha, esta semana, un curso de galego-castelán dirixido a inmigrantes

2011-10-03T14:44:00.001-07:00

• Os participantes poderán mellorar o seu galego e castelán tanto falado como a nivel gramatical mediante dúas clases semanais de tres horas totalmente gratuítas.

O Concello de As Pontes, mediante a concellería de Servizos Sociais e Atención Cidadá, desenvolverá esta semana un curso de galego – castelán dirixido directamente a inmigrantes que residan en As Pontes.
O principal obxectivo deste curso pasa, segundo aclararon dende o departamento que dirixe José Alén, pasa por ofrecer ferramentas que faciliten a inclusión social e integración dos inmigrantes, por medio dun mellor coñecemento do idioma.
O curso, que será totalmente gratuíto, impartirase nas dependencias da Casa de Don Pedro dende a vindeira semana, en dúas clases de tres horas, en horario de mañá, e que se celebrarán os martes e xoves.
A metodoloxía de traballo incidirá no oral, con dous niveis, o de iniciación, centrado na conversa; e básico, mentres que no grupo de perfeccionamento xa se aboradará algo de gramática.
Os pictogramas e os tradutores serán ferramentas recorrentes nestes obradoiros para os que aínda quedan prazas.
Para anotarse aínda é posible achegarse ata as dependencias do servizo psicopedagógico municipal, ubicadas no segundo andar da Casa Dopeso, ou ben telefonar á propia concellería de Servizos Sociais no 981 44 10 08.

Máis de medio cento de tiradores participan en As Pontes na 5ª fase do Open Galaico-Astur de Tiro

2011-10-03T14:39:00.001-07:00

• A competición, que se desenvolveu durante a xornada do pasado sábado, tivo como escenario as canchas do campo Pena da Revolta

O Concello de As Pontes albergou, o pasado sábado, a quinta fase do Open IPSC Galaico Astur de Tiro – Vila de As Pontes.
A competición, que unha vez máis se desenvolveu nas canchas do clube de tiro Pena da Revolta, contou con 60 tiradores procedentes de todos os puntos da xeografía galega e asturiana e estivo integrada por un total de oito exercizos, de diferente dificultade, nos que se mesturaron os blancos móviles e estáticos cos disparos dende diferentes distancias e ángulos.
Como ven sendo habitual, a proba estivo divida en tres categorías: estándar, open e producción e nas mesmas tomaron parte tanto tiradores coma tiradoras que deberon afrontar as mesmas probas para facerse co trofeo final.
Así, en open, o primeiro posto foi para Diego Abilleira Esperón, seguido de Luis Javier Abilleira Barreiro e de Jonás García Méndez. Na modalidade de producción a victoria foi para Jaime García Sánchez, seguido de Jesús Ferreiro Rodríguez e Fredy Landaeta Sosa.
Finalmente, na categoría de estándar, o título foi para David Davite Aguiar, seguido de José María Fajardo de Andrade e Juan Carlos Ferreño Piñeiro.

O cociñeiro Benigno Campos visita o mércores As Pontes no marco do III Certame de Tapas Vila de As Pontes

2011-10-03T14:34:00.001-07:00

• 34 locais hostaleiros ponteses participan neste concurso que se desenvolverá entre os días 5 e 11 de outubro co fin de promocionar a riqueza gastronómica local

O cociñeiro do programa da Televisión de Galicia Larpeiros, Benigno Campos, visitará o mércores As Pontes a través do programa de actividades deseñado polo Concello de As Pontes, mediante a concellería de Industria e Comercio, e a Cámara de Comercio ao abeiro da terceira edición do Certame de Tapas Vila de As Pontes.
Campos contará coa compaña do xornalista e copresentador de Larpeiros Tomás Alonso nun acto que estará aberto a toda a veciñanza e que consistirá na preparación de varios pratos con produtos típicos de As Pontes e da súa comarca, coma o mel ou o queixo.
Así o mércores, dende as 18.00 horas, e diante do mercado municipal, ubicado a carón dos Xardíns Campo da Feira, todos aqueles que así o desexen poderán desfrutar do bo facer entre fogóns destes dous televisivos cociñeiros.
Asemade, tamén o mesmo mércores e ata o día 11 de outubro se desenvolverá o III Certame de Tapas Vila de As Pontes no que participan un total de 34 establecementos hostaleiros ponteses e co que tamén colaboran o Instituto Pontés de Promoción Económica (IPPEC), RTV Eume e o clube gastronómico El Gurmet.

En horario de 12.00 a 15.00 e de 19.00 a 23.00, ata a noite do 11 de outubro, será posible que os veciños e veciñas de As Pontes e tamén os visitantes poidan achegarse ata calquera dos establecementos participantes para degustar diferentes propostas gastronómicas e das que sairán as tres gañadoras deste ano, no que se escollerá a tapa máis votada polo público, a máis orixinal e a máis saborosa, éstas dúas seleccionadas por un xurado que, durante a semana de concurso, visitará os diferentes locais participantes para probas as propostas ideadas polos seus propietarios.
Así, nesta ocasión, será posible degustar dende tequeños ata raxo, polbo, callos, pementos recheos, navizas, freixós recheos, marmitako ou incluso un goulash, todo isto gracias ás diferentes e orixinais propostas deseñadas polos establecementos participantes para este terceiro certame de tapas Vila de As Pontes co que, un ano máis, se pretende poñer en valor unha das bazas turísticas máis importantes do concello pontés como é a gastronomía.
O público volverá xogar un importante papel neste concurso xa que, despois do seu paso pola zona de tapas, poderá emitir a súa opinión sobre estas, e participar no sorteo dunha cea para dúas persoas nun dos establecementos participantes. Para iso tan só deberá solicitar, en calquera dos locais participantes, unha papeleta que deberá ter debidamente selada por dez establecementos diferentes. Para conseguir un selo deberá degustar unha tapa.
O gañador tanto desta cea coma dos premios aos establecementos hostaleiros darase a coñecer o 12 de outubro nun acto público que terá lugar no salón de actos da Casa Dopeso ás 12.00 horas.

O Concello de As Pontes celebra o Día Internacional do Corazón e dos Maiores cunha xornada de deporte e formación

2011-09-27T13:47:00.001-07:00

• Este venres a técnica deportiva municipal desenvolverá unha charla formativa e unha clase de ximnasia dirixida a todos os veciños e veciñas maiores de 50 anos

O Concello de As Pontes súmase, este ano, á conmemoración do Día Mundial do Corazón e do Día Internacional das Persoas Maiores, a través do departamento municipal de Deportes, coa organización da xornada denominada Vida Saúdable a partir dos 50. Nunca é tarde.
O obxectivo da concellería que dirixe Carlos Castro pasa por fomentar a práctica da actividade física, na etapa máis adulta, como un dos pilares para mellorar a saúde en xeral, coñecendo os seus efectos positivos sobre o corpo e a mente.
Esta xornada desenvolverase este mesmo venres dende as 10.00 horas no pavillón polideportivo municipal e estará integrada por unha charla-coloquio, na que se abordarán desde os diferentes hábitos de vida saudable, pasando pola práctica de actividade física e ata as posibilidades de mellorar a calidade de vida, independentemente da idade, para continuar cunha clase práctica de actividade física saudable adaptada a todas as idades. Esta segunda parte estará integrada por exercizos moi doados e sinxelos que mesmo se poderán realizar na casa ou mentras se pasea e que servirán para mellorar o funcionamento do corpo, en xeral.

Para obter máis información sobre esta xornada, o executivo municipal puxo a desposición da veciñanza máis datos na páxina web www.aspontes.com ao que se suma o contacto coa técnica deportiva municipal que se atopa nas oficinas do polideportivo municipal, coa que tamén se pode contactar telefónicamente, mediante o 667 19 20 99 ou enviando un correo electrónico ao enderezo ana.alonso@aspontes.org.

O IV Campionato Nacional Militar de Percorridos de Tiro clausurouse hoxe cunha entrega de medallas

2011-09-23T14:37:00.000-07:00

• O acto de clausura estivo presidido polo alcalde de As Pontes e tamén contou coa presenza do Delegado do Goberno en Galicia

ENTREGA TROFEOS

Entrega trofeos Campeonato tiro

FOTOS XOVES 22 (AQUI)

FOTOS MARTES (AQUI)

O IV Campionato Nacional Miliatar de Percorridos de Tiro puxo, esta mañá, o seu punto e final en As Pontes coa celebración da cerimonia de entrega de medallas aos mellores tiradores e tiradoras de cada categoría.
O acto estivo presidido polo alcalde de As Pontes, Valentín González Formoso; o delegado do goberno en Galicia, Miguel Cortizo, que se encargou de pasar revista aos militares; o coronel e Secretario Xeral da Xunta Central de Eduación Física e Deportes da Garda Civil, Jesús Martín Diego; e o tamén coronel e Delegado de Deportes da Xunta Rexional de Galicia e Asturias, Delfín Prieto, aos que se sumaron tamén autoridades militares e municipais e integrantes da directiva do Clube de Tiro Pena da Revolta, onde, nestes días, se desputou esta proba.
O rexedor pontés salientou, na súa intervención, a satisfacción que supón que As Pontes volva contar cunha proba deste nivel e relevancia e agradeceu o importante papel dos organizadores e participantes aos que, anunciou, que sempre serán benvidos coma un veciño máis, en terras pontesas.
Tamén agradecía a importante participación rexistrada o delegado do Goberno en Galicia que, ademáis de felicitar aos gañadores, deu conta do respaldo do executivo central ás Forzas Armadas e que se manifestan mediante o apoio a competicións coma a desenvolvida nestes días en As Pontes.
Pola súa parte, o coronel Jesús Martín Diego daba conta da importancia de desenvolver probas coma a que hoxe se clausuraba e que reflicten posibles situacións reais coma as que se poden atopar, cada día, os membros das Forzas Armadas no seu traballo.
De feito, o tamén Secretario Xeral da Xunta Central de E.F. e Deportes da Garda Civil quixo salientar a calidade dos competidores, a súa gran preparación física e psicolóxica e o importante papel destes tiradores e tiradoras que, segundo explicou Martín Diego, representan os valores que se defenden nos diferentes corpos de seguridade do Estado.
No tocante aos resultados, o corpo da Garda Civil foi o máis laureado xa que na competición por equipos lograba o primeiro posto nas categorías de pistola estándar e producción e, na categoría individual lograba ata sete metais.
En categoría estándar individual masculina o terceiro posto foi para o cabo da Garda Civil José Lagunilla, o segundo para o Garda Civil Francisco Manosalvas e o trunfador foi o subtenente do Exército de Terra Antonio Cases.
En producción, o Garda Civil José Pérez logrou o primeiro posto seguido do seu compañeiro Buenaventura Darías e do sarxento DA Garda Civil Federico Conde.
No tocante, á competición feminina, a cabo do Exército do Aire Ana González lograba impoñerse ás gardas civís Noelia Hernández e Araceli Montes, segunda e terceira clasificada, respectivamente.
Na competición por equipos, en estándar a Garda Civil lograba o primeiro posto seguida do conxunto do Exército de Terra e dos competidores que integraban o equipo do Exército do Aire. Igual resultado se rexistrou na competición por equipos en categoría de producción coa Garda Civil como vencedora e os combinados dos Exércitos de Terra e Aire no segundo e terceiro posto, respectivamente.

Trala entrega de medallas procedeuse á cerimonia de arriado das bandeiras que presidiron o acto e que poñía o punto e aparte a esta competición, a segunda xa destas características que se celebra nas canchas de Pena da Revolta, e que o pasado mes de abril acollían o X Campionato de España de Tiro da Garda Civil, que contou con 73 participantes, e o recentemente celebrado Campionato de España de Tiro de Percorridos I.P.S.C. no que tomaron parte case 300 competidores de todo o país.
No tocante a esta proba, 40 foron os tiradores dos tres exércitos e do corpo da Garda Civil que participaron, dende o pasado martes e ata onte, nesta competición na que tiveron que afrontar 15 exercizos con dificultade variable e nos que se mesturaba a precisión coa velocidade, baseados en situacións que se poden dar na vida real.
Asemade, e xa fóra de competición, onte tiña lugar un exercizo de asalto a unha vivenda na que tomaron parte equipos de cinco tiradores e tiradoras que debían asaltar un piso, sempre con todas as medidas de seguridade esixidas, e empregando material coma o seu armamento regulamentario, un fusil, chaleques antibalas e cascos.

CLASIFICACIÓN FINAL:
Clasificación Individual Masculina Estándar
1º Antonio Cases (Subtenente Exército de Terra)
2º Francisco Manosalvas (Garda Civil)
3º José Lagunilla (Cabo 1º Garda Civil)
Clasificación Individual Masculina Producción
1º José Pérez (Garda Civil)
2º Buenaventura Darias (Garda Civil)
3º Federico Conde (Sarxento 1º Garda Civil)

Clasificación Individual Feminina Producción
1º Ana González (Cabo 1º Exército do Aire)
2º Noelia Hernández (Garda Civil)
3º Araceli Montes (Garda Civil)

Clasificación Equipos Producción
1º Garda Civil
2º Exército de Terra
3º Exército do Aire
4º Armada

Clasificación Equipos Estándar
1º Garda Civil
2º Exército de Terra
3º Exército do Aire

O Concello de As Pontes alberga mañá a primeira edición do festival músico cultural Kontrashte Fest

2011-09-23T02:26:00.001-07:00

Actividades culturais, xogos populares e música marcarán o programa a desenvolver dende o sábado á tarde ata a madrugada do domingo

O Concello de As Pontes respaldará, esta fin de semana, a celebración da primeira edición do Kontrashte Fest, un evento que terá a música coma protagonista e que estará organizado pola asociación cultural pontesa Kontrashte.
Esta cita, na que a música será un dos principais atractivos, terá lugar mañá, na Canle IV e arrincará ás 16.00 horas.
Varis establecementos da vila colaboran con este festival no que será posible atopar xogos populares e diferentes actividades organizados pola plataforma Zona Zero e que se desenvolverán ata as 19.00 horas.
Posteriormente arrincará o festival musical onde se mesturarán diferentes estilos coma o hip-hop, o punk, o folk ou o rock coas actuacións de Ogmios (As Pontes), Muxarega (As Pontes), Arenga (Pontedeume), Carcomedhi ( A Coruña – Vigo), Desequilibrio Mental (Santiago), Maldía (Lugo), Legacy of Brutallity (Asturias) e Primitive (Santiago).
A entrada ós concertos será gratuita así como a participación nas diferentes actividades paralelas, asemade, delimitarase unha zona de acampada para os que decidan pernoctar en As Pontes e que tamén estará ubicada na Canle IV, a carón da estación de autobuses.

Servizos Sociais oferta 75 novas prazas para os seus obradoiros gratuítos de Conversa en Inglés

2011-09-23T02:22:00.001-07:00

As clases, incluídas no Programa de Apertura de Centros Fóra de Horario Escolar, irán dirixidas a alumnos de Primaria e Secundaria

O Concello de As Pontes, a través do departamento municipal de Servizos Sociais e Atención Cidadá, abrirá este outono unha nova edición do Obradoiro de Conversa en Inglés, incluído no Programa de Apertura de Centros Fóra de Horario Escolar.
Por cuarto ano consecutivo, os estudantes de 3º, 4º, 5º e 6º de Primaria e 1º e 2º de Educación Secundaria Obrigatoria (ESO) poderán participar nestas clases gratuítas que se impartirán a un total de 75 alumnos.
Como en anos anteriores, o programa desenvolverase semanalmente en horario de tarde, a partir do 10 de outubro, nas depenendencias do colexio Monte Caxado e haberá cinco grupos de quince estudantes que contarán cun profesor nativo que se encargará de desenvolver diferentes actividades, xogos e situacións que se poden dar na vida real pero sempre nun ambiente informal e distendido, que redunde na mellora do inglés oral dos participantes, deixando a un lado a gramática máis estricta.
E é que nestes tempos marcados pola globalización cada vez se fai máis preciso o manexo de mais dunha lingua, e nese contexto a aprendizaxe dun ou varios idiomas constitúe unha competencia non só para expresarse e comunicarse senón tamén para o contacto con outras culturas. Así se explicaba o edil de Servizos Sociais, José Alén, que definiu estas clases como unha ferramenta que permita aos estudantes ponteses mellorar a súa fluidez no uso do inglés.
En total convócanse 75 prazas e as solicitudes de participación realizaranse mediante instancia e presentaranse no Rexistro Xeral do Concello, ubicado na pranta baixa da Casa Consistorial, tendo de prazo dende onte ata o vindeiro día 29 de setembro.
A selección do alumnado farase mediante un sorteo público no caso de que a demanda existente fose superior ás prazas convocadas, e que se celebraría o 3 de outubro ás 9.00 horas na Casa do Concello.
Logo, o alumnado que consiga praza no programa inglés de conversación deberá acudir ao Servizo Psicopedagóxico Municipal, no segundo andar da Casa Dopeso, os días 5 e 6 de outubro para confirmar a súa inscrición. De non cumprirse este requisito considerarase que se renuncia á praza e adxudicarase ao suplente correspondente.

O Concello de As Pontes abre pon en marcha os Almorzos no Cole para medio cento de estudantes

2011-09-22T11:43:00.001-07:00

• Os estudandes dos colexios A Magdalena e A Fraga son os primeiros beneficiarios dun programa que volve axudar á conciliación da vida laboral e familiar e ao fomento de hábitos alimenticios sans

O Concello de As Pontes volve, un ano máis, aportar o seu gran de area á conciliación da vida laboral e familiar, poñendo a desposición da veciñanza os Almorzos no Cole.
Medio cento de familias pontesas beneficiaranse este ano desta iniciativa encadrada no programa de Apertura de Centros Fóra do Horario Lectivo e da que, unha vez máis, se fai cargo do departamento municipal de Servizos Sociais e Atención Cidadá.
Cada día os participantes, que comezan a súa xornada escolar moito máis cedo que o resto dos seus compañeiros, desfrutan do almorzó cos seus amigos e amigos, ao que se suma unha dieta equilibrada, que diariamente inclúe alimentos do máis saudables coma froita, leite, cereais, galletas, friames, iogures, tostas, manteiga, marmeladas de diferentes sabores, mel e queixo.
No C.E.I.P da Magdalena son xa uns expertos neste programa, e é que con este xa son tres os cursos que levan en marcha os Almorzos no Cole, o que contribuíu a establecer hábitos alimenticios saudables dende a infancia, animando aos pequenos e pequenas a seguir unha alimentación equilibrada rica en froitas, cereais e lácteos, alimentos que hoxe en día, en moitos casos, se substituíron por comidas nas que abunda a bolería industrial.

Ademais nos tempos que corren, para moitas familias, o ritmo de vida é frenético, todo se fai ás presas, incluso almorzar. É por iso polo que os Almorzos no Cole se presentan en moitos casos como alternativa para todos aqueles pais e nais que queren que os seus fillos e fillas realicen a primeira comida do día nun ambiente tranquilo, relaxado e sen agobios.
A laboura das coidadoras non remata aquí, senón que tralo almorzo tamén son elas as que supervisan que os pequenos e pequenas se aseen correctamente, laven a súa cara, as mans e mailos dentes.
Logo os xoves escolares participan de diversas actividades lúdicas, len contos, colorean ou xogan con libros de pegatinas. E xa ás nove, no caso do C.E.I.P A Fraga, e ás dez, no C.E.I.P A Magdalena, as coidadoras encárganse de levar aos nenos e nenas ás súas aulas.

O Concello de As Pontes acolle, esta semana, o IV Campionato Nacional Militar de Tiro

2011-09-20T14:18:00.000-07:00

• Corenta tiradores dos tres exércitos e do corpo da Garda Civil participan, durante tres días, nesta proba que se está a desenvolver no campo de tiro Pena da Revolta

O Concello de As Pontes está a acoller, estes días, a cuarta edición do Campionato Nacional Militar de Tiro, na modalidade de Percorridos.

A competición, que arrincaba esta mesma mañá, estase a desputar nas canchas de tiro do Campo de Pena da Revolta, unhas instalacións que hai tan só uns días acollían o Campeonato de España nesta mesma modalidade e que se caracterizan por ser unhas das mellores de todo o país.

De feito, ata As Pontes trasladáronse un total de 40 tiradores e tiradoras procedentes dos Exércitos de Terra, Mar e Aire e do corpo da Garda Civil que, ata o xoves, deberán facer fronte a un total de 15 exercizos nos que se combina a precisión, a velocidade e tamén a axilidade en diferentes probas nas que se mesturan os disparos a diferentes distancias e posicións, con brancos móviles e varios tipos de obstáculos de distinta dificultade.

Os participantes están a competir diariamente en cinco probas, nas categorías de pistola estándar e producción, dependendo das modificacións da arma.

Éstes divídense en cinco escadras de oito participantes cada una para dar máis axilidade a unha proba que arrinca cada día ás 10.00 horas e que remata preto das 12.30 horas, e á que se sumará o venres, trala entrega de trofeos, un exercizo por equipos, xa fóra de competición, que consistirá no asalto a unha vivenda.

Na xornada do luns, o propio alcalde de As Pontes, Valentín González Formoso se encargaba de dar a benvida aos participantes desta competición que rematará o venres, coa entrega de premios, que está programada para ás 10.00 horas, e que se desenvolverá diante da Casa Consistorial.

2011-09-20T14:07:00.000-07:00

A parroquia pontesa de Goente acollerá o 9 de outubro a III Feira do Queixo e do Mel

2011-09-16T07:06:00.001-07:00

A parroquia pontesa de Goente acollerá o 9 de outubro a III Feira do Queixo e do Mel

• Unha vintena de postos, exposicións, un xantar popular e concursos de cociña ou de meles integrarán o programa da xornada

O Concello de As Pontes, a delegación do Eume da Asociación Galega de Apicultura (AGAEUME), a Casa do Mel de Goente e os colectivos veciñais de Virxe do Rosario (A Faeira) e Raíces (Goente) están a preparar a que será a IIII Feira do Queixo e do Mel para o vindeiro mes de outubro, coa que se pretende, unha vez máis impulsar estes dous produtos da comarca.

Esta celebración, coa que tamén colaboran os veciños de San Pedro do Eume e Queixerías do Eume, terá lugar o día 9 de outubro, dende as 11.00 horas, momento no que se abrirán ao público a vintena de postos de mel, queixo, artesanía ou doces que se darán cita en Goente nesta xornada, unha exposición de motocicletas antigas e unha segunda de maquinaria.

O programa deste día tamén incluirá un xantar popular, dende as 14.00 horas, para o que aínda é posible anotarse e unha nova edición do concurso de receitas doces e salgadas con mel e queixo da comarca, para o que será posible anotarse ata o vindeiro día 25 de setembro, telefonando ao 661 00 36 16 ou ben enviando un correo electrónico a casadomel@vodafone.es.

Os gañadores tanto deste certame coma do IV Concurso de Meles daranse a coñecer ao longo da mañá do 9 de outubro, xornada na que tamén se fará entrega dos premios pertinentes e que consistirán en diferentes lotes de produtos da Casa do Mel e de Queixerías do Eume.

XII Xornadas Apícolas

O programa deste mes de outubro complétase coas as XII Xornadas Apícolas que arrincará o 4 e 5 de outubro con varios obradoiros de candeas e de envasado de mel, ao que se sumarán videos e proxeccións sobre o proceso da súa producción, actividades tan só dirixidas aos escolares.
Deste xeito os máis pequenos poderán coñecer, con tan só trasladarse á casa do mel de goente, os entresixos deste doce produto e tamén as múltiples opcións que se poden extraer das colmeas, ademáis do mel, coma o xabrón ou a xalea.
Os días 6 e 7 de outubro os protagonistas serán xa os adultos coa celebración da cuarta edición do curso de cata de meles claros e escuros onde se decidirá cal das propostas dos apicultores da zona merece levar o título de mellor mel clara e escura.
De feito, ata o vindeiro martes os apicultores poderán presentar na Casa do Mel os seus produtos pero en botes de un quilo, baixos e sen ningún tipo de etiqueta.
Xa para o día 8 está previsto que se celebren as conferencias que, cada ano, se organizan para os expertos no mundo da apicultura e que, nesta ocasión, correrán a cargo do profesor Juan José Lastra e de Javier Goyanes.
Estas charlas terán lugar ás 11.00 horas e ás 17.00 horas e nas mesmas abordaranse aspectos coma a flora melífera e a xeobioloxía aplicada á apicultura.

O Concello de As Pontes ofrece este curso clases en 15 escolas deportivas para nenos e adultos

2011-09-14T13:59:00.001-07:00

• O departamento municipal de Deportes abriu onte o prazo de inscrición nas diferentes escolas deportivas para nenos e adultos

O Concello de As Pontes, mediante o departamento municipal de Deportes, abriu onte o prazo para anotarse nas diferentes escolas deportivas municipais ideadas para o curso 2011-2012.

Así as cousas, para este ano está previsto que nas diferentes dependencias municipais se desenvolvan un total de 15 modalidades deportivas tanto para pequenos coma para adultos.

Neste senso, para os máis maiores desenvolveranse, un curso máis, as modalidades de mantemento físico, aerobic e pilates en localizacións coma o pavillón polideportivo municipal da Fraga ou a Casa Dopeso.

Asemade, tamén haberá actividades para nenos e nenas de 3 anos en diante. Así os máis pequenos poderán participar en cursos de patinaxe, psicomotricidade e ximnasia rítmica se son maiores de 3 anos ou de taekwondo se teñen máis de 4 anos.
Para os que teñan de 5 anos en diante a oferta deportiva inclúe xadrez, atletismo e fútbol sala e os maiores de 6 anos poderán asistir ás clases das escolas municipais de baloncesto ou tenis.
Xa para os maiores de 8 anos amplíase o abano de actividades con clases de tiro con arco e piragüismo e, finalmente, os maiores de 10 anos poderán participar na escola de vela pero co requisito de que deben saber nadar.
Os formularios de inscrición e calendarios de actividades pódense recoller xa nas oficinas do pavillón municipal da Fraga, de luns a venres en horario de 9.00 a 14.00 horas, ou ben descargalos dende a páxina web municipal no enderezo www.aspontes.com.
Unha vez cumplimentada a matrícula será necesario facer o ingreso pertinente na conta habilitada para tal fin nas oficinas de Novacaixagalicia e entregar o xustificante de pago no departamento municipal de deportes, ubicado no polideportivo da Fraga.
A cota de inscrición será de 40 euros por modalidade aínda que este prezo verase reducido a medida que se incrementen as matrículas na unidade familiar, cunha reducción de dez euros pola segunda matrícula, de 20 pola terceira e xa, dende a cuarta matrícula, a inscrición será gratuíta.
Asemade, tamén serán beneficiarias dun desconto do 50 % as familias numerosas que deberán incluír, coa súa solicitude, un xustificante que acredite que se cumpre esta situación.
Para obter máis información ou ben para anotarse tan só é preciso achegarse ata as oficinas de Deportes do pavillón polideportivo da Fraga. Asemade, tamén é posible solventar calquer tipo de dúbida enviando un correo electrónico a deportes@aspontes.org ou ben telefonando ao 981 45 26 02.

O III Certame de Tapas Vila de As Pontes pecha mañá o prazo para a inscrición de locais hostaleiros

2011-09-14T13:58:00.000-07:00

• O Concello de As Pontes e a Cámara de Comercio organizan este terceiro concurso que se desenvolverá entre os días 5 e 12 de outubro

O Concello de As Pontes e a Cámara de Comercio manterán aberto ata mañá, día 15, o prazo de inscrición para que os locais hostaleiros de As Pontes se anoten na que será a terceira edición do Certame de Tapas Vila de As Pontes, e que organizan a administración local, mediante o departamento de Industria e Comercio, e a Antena Cameral de As Pontes.

Precisamente, os hostaleiros interesados en participar deberán achegarse ata as oficinas da Antena Cameral de As Pontes, ubicadas na avenida de Ferrol, para cumplimentar a folla de inscrición pertinente e dar conta da que será a súa proposta gastronómica.

Un ano máis, o executivo local apostou “firmemente” polo desenvolvemento e a potenciación do sector hostaleiro local, que xunto co comercio son dous eixos básicos para a economía local. Así o explicaba a edil de Promoción Industrial e Comercio, Montserrat García, que tamén deu conta do “decidido” apoio da administración local á promoción de actividades en prol destes sectores.

A edil recalcou o respaldo que o equipo do que forma parte ofrecerá a calquera iniciativa posta en marcha por estes sectores para a súa promoción, citando como exemplo este certame que, un ano máis, segundo explicou a concelleira, demostra, ano tras ano, o gran potencial do sector hostaleiro local no que se seguirá a traballar, sempre da man dos propios hostaleiros.

Tal e como xa se anunciaba a pasada semana, este concurso desenvolverase entre os días 5 e 12 de outubro e, para a súa inauguración, contará cuns convidados de luxo: Benigno Campos e Tomás Alonso, do programa culinario Larpeiros da TVG, que visitarán As Pontes o día 5 para elaborar un prato e un postre con produtos locais.

Asemade, como novidade para este ano está previsto que se amplíen os horarios de degustación das propostas e que será de 12.00 a 15.00 e de 19.00 a 23.00 horas.

Como xa acontecía en edicións anteriores, cada establecemento poderá presentar unha soa tapa que deberá ofrecer ó público, sen un custo engadido ó da consumición correspondente.
Haberá novidades e sorpresas canto ós premios aínda que se manterán os galardóns ás tapas máis saborosa, máis orixinal e á máis votada, ésta última escollida a través do voto popular.
O Instituto Pontés de Promoción Económica (IPPEC), RTVEume e a Asociación Club do Gurmet volven colaborar con este evento no que o público tamén poderá optar a un premio dunha cea con tan só emitir o seu voto, a través das cartillas que se repartirán entre os clientes nos diferentes establecementos participantes que deberán probar dez propostas gastronómicas distintas para poder entrar no sorteo desta cea.
Unha vez completada esta cartilla con dez selos pertencentes a dez locais distintos, ésta poderase depositar nas urnas que atoparán en cada un dos locais participantes.

O sorteo farase cadrando coa clausura do III Concurso de tapas Vila de As Pontes que se celebrará o 12 de outubro e no que ademáis da entrega de premios, se organizará unha exposición das tapas participantes.

Ballesteros, De Cobos e Díaz revalidan os seus títulos de campións de España de tiro en As Pontes

2011-09-13T07:38:00.001-07:00

•VIERNES

SÁBADO

As canchas do clube Pena da Revolta coa colaboura do Concello albergaron, por segundo ano consecutivo, esta competición nacional

ENTREGA PRÉMIOS

Eduardo de Cobos Abreu, Jorge Ballesteros e Juan Carlos Jaime Díaz volveron lograr o Campionato de España de Tiro de Percorridos I.P.S.C, nas modalidades de producción, open e estándar, respectivamente.
A competición, que arrincaba o venres da pasada semana, desenvolveuse ata o sábado nas instalacións do clube pontés Pena da Revolta e pechouse, o domingo, coa tradicional entrega de premios aos mellores tiradores da competición.
De feito, na proba pontesa anotáronse un total de 249 tiradores, de once comunidades autónomas, aos que se sumaron unha vintena de árbitros que, nas xornadas previas á competición, tamén se aventuraron a desenvolver os 14 exercizos ideados para esta proba e nos que se combinaron dende probas de velocidade e precisión ata circuítos con blancos móviles e sistemas eléctricos que se combinaban con disparos dende diferentes ángulos e ata en carreira.
A competición desenvolveuse sen dificultades e problemas, malia a aparición da chuvia que aguou parte da mañá do sábado e a entrega de trofeos que tivo ser trasladada ao salón de plenos da Casa do Concello, aínda que nun principio a idea da organización pasaba por celebrar a mesma na propia rúa que separa o edificio Consistorial dos Xardíns Campo da Feira.

Este acto estivo presidido polo concelleiro de Deportes de As Pontes, Carlos Castro; o presidente da Federación Galega de Tiro, os representantes do clube Pena da Revolta e membros do equipo de árbitros organizadores do evento.
De feito, todos os intervintes coincidiron nos seus discursos á hora de recoñecer o importante papel, esforzo, mérito e traballo desenvolvido polos membros do Clube Pena da Revolta para poñer en marcha, un ano máis, a proba de tiro de percorridos máis importante do país e que, novamente, non defraudou con exercizos moi complexos tan só aptos para os mellores tiradores do país que, esta pasada fin de semana, estiveron en As Pontes.

Resultados
Categoría Open Masculino – Feminino:
1º.- Jorge Ballesteros 1ª Pilar Fernández Moreno
2º.- Iván Espilez Urbon 2ª Rakel Malanda Ruíz
3º.- Javier González Pérez 3ª Cristina Barros Gussoni

Categoría Estándar Masculino – Feminino:
1º Juan Carlos Jaime Díaz 1ª Concepción Pérez Gil
2º Gabriel Pitarch García 2ª Meritxell Ortega Pérez
3º David Martínez Viñuelas 3ª Yenni Mariella Ricchi Salas

Categoría Producción Masculino – Feminino:
1º Eduardo De Cobos Abreu 1ª Matilde Veguillas García
2º José Vicente Pérez Baz 2ª Marja – Leena Vapanen
3º Fco. Javier Salvador Esparza 3ª Verónica Estiguín García

Categoría Modificada Masculina
1º Antonio García Infantes
2º Carlos Soler Alberola
3º Francisco José Cerdán Pérez

Por federacións os títulos de Open e Estándar foron para a Federación de Castela A Mancha, o título de Modificada recaeu na Federación Valenciana e en Producción impúxose a Federación Canaria.
Por equipos, os títulos de Open e Estándar foron para a Asociación Deportiva da Dirección Xeral da Policía (A.D.D.G.P). En categoría Modificada o trunfo foi para o equipo de Tiro Olímpico de Elche e en Producción gañaba o equipo canario de J.C.E.F.G.C. Producción.

Susana Seivane e The Homens actuarán en As Pontes gracias ao programa Galicia é Música

2011-09-12T06:14:00.001-07:00

• O Auditorio Municipal Alovi acollerá estes dous concertos que terán un prezo de tres euros

As Pontes, 12 de Setembro de 2011.-
O Concello de As Pontes albergará, durante este mes, dous dos concertos incluídos no programa Galicia é Música, posto en marcha pola Consellería de Cultura co fin de conmemorar o ano da música na comunidade galega e, deste xeito, render unha homenaxe á música galega e á industria musical de Galicia.

Así ata As Pontes desprazaranse o grupo pop The Homens e a gaiteira Susana Seivane. A formación santiaguesa presentarase no escenario do auditorio municipal Alovi o 23 de setembro, cun repertorio marcado polos sons de finais dos anos 70, o hardcore dos 80 e o pop británico das últimas décadas.

LeRoi, Martín Wu e o batería pontés Xocas integran esta formación que xa conta con máis de seis anos de traballo, 200 concertos e varias publicacións coma Cuarta Potencia, The Homens vs. Samesugas ou #1.

Este concerto arrincará ás 21.00 horas e o prezo das localidades será de 3 euros podendo adquirirse a mesma semana da actuación na billeteira do auditorio municipal Alovi.

Mesmo prezo terá o concerto de Susana Seivane que se celebrará o día 30 de setembro ás 21.30 horas tamén no Alovi.

A gaiteira traerá ata o escenario pontés os temas de Os soños que volven, o seu derradeiro album e que serviu para conmemorar a década xa cumprida do seu primeiro traballo discográfico.

Esta recompilación de temas populares que a gaiteira galega escolleu para rememorar os seus inicios no mundo da gaita encherá o Alovi de sons do máis tradicionais pero cun toque moi moderno, propio das composicións de Susana Seivane.

Para obter máis información sobre estes concertos será posible consultar a páxina web municipal www.aspontes.com onde se darán a coñecer os horarios de apertura das billeteiras para facerse cunha localidade para estes recitais.

A VIII FEIRA MEDIEVAL DE AS PONTES PÉCHASE CON GRAN NÚMERO DE ASISTENTES MALIA O MAL TEMPO

2011-09-12T06:12:00.001-07:00

A oitava edición da Feira Medieval pontesa pechábase onte logo de dous días nos que se sobrepuxo a todas vicisitudes dunha convocatoria que se atopou co mal tempo e a premura na organización en tan só quince días.

A cita co medievo pechaba finalmente cun éxito de asistencia, e dende a organización, tanto canto ó Concello como á Asociación Profeira medieval, estimouse que o número de visitantes foi semellante ou mesmo superior ao do pasado ano,

Este éxito de convocatoria da Feira Medieval non pode agachar que tivo os seus puntos negativos, con non poucos postos que tiñan feita a reserva e que finalmente non se montaron, e coas dificultades para manter un programa que precisaba de mellor climatoloxía para o seu desenvolvemento ó ar libre.

Malia estas circuntancias inevitables, os detalles negativos no acadan a escurecer o máis mínimo o espectáculo que esta fin de semana puidemos vivir na nosa vila.

Dende a mañá do sábado, e ben cedo, fixo acto de presenza a chuvia que obrigou a cambiar algunhas cousas no programa.

O Pregón si se puido celebrar case puntualmente cun texto que chegou polo air no peteiro dunha das aves rapaces que nos visitaron estes dous días.

Logo daríalle lectura o seu autor: Xavier Martínez, que lembrou o 2004, cando se comezaba con esta iniciativa.

Dicía que non era de xustiza que outros lugares, con menor pasado medieval que As Pontes, tomaran a dianteira e a iniciativa de celebrar un mercado medieval, e que As Pontes se acomplexara neste senso.

Logo do pregón deuse o início ao mercado e ás diferentes e variadas actividades, que volveron demostrar que esta cita non deixa de seducir a veciños e visitantes.

Ao longo da fin de semana milleiros de persoas volveron a desfilar polas vellas rúas do casco histórico para presenciar pasarrúas, curiosear nos postos, comer entre a numerosa oferta gastronómica ou tomar unha copa nun ambiente francamente distinto.

As exhibicións das rapaces, o teatro, e as loitas de cabaleiros volvían garantir un ano máis un alto grao de interacción cun público que ás tardes se animou a disfrutar das treguas que concedía a chuvia.

Agora tocará dilucidar se se leva adiante o troco de data para o vindeior ano, en que a feira vai seguir, pero se plantexa facela no mes de xuño