21/2/15

Servizos Sociais impulsará un novo proxecto de fomento da boa nutrición dos máis novos ao abeiro do Programa Municipal de Reforzo Educativo

Mediante actividades lúdico-deportivas, merendas saudables para infantes e adolescentes, e charlas coas familias buscarase transmitir a importancia dunha correcta nutrición e de hábitos saudables para previr futuros trastornos neste colectivo As Pontes, 21 de Febreiro de 2015.- O Concello de As Pontes, mediante o departamento de Servizos Sociais, levará a cabo nas vindeiras semanas un proxecto de nutrición e saudabilidade coas familias participantes no Programa Municipal de Reforzo Educativo, co que se buscará facer fincapé nunha boa nutrición dos máis novos para evitar problemas de concentración e rendemento no terreo académico. A iniciativa, denominada “Ensina e aprende a comer. Ensina e aprende a medrar”, estará composta por unhas xornadas cos menores baseadas en xogos deportivos e actividades de lecer, coas que se buscará transmitirlles a necesidade de levar unha dieta correcta co obxectivo tamén de previr hábitos alimentarios nocivos, tal e como apuntou o edil do ramo, José Alén. O concelleiro de Servizos Sociais tamén apuntou que este programa tamén traballará coas familias destes rapaces e rapazas, mediante unha serie de charlas e coloquios nos que se pretenderá insistir nestes conceptos, concienciando na necesidade de que os seus fillos e fillas conten cunha boa nutrición e adaptando a situación económica de cada núcleo familiar ás necesidades dos nenos e nenas. E é que, tal e como explicou o edil, a pesares de dispoñer de recursos limitados, é totalmente posible acceder a unha alimentación equilibrada xa que, á hora de realizar unha compra saudable, non o que ten o valor nutritivo máis alto é o máis caro. De feito, durante este programa de fomento da boa nutrición tamén se dotará ás familias das ferramentas precisas para establecer outro tipo de conductas saudables como o establecer horarios e rutinas, o fomento do exercizo físico ou as combinacións máis correctas e axeitadas de alimentos saudables. Un dos principais piares deste programa serán as merendas saudables que se distribuirán entre os nenos e adolescentes que participan no programa municipal de reforzo educativo, durante o mes de febreiro e tamén marzo, medida que tamén permitirá colaborar coa economía familiar dos participantes. De feito, José Alén deu conta de cómo a crise influíu negativamente na alimentación dos máis novos, de ahí que se optase por apoiar esta iniciativa, e é que, tal e como apuntou o edil " unha mala alimentación pode causar, a longo prazo, importantes doenzas e transtornos nos máis pequenos". Finalmente, o concelleiro de Servizos Sociais deu conta da intención do seu departamento de continuar con esta liña de traballo e con futuras iniciativas dirixidas a botar unha man a aquelas familias pontesas que, por mor da crise, están a atravesar unha situación económica complicada.

19/2/15

Xuventude propón actividades para os máis novos que permitan a conciliación da vida laboral e familiar durante as mañás de sábado

O Concello de As Pontes vai reeditar, dende este sábado, o seu programa de conciliación da vida laboral e familiar para as mañás da fin de semana. Novamente será a concellería de Xuventude a que se encargue do desenvolvemento deste programa e que deixa a Casa de Don Pedro para trasladarse ata o soto da Casa Dopeso. Alí, cada sábado, as monitoras do espazo infantil Picariños dirixirán diferentes obradoiros e actividades para nenos de entre 2 e 10 anos de idade e cuios pais e nais deban traballar durante a mañá ou ben teñan que atender ás súas obrigas domésticas. Todo un respiro para aquelas familias que non teñen con quen deixar aos seus pequenos os días que non hai escola. Para esta primeira xornada, dende a concellería que dirixe Jesús Tembrás apostouse por obradoiros e diferentes xogos que arrincarán ás 9.00 horas e que se desenvolverán, gratuitamente, ata as 13.30 horas ata o 23 de maio. Coma sempre haberá prazas limitadas, sendo necesario que cada pequeno ou pequena que desexe participar se inscriba a mesma xornada na que acuda a estes obradoiros.

16/2/15

A XXXV Feira do Grelo de As Pontes logra reunir a centos de visitantes malia a mala climatoloxía

Veciños e visitantes desafiaron onte á chuvia para desfrutar polas rúas do casco urbano da 35ª edición da Feira do Grelo de As Pontes. Unha cita que, ao igual que o pasado ano volvía estar marcada polo mal tempo pero que, aínda así, non mermou a calidade e gran oferta cultural da xornada. O departamento municipal de Cultura volvíase poñer á fronte dun evento xa máis que consolidado no antroido pontés e que respondía ás expectativas a nivel de actividades e participación e é que nin a chuvia puido augar a festa, tal e como apuntaba a concelleira Sara Ramos. Novamente, dende a concellería de Cultura se optaba pola tradición á hora de idear actividades e incluso de apostar polo menú que, a xuízo da organización, é o que mellor funciona neste tipo de eventos. Exposicións de artesanía con torneiros, tecedoras ou selleiros do colectivo de Artesáns do Eume, mostras coma a adicada a Fernando Vérez ou a Jonás Álvarez ou productos da comarca coma o mel ou o queixo da Faeira tamén tiraron de atractivo para que moitos se animasen a coller o paraugas e saír a desfrutar deste domingo de antroido e incluso da música que asolagou cada recuncho do centro urbano, coas actuacións de charangas ou bandas locais como Alfaia. Un dos grandes atractivos da feira do grelo volvía ser o certame de cestas, unha cita na que se xuntaron un total de 62 productores de As Pontes, Vilalba, Xermade, Ferrol ou As Somozas, que trouxeron ata a nosa vila o mellor das súas terras. Por segundo ano consecutivo, o Mercado de Abastos volvía ser o escenario perfecto para esta cita na que cestas con grelos de alta calidade se mesturaron coa imaxinación dos concursantes que, ano tras ano, dan conta do importante proceso de creación e traballo que leva cada unha das propostas que participan nesta cita. Nesta ocasión, os encargados de emitir o seu xuízo foron José Luis Castro como representante dos empresarios; Teresa González en representación do sector labrego e o edil de Medio Rural, Antonio Castro, que ao mediodía tamén se encargaron de presidir, xunto co alcalde de As Pontes, Valentín González Formoso, e os seus compañeiros de goberno, a tradicional entrega de premios. Os 300 euros da cesta mellor engalanada foron para Luz Divina Alonso de Espiñaredo. Segunda nesta categoría foi Eva Garrido, de Monfero, que levou un premio de 200 euros e terceira Ana Isabel Pico, de As Pontes, que se fixo cos 100 euros cos que está dotado o terceiro premio. No tocante á calidade do grelo, o primeiro lugar e os 300 euros foron para a pontesa Digna Franco, que tamén recibía o primeiro premio Alexandre Pérez Sindín, namentras que segunda foi outra xa coñecida deste certame, Josefa Basoa, de Espiñaredo. O premio de 200 euros co que estaba dotado o terceiro lugar foi para Mari Luz Vázquez de Xermade e os tres accesits de 60 euros recaeron en Telmo Carballeira de Xermade, Josefa Filgueiras do Aparral e Andrea Carballo dos Loureiros. Pero ademáis do certame de cestas, o segundo aliciente da xornada foi, unha vez máis, a degustación popular da que este ano se elaboraron 400 racións que ou ben se podían desfrutar no propio patio de Santa María ou xa ao quentiño do fogar. Sopa de cocido, cocido completo, mel e requeixo integraron o xantar popular que, novamente foi cousa de Catering Ferrolterra e que algúns tamén complementaron cos saborosos freixós que, dende as seis da mañá, estiveron a preparar os veciños do colectivo Beira do Eume, na xigantesta freixoieira municipal e que, un ano máis, rexistrou longas ringleiras integradas por xiareiros deste saboroso postre típico do antroido galego e que non se querían perder a oportunidade de levar para as súas casas tan suculento manxar. Así, con boa comida, gran participación e por suposto con moito sabor a antroido se pechaba esta mañá de grelos, festas, disfraces e multitude de actividades de todo tipo coas que, un ano máis, o concello de as pontes quixo homenaxear ao sector agrícola da zona e, por suposto, tamén a Don Carnal.

O Concello de As Pontes designa un premio da Feira do Grelo como homenaxe á figura dun dos seus fundadores Alexandre Pérez-Sindín

O goberno pontés rendeu onte homenaxe a Alexandre Amador Pérez-Sindín Fraga, un dos ideólogos da Feria do Grelo de As Pontes a principios dos 80 e que, o pasado ano, nos deixaba. O executivo local, co alcalde á fronte, quixo renderlle homenaxe a esta figura e, por este motivo, onte mesmo se celebraba unha simbólica e emotiva homenaxe á súa persoa. Ao acto asistiton a súa viuva Toñina, ademáis dun dos seus fillos e moitos familiares, amigos e representantes do tecido asociativo local que quixeron tamén recordar a este veciño. De feito, o primeiro edil facía especial fincapé na calidade humana de Pérez-Sindín ao que definiu coma unha axenda con patas, un sabio cunha gran preocupación pola súa terra e a súa historia e que dividía o seu amor entre a terra que o viu nacer: a Mariña Lucense e o seu municipio de adopción: As Pontes. E é que figuras como Pérez-Sindín fan digna a nosa vila, segundo apuntou González Formoso no seu discurso co que daba paso á súa viuva. Toñita resumiu nun sentido grazas esta homenaxe ao seu finado esposo e que se completou coa entrega dunha praca conmemorativa, un ramo de flores e a designación, unha vez se aprobe en pleno, do primeiro premio Alexandre Pérez-Sindín á calidade do grelo, dotado con 300 euros e unha figura elaborada por un artesán pontés, neste caso unha sella de Andrés Otero e coa que foi recompensada Digna Franco como gañadora do certame de cestas deste ano. A foto de familia serviu como colofón a tan sentida e agarimosa homenaxe

As Pontes homenaxea a figura de Fernando Vérez cunha mostra do seu traballo co torno

Un dos principais alicientes que trae consigo cada edición da Feira do Grelo é a aposta expositiva coa que, cada ano, nos sorprenden dende o departamento municipal de Cultura. Este 2015 non ía ser menos e por iso, dende esta fin de semana e ata que remate o mes de febreiro teremos a opción de desfrutar de dúas coleccións de obras tan distintas como atractivas. A primeira delas abría as súas portas xa na tarde do venres nas dependencias do Mercado Vello. Ata alí se desprazaron familiares, amigos e veciños do torneiro pontés Fernando Vérez, que nos deixaba o pasado ano, por mor dun cancro. A súa obra co torno pero tamén a súa pegada como persoa merecían un recoñecemento á altura e de ahí que moitos fosen os que non se querían perder a apertura da Beleza do Torneiro, unha colección de elementos en madeira torneada, fotografías e vídeos con Fernando coma protagonista. A súa filla María, amigos coma José Luis Bernat e, por suposto as autoridades locais na figura do alcalde de As Pontes, Valentín González Formoso, e a edil de Cultura, Sara Ramos, exerceron como mestres de ceremonias nunha sentida homenaxe na que, por riba do seu bo facer co torno, estaba a súa gran calidade humana e o seu esforzo e traballo por facer do torneado da madeira toda unha arte a nivel nacional, de ahí que tamén entre os presentes se contase con algún torneiro amigo vido dende outros puntos do país. Máis dunha trintena de pezas vidas de diferentes partes de toda España elaboradas en madeira de buxo, nogueira, granadillo ou freixo; esculturas que a día de hoxe continúan na casa da súa familia ou instantáneas que recollen outras figuras torneadas polo artista pontés forman parte desta fermosa mostra na que as cores, as formas e o deseño son toda unha delicia para a vista. A Beleza do Torneiro xa contou nestes primeiros días de apertura con multitude de visitas pero para aqueles máis rezagados lembrarlles que terán ata o 27 deste mes para desfrutar gratuitamente desta colección de pezas do gran Fernando Vérez, os luns e sábados de 11.00 a 13.00 horas e de martes a venres, entre as 18.00 e as 19.30 da tarde. E dunha mostra que se inauguraba o venres a outra que onte abría as súas portas e na Casa Dopeso. Trátase da colección de instantáneas Rutinas de Outono, de Jonás Álvarez, todo un artista tras do visor á hora de captar co seu obxectivo eses momentos máxicos da chuvia e da meteoroloxía da nosa terra e que lle valeron ser o escollido, este ano, como autor do cartel anunciador da nosa Feira do Grelo. De feito, esa misma instantánea tamén se atopa entre as diferentes propostas fotográficas elaboradas con diferentes técnicas por este gran artista local e que poderemos visitar tamén ata finais de mes, e gratuitamente na Casa Dopeso. A traverso de paisaxes, curiosos retratos e instantáneas nas que obxecto tan cotiáns coma un paraguas pode cobrar vida; Jonás Álvarez danos conta da súa particular visión da estación da chuvia, do vento e da caída das follas; unha época na que os tonos marróns asolagan cada recuncho para os demáis pero que se converten nun auténtico caleidoscopio colorista para este artista e a súa inseparable cámara e que non deberiamos deixar de visitar.

15/2/15

A parella Dolce Vita de Barcelona adxudícase o primeiro Mundialito de Futbolín de As Pontes

O evento, organizado pola concellería de Xuventude, contou con máis de 110 parellas de todos os puntos do país As Pontes, 15 de Febreiro de 2015.- As Pontes convertiuse onte na capital nacional dun dos xogos de mesa máis atractivos para novos e adultos e é que, o municipio pontés albergou a primeira edición do Mundialito de Futbolín de As Pontes, unha competición que se estreaba no circuíto nacional e con moi bos resultados xa que o número de inscritos superaron os 110, con procedencias tan dispares como Galicia, Cantabria, Asturias ou Cataluña. O Concello de As Pontes, mediante o departamento municipal de Xuventude, apostou por esta interesante á par que novidosa competición e na que tamén se contou coa organización de Xogos 3 Meigos e Mundofutbolín.com. Durante toda a xornada, veciños, curiosos e, por suposto, xiareiros deste xogo se achegaron ata o patio do Colexio Santa María para desfrutar das diferentes partidas que se desenvolveron ata preto da medianoite e que se dividiron en tres categorías e unha cuarta dirixida a competidores locais. No tocante aos resultados, a victoria na primeira categoría foi para a parella Dolce Vita, de Barcelona que, na final derrotou a Nevado e Israel; terceiros foron Ferrán e Hector e a Federación Pontesa remataba nun positivo quinto lugar desta categoría. En segunda división venceron Zipi y Zape a Pub Tibor3, terceiros foron Punto R e cuartos Johny e Manuel. Na terceira categoría a victoria foi para Clito Sport, seguido de Pub Tibor 2. Terceiros foron Lisardo e Jonathan e cuartos Francisco e Manolo, e na competición local, na que houbo un total de 15 parellas inscritas impoñíase o equipo Borea Borea na final ao RS. Terceiros foron Borja e Iván e no cuarto posto remataron Pedro e J.Manuel. Os gañadores repartíronse non só suculentos premios económicos que foron dos 40 aos 1.600 euros senón tamén trofeos e medallas, premios que se repartiron nunha cerimonia que se celebrou coa medianoite e que estivo presidida polos edís de Xuventude, Jesús Tembrás; Obras, Antonio Lourés; e Seguridade, Eladio Bouza.

14/2/15

O Concello de As Pontes fomentará a igualdade na XXV edición da Carreira de San Xosé

A vixésimo quinta edición da popular carreira de San Xosé vai contar este ano cun compoñente solidario. Dende o Concello de As pontes, a traverso da Concellería de servizos Sociais decidíase apoiar esta cita deportiva invitando á concienciación social en prol da igualdade. Á carreira popular que congrega a moitos e renomeados atletas vai contar este ano cunha novidade importante, coa iniciativa pola que apostou a concellería que dirixe José Alén, e que se denominará primeira edición de Corre por elas. Paralelamente á disputa desta cita atlética celebrarase unha andaina de tan só 3 kms, coa intención de que sexa masiva e aberta á participación de homes e mulleres de todas as idades. O prezo íntegro da inscrición, que serán tres euros, destinarase a Almat, unha Asociación contra os malos tratos, que traballa na comarca de Ferrolterra dando cobertura psicolóxica, social, e xurídica a víctimas de malos tratos, de xeito gratuito. O Concelleiro José Alén espera unha grande resposta: “A ninguén se lle escapa o nivel de implicación coas causas solidarias que ten a poboación pontesa, e inspirados na espectacular participación de máis de 400 veciñas nosas na última carreira da muller celebrada en A Coruña. Cremos que esta pode ser unha boa ocasión de sair facer unha actividade física apoiando unha boa causa. A cercanía da data do 8 de marzo,e o programa de sensibilización que desenvolveremos neses días, levounos a plantexar esta iniciativa que incide no obxectivo de converter e As Pontes nun referente comarcal no apoio ás causas pola igualdade”. Dende o Clube Atletismo Olympo, organizador da proba, acolleuse moi ben este proxecto e sumarase a unha carreira que sairá ás 11 da mañá do circuito deseñado no parque de A Fraga e que contará con todas as categorías e distancias que van dos pouco máis dos 300 metros dos máis pequenos ós máis de 6 kms da carreira bsoluta. Debemos apuntar tamén que se habilitarán uns dorsais solidarios, por valor de 5 € para todos aqueles que non teñan a oportunidade de poder estar o día 15 de Marzo, pero desexen colaborar coa Asociación ALMAT, inscribíndose na páxina da federación galega de atletismo www.carreirasgalegas.com, www.atletismoolympo.wordpress.com ou nas oficinas do pavillón municipal de As Pontes, en horarios de 8 a 15, e ata o día 12 de Marzo.

O Concello de As Pontes conmemorará o Antroido coa celebración, o domingo, da XXXV Feira do Grelo

Como novidade para este ano, o executivo local renderá homenaxe a un dos fundadores desta cita: Alexandre Pérez-Sindín As Pontes, 13 de Febreiro de 2015.- O Concello de As Pontes vestirase este domingo de antroido para celebrar, un ano máis, a súa tradicional Feira do Grelo; unha cita que celebrará a súa 35ª edición e que virá ateigada de múltiples actividades pero tendo a tradición como principal eixo central. O programa deseñado pola concellería de Cultura abrirase co tradicional certame de cestas que, por segundo ano consecutivo se traslada ao Mercado de Abastos. Entre as 8.00 e as 10.00 horas os participantes deberán presentarse neste lugar para que as súas cestas poidan ser numeradas pola organización e, deste xeito, entren en concurso. Os premios serán os habituais xa que un xurado valorará non só as cestas con mellores madas de grelos senón tamén aquelas máis orixinais entre as que se repartirán premios de entre 60 e 300 euros. Ata as 11.00 horas o xurado valorará todas as propostas e as non premiadas poderán ser postas á venda, xunto con artigos como mel e queixo da comarca, empanadas ou pan e que tamén terán o seu lugar no propio Mercado de Abastos. Asemade, durante a mañá tamén será posible desfrutar doutro tipo de actividades coma a exposición de artesanía e de productos do Eume que quedará instalada na rúa Ramón Cabanillas ou da mostra de fotografía Rutinas de Outono de Jonás Álvarez e que poderemos visitar nas dependencias da Casa Dopeso. Por suposto o torneado de madeira volverá ser todo un aliciente para desfrutar da mañá de domingo co traballo dos Amigos da Madeira que contarán tamén co seu lugar de traballo na rúa Ramón Cabanillas aínda que, este ano, o gran protagonista será o torneiro Fernando Vérez ao que se lle adicará unha mostra do seu traballo e da súa vida nas dependencias do Mercado Vello; unha homenaxe do máis merecida. A música asolagará as rúas do centro urbano coas actuacións de diferentes grupos locais e, por suposto, tamén haberá un importante espazo para a gastronomía propia destas datas coa degustación popular de cocido que arrincará ás 12.30 horas e que terá como escenario o patio do Colexio Santa María. Para este ano, dende a concellería de Cultura volvíase apostar pola empresa Catering Ferrolterra que servirá 400 racións de sopa, cocido tradicional, requeixo da Faeira e mel de Goente a un prezo de 10 euros. Toda unha aposta polo típico destas datas e que sempre funciona. Non faltarán os freixós que se poderán adquirir, como é habitual, na freixoeira que se instalará diante do patio do Colexio Santa María e que, coma sempre terán un prezo de 1 euro por cada tres unidades. Asemade, tamén será posible achegarse ata a Casa do Mel de Goente ou ata o Museo Etnográfico de Monte Caxado que estarán abertos para recibir a todos os visitantes que tamén se decidan a pasar por estas dependencias na xornada de domingo; e xa como peche do día nada mellor que desfrutar do humor, da ironía e por suposto da inspiración e boas letras das comparsas que participarán na XII edición do Festival de Comparsas Vila de As Pontes. O Auditorio Municipal Alovi acollerá este certame que arrincará ás 18.30 horas e no que se premiarán ás formacións que realicen a mellor actuación, a que conte con mellores letras e a que teña o mellor vestiario. Homenaxe a Alexandre Pérez-Sindín A xornada do domingo de Antroido nas Pontes tamén contará cunha novidade e é que, ademáis da homenaxe ao torneiro Fernando Vérez, o executivo local quixo tamén aproveitar estas datas para lembrar a figura dun dos promotores da primeira Feira do Grelo: Alexandre Amador Pérez-Sindín Fraga. Así as cousas, ás 11.30 horas do mesmo domingo de Antroido está previsto que se celebre na Casa do Concello un acto de homenaxe coa súa familia na que se recoñecerá públicamente a súa aportación na xénese da que foi a nosa primeira festa gastronómica, e entregarase unha placa de agradecemento. O acto será aberto a toda a poboación. Asemade, dende este ano instaurarase un premio co seu nome no certame de cestas e que será o galardón á maior calidade do grelo e que pasará a denominarse Premio Alexandre Pérez-Sindín.

13/2/15

Os propietarios das fragas do eume reuniranse o vindeiro martes en As Pontes.

Todos os propietarios de terreos hubicados no parque natural das fragas do eume están convocados a una reunión urxente o martes 17. A Xuntanza esta prevista para as 11 da maña no auditorio Alovi.A importancia que teñen os temas a tratar fai que cobre maior relevancia a presenza de todos os afectados.

Maña celébrase en As Ponteso primeiro Mundialito de Futbolín de As Pontes

O evento, organizado pola concellería de Xuventude, arrincará ás 11.00 horas no patio do Colexio Santa María As Pontes convertirase este sábado na capital dun xogo de mesa tan atractivo e popular como é o futbolín e é que, grazas o departamento municipal de Xuventude, o concello pontés albergará a primeira edición do Mundialito de Futbolín Concello de As Pontes. Un cento de parellas xa confirmaron a súa inscrición para unha proba na que o espectáculo está máis que garantido con grandes xogadores a nivel nacional que virán dende Castela e León, Asturias, Cataluña ou Cantabria co obxectivo de alcanzar as roldas finais e loitar polos suculentos premios que se repartirán nesta cita. Asemade, haberá representación local cunha categoría tan só dirixida aos ponteses e pontesas e na que xa están anotadas oito parellas. O sábado, dende as 11.00 horas, na carpa ubicada no patio do colexio Santa María será posible desfrutar das diferentes eliminatorias nas tres divisións que inclúe esta competición, ao que se suma tamén o campionato local, e é que todos aqueles veciños e visitantes que así o desexen poderán achegarse ata este emprazamento para desfrutar das diferentes partidas programadas para a xornada. Para a posta en marcha desta importante competición o Concello de As Pontes conta tamén co respaldo e organización de Xogos 3 Meigos e Mundofutbolín. Asemade, segundo explicaron dende a propia concellería de Xuventude, habilitaranse un total de 16 mesas de xogo nas que se irán desputando as diferentes partidas de xeito ininterrompido ata que, xa á noite, teñan lugar as finais de cada categoría e a correspondente entrega de premios e na que se repartirán trofeos, medallas e tamén premios en metálico que irán dos 40 aos 1.600 euros. Dende o departamento de Xuventude, o seu edil Jesús Tembrás animou a veciños e visitantes a pasarse este sábado por As Pontes para vivir unha competición única na comarca e na que, a xuízo do concelleiro, será posible desfrutar de auténticos meigos á hora de manexar as barras e a eses pequenos futbolistas ideados en 1937 polo fisterrán Alexandre Campos .

12/2/15

Un cento de parellas de toda España participarán o sábado no primeiro Mundialito de Futbolín de As Pontes

O evento, organizado pola concellería de Xuventude, arrincará ás 11.00 horas no patio do Colexio Santa María As Pontes, 12 de Febreiro de 2015.- As Pontes convertirase este sábado na capital dun xogo de mesa tan atractivo e popular como é o futbolín e é que, grazas o departamento municipal de Xuventude, o concello pontés albergará a primeira edición do Mundialito de Futbolín Concello de As Pontes. Un cento de parellas xa confirmaron a súa inscrición para unha proba na que o espectáculo está máis que garantido con grandes xogadores a nivel nacional que virán dende Castela e León, Asturias, Cataluña ou Cantabria co obxectivo de alcanzar as roldas finais e loitar polos suculentos premios que se repartirán nesta cita. Asemade, haberá representación local cunha categoría tan só dirixida aos ponteses e pontesas e na que xa están anotadas oito parellas. O sábado, dende as 11.00 horas, na carpa ubicada no patio do colexio Santa María será posible desfrutar das diferentes eliminatorias nas tres divisións que inclúe esta competición, ao que se suma tamén o campionato local, e é que todos aqueles veciños e visitantes que así o desexen poderán achegarse ata este emprazamento para desfrutar das diferentes partidas programadas para a xornada. Para a posta en marcha desta importante competición o Concello de As Pontes conta tamén co respaldo e organización de Xogos 3 Meigos e Mundofutbolín. Asemade, segundo explicaron dende a propia concellería de Xuventude, habilitaranse un total de 16 mesas de xogo nas que se irán desputando as diferentes partidas de xeito ininterrompido ata que, xa á noite, teñan lugar as finais de cada categoría e a correspondente entrega de premios e na que se repartirán trofeos, medallas e tamén premios en metálico que irán dos 40 aos 1.600 euros. Dende o departamento de Xuventude, o seu edil Jesús Tembrás animou a veciños e visitantes a pasarse este sábado por As Pontes para vivir unha competición única na comarca e na que, a xuízo do concelleiro, será posible desfrutar de auténticos meigos á hora de manexar as barras e a eses pequenos futbolistas ideados en 1937 polo fisterrán Alexandre Campos .

O break dance protagoniza os recreos nos institutos ponteses da man dun obradoiro auspiciado polo departamento municipal de Xuventude

Os alumnos dos institutos Moncho Valcarce e Castro da Uz cambiaron hoxe as súas habituais conversas de recreo e xogos por unha actividade do máis atractiva e sorprendente, e é que os libros deixaron paso ás incríbles cabriolas e coreografías dos monitores de break dance da Asociación Vella Escola. Tres dos integrantes deste colectivo, co seu presidente Pablo Castiñeira á cabeza, visitaron hoxe As Pontes para compartir cos nosos estudantes a beleza e espectacularidade das coreografías que se poden desenvolver ao abeiro desta disciplina de baile e, ao mesmo tempo, para promocionar as clases de break dance que, dende hoxe e ata o vindeiro mes de maio, se impartirán gratuitamente no concello. A iniciativa conta coa organización da Concellería de Xuventude, coa colaboura do Espazo Infantil Garabatos, e precisamente, o seu máximo responsable, Jesús Tembrás, tamén se achegou ata os diferentes centros educativos ponteses para desfrutar deste espectáculo e, por suposto, para animar á mocidade a sumarse a este obradoiro de break. Xa á tarde e coa Casa Dopeso como escenario arrincaban as primeiras clases aínda que, polo momento, o prazo de inscrición para sumarse a esta actividade continúa aberto. De feito, as clases desenvolveranse todos os xoves en tres quendas: de 17.00 a 18.00 horas o grupo dirixido a maiores de 15 anos; de 18.00 a 19.00 horas será o turno dos rapaces e rapazas de entre 6 e 10 anos e xa dende as 19.00 horas e ata as 20.00 horas as clases irán dirixidas a estudantes de entre 11 e 15 anos. Para os interesados en anotarse, lembrarlles que se poden inscribir na oficina municipal de información xuvenil, no primeiro andar da Casa Dopeso, en horario de 9.00 a 15.00 horas ou ben telefonando ao 981 44 03 44. As prazas serán limitadas a 15 alumnos por grupo.

11/2/15

A Concellería de Servizos Sociais impartirá un cursos de preparación para a obtención das Competencias Clave

25 ponteses e pontesas, desempregados e que carezan de Estudos Secundarios poderán participar nestas clases gratuítas As Pontes, 11 de Febreiro de 2015.- O Concello de As Pontes, mediante o departamento de Servizos Sociais, ofrecerá dende finais deste mes de febreiro clases preparatorias dirixidas a superar as probas de avalación de competencias clave, convocadas pola Xunta de Galicia para a realización de cursos oficiais e homologados con Certificado de Profesionalidade de Nivel 2. Dende a concellería que dirixe José Alén decidiron apostar por este recurso formativo que ten como prinicipais destinatarias a todas aquelas persoas que non puideron, no seu día, acadar o Graduado Escolar ou o título en Educación Secundaria pero que buscan unha saída formativa que lles permita acceder máis facilmente ao mercado laboral. De feito, estas probas son máis sinxelas que as necesarias para obter os títulos de E.S.O ou Graduado Escolar e permiten lograr incluso o acceso aos Certificados de Profesionalidade. E é que, tal e como apuntaba o edil, mediante estas probas é posible contar cunha acreditación oficial da Xunta de Galicia dun xeito máis asequible para eses colectivos que teñen máis dificultades de acceder ao mercado laboral por mor da súa falla de titulación. Segundo explicou Alén, esta iniciativa formativa ten como principais destinarias a persoas empadroadas en As Pontes, inscritas como demandantes de emprego no Servizo Público de Emprego de Galicia e tamén na bolsa de emprego municipal, sen estudos e con dificultades para a inserción laboral. As clases arrincarán o vindeiro día 23 e desenvolveranse por un período de tres meses, de luns a xoves, en horario de 09.30 a 13.30 horas. Por suposto, serán clases gratuítas que terán como escenario as dependencias da Casa Dopeso. No tocante aos contidos, a materia dividirase en catro módulos formativos (matemáticas, lingua galega, inglés e lingua castelá) e contarase cun máximo de 25 alumnos. Para inscribirse os interesados deberán achegarse dende mañá xoves e ata o vindeiro día 19 á concellería de Servizos Sociais, no segundo andar da Casa Dopeso en horario de 09.00 a 15.00 horas e alí cubrir o pertinente formulario e facer entrega dunha fotocopia do D.N.I e do certificado do SPEG do tempo que leva en desemprego. Asemade, para aclarar calquer tipo de dúbida tamén será posible telefonar ao 981 44 10 08 ou ben ao 667 129 335. Outras iniciativas formativas para adultos Ademáis deste curso preparatorio, a Concellería de Servizos Sociais continuará tamén a ofrecer titorías para aqueles alumnos e alumnas que xa se presentaron ás probas de obtención do título de Educación Secundaria Obrigatoria e que non tiveron éxito nalgunha das materias. De feito, habilitaranse 15 prazas a maiores das 25 das clases de preparación de Avaliación de Competencias Clave, dirixidas a aqueles veciños e veciñas que xa participaron no programa de obtención do título en E.S.O, tamén impulsado dende a Concellería de Servizos Sociais, e aos que aínda lles quedou unha materia específica por superar.

O torneiro Fernando Vérez e o fotógrafo Jonás Álvarez serán os protagonistas das dúas exposicións principais da XXXV Feira do Grelo de As Pontes

Un dos grandes alicientes da Feira do Grelo son as súas exposicións e é que, edición tras edición, ademáis de desfrutar de copiosos xantares, bos freixós ou do certame de cestas; sempre temos a opción de achegarnos á Casa Dopeso ou ao Mercado Vello para visitar importantes mostras vencelladas coa cultura galega, en forma de fotografías ou diferentes representacións de artesanía. Neste 2015 non ía ser diferente e, unha vez máis, o departamento municipal de cultura incluíu na súa aposta para o domingo de antroido dúas atractivas e do máis interesantes mostras: unha delas coas instantáneas de Jonás Álvarez Ramae unha segunda adicada ao gran torneiro Fernando Vérez. A Beleza do Torneiro é o título desta segunda exposición que, ata o día 27 poderemos visitar na sala de exposicións do Mercado Vello e que supón unha máis que merecida homenaxe á vida e obra do torneiro pontés, que nos deixaba o pasado ano. As súas figuras en diferentes tipos de madeira, as súas imaxes en pleno traballo ou incluso vídeos e entrevistas deste gran artista formarán parte desta exposición tan merecida e que abrirá as súas portas o domingo á mañá e coa que non só o propio concello, senón tamén a súa familia e veciños buscan lembrar a gran calidade como artista e como persoa deste pontés con alma de buxo. Xa na Casa Dopeso poderemos atopar as Rutinas de Outono de Jonás Álvarez, responsable do cartel anunciador desta edición da Feira do Grelo, que aglutina nesta colección unha serie de imaxes do máis orixinais e cunha composición que se sae do común. Rutinas de Outono e A Beleza do Torneiro abrirán as súas portas o domingo á mañá e poderemos desfrutar das mesmas de xeito totalmente gratuíto.

10/2/15

A Concellería de Xuventude iniciará o xoves un obradoiro de break dance para a mocidade pontesa

A entidade Vella Escola de Noia será a encargada de impartir estes talleres gratuítos que se desenvolverán durante tres meses As Pontes, 10 de Febreiro de 2015.- O Concello de As Pontes, mediante o departamento municipal de Xuventude, porá en marcha este mesmo xoves un novo programa lúdico para os máis novos. Nesta ocasión, dende a concellería que dirixe Jesús Tembrás, optouse pola cultura urbana, concretamente polo break dance, de ahí que, nos vindeiros tres meses esté previsto que se desenvolva un curso desta disciplina de baile, co que tamén colabora o Espazo Infantil Garabatos. A entidade noiense Vella Escola será a encargada de desenvolver este taller totalmente gratuíto e que contará cun máximo de 45 prazas; unha oportunidade única de aprender cunha das asociacións máis importantes en Galicia adicada á cultura urbana e con múltiples programas de formación e exhibicións en campos tan atractivos para os máis novos coma o mundo do break dance, o grafitti ou o beat box. Varios monitores desta escola serán os encargados de impartir estas clases semanais de tres horas, entre as 17.00 e as 20.00 horas, nas dependencias da Casa Dopeso; clases que arrincarán este mesmo xoves, día 12. Para anotarse tan só é necesario que os interesados teñan máis de 6 anos e se inscriban na Oficina Municipal de Información Xuvenil (OMIX), ubicada no primeiro andar da Casa Dopeso, ou ben telefonando ao 981 44 03 44. Debido ao límite de prazas, éstas cubriranse por rigorosa orde de inscrición.

9/2/15

O Concello de As Pontes pechará o Antroido cunha Cabalgata de disfraces na que se repartirán 2700 euros en premios

As Pontes, 09 de Febreiro de 2015.- O Concello de As Pontes, mediante o departamento municipal de Cultura, abriu hoxe o prazo para anotarse nunha nova edición da Cabalgata de Antroido que, o vindeiro día 17, ateigará de disfraces e inxeniosas indumentarias as rúas máis céntricas do casco urbano. A concellería que dirixe Sara Ramós destinará máis de 2500 euros en premios en metálico e vales canxeables por material escolar e educativo entre as diferentes categorías, tanto de nenos coma de adultos, coas que contará esta cita de antroido. A comitiva partirá dende a avenida de Monte Caxado ás 17.00 horas e pasará polas Avenidas de Ortigueira, Castelao, Galicia e Rosalía de Castro, tendo como punto de chegada o patio do Colexio Santa María, onde se realizará a entrega de premios, unha vez remate a cabalgata. No tocante aos premios, repartiranse un total de 2780 euros ademáis duns contos para os pequenos que participen na categoría de meniños, dirixida a menores de 8 anos. Así as cousas, o mellor grupo de adultos recibirá 400 euros, o segundo 250 euros, o terceiro 150 euros e concederase un accesit d 50 euros. As parellas de adultos repartiranse tres premios de 200, 100 e 75 euros e na categoría individual de adultos haberá tres premios de 100, 50 e 30 euros. Con respecto aos máis pequenos, na categoría de grupos haberá 5 premios iguais de 150 euros cada un en material escolar. As parellas infantís tamén poderán competir por cinco premios de 75 euros en material escolar e os que participen na categoría individual poderán levar un dos cinco premios de 50 euros en material escolar ou xogos educativos que se repartirán durante o concurso. Para anotarse será necesario cumprir cos requisitos habituais. De feito, os interesados en participar terán ata o vindeiro martes ás 13.00 horas para pasarse polo departamento municipal de Cultura, ubicado no segundo andar da Casa Dopeso, e alí cumprimentar o pertinente formulario. Ademáis recibirán un número de participante que deberá estar visible durante a cabalgata para a identificación, por parte do xurado, dos gañadores. Para consultar máis polo miúdo estas bases é posible acceder á web municipal www.aspontes.com ou ben telefonar ao 981 44 03 44.

7/2/15

O Concello de As Pontes abre o luns o prazo de inscrición de agrupacións no XII Certame de Comparsas Vila de As Pontes As Pontes, 06 de Febreiro de 2015.-

O Concello de As Pontes, mediante o departamento municipal de Cultura, abrirá o vindeiro luns o prazo para a inscrición nunha nova edición do Certame de Comparsas Vila de As Pontes, unha humorística convocatoria do máis axeitada para pechar o domingo de antroido e que, o vindeiro día 15, celebrará o seu duodécimo aniversario. Entre o luns e o xoves da vindeira semana, en horario de 10.00 a 13.30 horas, un máximo de sete grupos poderán sumarse a esta cómica cita musical na que, coma sempre, a actualidade política, social ou incluso a vida diaria do municipio pontés serán as protagonistas de histriónicas letras e retrousos. Os requisitos serán os habituais xa que os participantes deberán presentar un mínimo de tres temas en galego, ser un mínimo de dez compoñentes e contar con unidade temática nos seus disfraces aínda que, por suposto, a gracia e simpatía das súas composicións e postas en escea serán un factor do máis importante para alcanzar algún dos premios cos que este ano se galardoará ás mellores agrupacións. Coma cada ano repartiranse 3.200 euros entre as agrupacións participantes a razón de 650 euros para as formacións locais e 350 ás foraneas, que ademáis de participar neste festival deberán poñer a música tamén á Cabalgata de Antroido que terá lugar xa o martes día 17. Ás 18.30 horas o auditorio municipal Alovi acollerá esta gala que será de entrada gratuíta e na que, ademáis de premios económicos tamén se galardoará á agrupación coas mellores letras, a que protagonice a mellor actuación e a que conte co mellor vestiario. Para aclarar calquer tipo de dúbida ao respecto deste concurso, as formacións interesadas en sumarse a esta cita poden telefonar ao departamento municipal de Cultura, no 981 44 03 44, ou ben acceder ás bases do certame que se atopan expostas na propia web municipal, no enderezo www.aspontes.com.

Xuventude organiza un curso de Break Dance gratuíto para 45 rapaces e rapazas de As Pontes

A Concellería de Xuventude está a traballar nunha nova iniciativa dirixida ao público máis novo e é que, dende o departmento que dirixe Jesús Tembrás van apostar por unha actividade tan atractiva como vistosa como é o break dance. O obxectivo é impartir un obradoiro desta disciplina artística durante tres meses e xeito totalmente gratuíto da man da entidade Vella Escola, dirixida á organización de diferentes actividades vencelladas coa cultura urbana coma o break dance, o grafitti ou o rap. Un monitor desta escola será o encargado de impartir clases semanais de tres horas, entre as 17.00 e as 20.00 horas, nas dependencias da Casa Dopeso; clases que arrincarán xa a vindeira semana, concretamente, o xoves día 12. As prazas serán limitadas a 45 alumnos polo que, de contar con máis anotados que vacantes, seguirase a orde de inscrición como medio de selección de participantes. Para anotarse tan só é necesario que os interesados teñan máis de 6 anos e se inscriban o antes posible na Oficina Municipal de Información Xuvenil, ubicada no primeiro andar da casa dopeso; telefonando ao 981 44 03 44 ou ben mediante o Espazo Infantil Garabatos, tamén colaborador na organización deste evento.

3/2/15

A Concellería de Emprego informa nas súas dependencias do programa Garantía Xuvenil

O Concello de As Pontes, mediante a concellería de Emprego, informa a tódolos xoves con idade comprendida entre os 16 e os 24 anos ( ampliado ata os 29 anos no caso de persoas con discapacidade) da apertura do prazo para inscribirse no Programa de Garantía Xuvenil, e que inclúe actuacións para mellorar a empregabilidade e para facilitar a inserción no ámbito laboral. Segundo explican dende o departamento que dirixe a edil Ana Pena, inscribirse neste programa faise imprescindible para participar en programas específicos de formación e emprego (Escolas Taller ou prácticas non laborais en empresas), polo que é recomendable consultar no departamento técnico da área de Emprego os requisitos esixidos para poder inscribirse, así como os pasos a seguir para a súa tramitación electrónica. Ademais, para aquelas persoas que non teñan acceso a internet, ou que precisen asesoramento para realizar a inscrición, porase a disposición dos ususarios/as a Aula informática Cemit, na que se conta cos servizos dun técnico informático que guiará ás persoas interesadas a tramitar súa alta electronicamente. Calquera persoa interesada, pode tamén acceder á información do Programa de Garantía Xuvenil mediante a web garantiaxuvenil.xunta.es.

2/2/15

A Feira do Grelo repartirá o vindeiro día 15 máis de 1.500 euros entre as cestas cos mellores grelos e as mellor ornamentadas

As Pontes celebrará o antroido tal e como se merece: cunha nova edición da feira do grelo que cumprirá, o vindeiro día 15, 35 anos de vida e que, de seguro, volverá ser unha vez un dos acontementos estrela da comarca. Nestes últimos días xa estivemos a falar dalgunhas das citas que incluirán estes festexos, coma a exposición adicada ao torneiro Fernando Vérez, e ata xa coñecemos o que será o cartel anunciador dos mesmos, elaborado por Jonás Álvarez. A todo isto súmase, por suposto, a celebración un antroiodo máis do concurso de cestas de grelos e cuias bases xa saían hoxe publicadas no boletín oficial da provincia. Un ano máis, o departamento municipal de Cultura premiará non só ás cestas cos mellores grelos, senón tamén ás mellor engalanadas con máis de 1.500 euros en premios. Coma todos os anos, haberá un primeiro premio de 300 euros á cesta con grelos de mellor calidade, ao que se sumerán tamén un segundo premio de 250 euros, un terceiro de 200 euros e tres accesits de 60 euros cada un. Asemade, tamén se recoñecerán as propostas máis orixinais e mellor engalanadas con tres premios de 300, 200 e 100 euros. No tocante ás bases, éstas son semellantes ás de edicións anteriores e é que cada cesta deberá contar con, como mínimo, 10 madas de grelos que deberán estar expostas no mercado de abastos o mesmo día 15 dende as 10 da mañá e ata as 11, sendo necesario que o seu propietario sexa maior de 16 anos. Cada proposta será valorada por un xurado e as non premiadas poderán poñerse á venda unha vez remate a valoración, recibindo 20 euros cada concursante que non resultase gañador en concepto de desprazamento. A entrega de premios, coma sempre, será contra das 12.30 na carpa que se instalará no patio do colexio santa maría e estará presidida polas autoridades locais e os propios membros do xurado. No tocante ás inscricións, éstas realizaranse entre as 8 e 10 da mañá do mesmo día do concurso, no mercado de abastos, e de darse o caso de contar con máis cestas que postos de exposición dispoñibles a selección dos participantes realizarase por orde de inscrición. Estas bases, ademáis de poder consultarse hoxe mesmo no B.O.P, tamén están a disposición dos interesados na propia páxina web municipal no enderezo www.aspontes.com e, para calquer tipo de dúbida, tamén será posible telefonar á propia concellería de cultura, organizadora do evento, no teléfono 981 44 03 44.

As Pontes celebrará o martes de Entroido da man dunha cabalgata de disfraces na que se repartirán mais de 2500 euros en premios

As Pontes celebrará o martes de Entroido coa tradicional Cabalgata de disfraces, na que poderán participar todas as persoas que así o desexen cumprindo coa normativa establecida pola Concellería de Cultura. Como en anteriores edicións haberá dúas categorías de participación, infantil, para nenos e mozos de ata 16 anos, e adultos, e dentro destas dintínguense as subcategorías de grupos, parellas, e individual. O Concello repartirá 2780 euros en premios, que para as categorías infantís serán en forma de vale canxeables por libros, material e xogos educativos e didácticos. Para a entrega deses premios, o xurado valorará a orixinalidae, o vestiario, a capacidade de representación, a´si como tamén o desenfado e ánimo de Entroido ao longo de todo o percorrido. Na categoría de grupos de adultos os premios serán de 400 euros, 250, e 150 euros para os tres primeiros clasificados, ademais dun accésit de 50 euros. Os mellores disfraces de parellas adultos recibirán premios de 200, 100 e 75 euros. E na categoría individual-adulto o primeiro clasificado recibirá un premio de 100 euros. O segundo 50 euros, e finalmente o terceiro millor disfraz recibirá 30 euros. Na categoría infantil entregaranse cinco premios de 150 euros aos mellores grupos, 75 euros ás parellas mellor disfrazadas e 50 euros aos cinco millores disfraces individuais. Haberá, asemade, un conto para cada ún dos participantes na categoría meniños que, neste caso, non entraría no concurso. As inscricións para tomar parte na Cabalgata de Entroido teranse que tramitar, a partir da vindeira semana, no Departamento de Cultura, no 1º andar da Casa Dopeso, de luns a venres en horario de dez da mañá a unha e media da tarde e ata o mesmo martes de Entroido á unha da tarde. A Cabalgata de Entroido partirá ás 17.00 horas da Rúa Monte Caxado, o martes día 17, percorrendo as Avenidas de Ortigueira e Castelao, a Praza do Hospital, Avenida de Galicia, Alexandre Bóveda e a parada final será no patio do Colexio Santa María, e a entrega de premios farase ao remate da cabalgata.

Cultura abrirá o vindeiro luns o prazo de inscrición para o X Festival de Comparsas

O Festival de Comparsas protagonizará o final perfecto á Feira do Grelo. Son dez xa as edicións desta cita coa que se persegue promover a participación dos veciños nas Festas do Entrodio , a través das comparsas co seu carácter tradicional e popular. No Festival poderán tomar parte un máximo de 7 comparsas, cinco delas das Pontes e dúas de fóra do concello, aínda que no caso de que o número de comparsas inscritas sexa superior a 7, terán prioridade as agrupacións locais, entendéndose como tales aquelas comparsas na que a metade dos seus membros sexan residentes no noso concello. Entenderase por comparsa a agrupación de máscaras nun número superior ás dez persoas, que deberán gardar unha unidade temática tanto no vestiario como na interpretación das cancións. As comparsas entregarán como mínimo tres cancións, que terán que ser en galego, con letras orixinais e inéditas e deberán interpretarse con acompañamento musical, non excedendo en ningún caso os 3 ou 4 minutos. Canto aos premios, a Concellería de Cultura destina 3200 euros para as comparsas que participen nos actos programados con motivo do Entroido; entre as comparsas participantes do Concello das Pontes repartiranse entre todas 2500 euros ata un máximo de 650 euros unidade e as de fóra das Pontes recibirán 350 euros. Haberá ademais agasallso para as mencións especiais a: comparsa con mellores letras, comparsa con mellor vestiario e comparsa que realice a mellor interpretación. Para tomar parte no X Festival de Comparsas é necesario inscribirse, tendo de prazo unicamente do luns 9 de Febreiro ás 10.00 horas ata o xoves 12 de Febreiro ás 13.30 horas.