30/1/09

Construccións Técnicas de Radioterapia creará máis dunha vintena de novos empregos en As Pontes


• A empresa, que estará instalada no polígono industrial de Penapurreira, estará en marcha a mediados deste mesmo ano


O alcalde de As Pontes, Valentín González Formoso, e o concelleiro de Promoción Industrial, Óscar García, exerceron hoxe de anfitrións da que será a nova aposta empresarial do municipio pontés: a firma de construccións para radioterapia CT-RAD.

Na súa intervención, o primeiro edil tildou de esperanzador o feito de que no momento que está a atravesar a economía mundial, se continuen a poñer en marcha novos proxectos industriais que contarán, entre os seus empregados, con veciños e veciñas do municipio. Asemade, González Formoso fixo especial fincapé na importancia desta firma no que respecta ao campo de I+D e ofreceu, unha vez máis, todo o apoio do concello para que este proxecto se convirta en realidade, xa que a administración local e a propia dirección da empresa levan traballando man a man dende hai algo máis dun ano con tal fin.

Pola súa banda o conselleiro delegado da firma, Juan Manuel Caruncho, agradeceu non só a colaboura do propio Concello, senón tamén da Xunta de Galicia, o Igape e do Grupo Aurela para que este proxecto se ejecutase, creando 23 empregos directos e que terá unha gran repercusión no sector do transporte xa que, as previsións baralladas pola empresa, situan entre 50.000 e 60.000 as toneladas de mineral anuais coas que se traballarán en As Pontes, ao que haberá que sumar o transporte dos produtos xa completados, dos que un 80% irán dirixidos á exportación.

Segundo explicou o conselleiro delegado de CT-Rad, a firma toledana ten previsto comezar a operar en As Pontes en xuño ou xullo, despois de investir case cinco millóns de euros no acondicionamento da parcela do polígono de Penapurreira de 34.000 metros cadrados, na que se levantará esta factoría.

A nova fábrica adicarase á elaboración de produtos de radioprotección como bunkers ou muros de formigón para as áreas de radioloxía dos centros hospitalarios, sen esquencer o apartado de innovación e investigación no que se crearán de produtos menos perigosos tanto para o medio ambiente como para os usuarios, a través do uso de novos materiais menos tóxicos que o chumbo ou materiais aillantes que resisten as altas temperaturas.

Malia o seu importante papel na industria da radioprotección que a levou ao liderazgo deste mercado en España e Portugal, CT-Rad está a ampliar o seu radio de acción, rexistrando as súas patentes en Europa e nos Estados Unidos e non descartan iniciar negocios con algún país latinoamericano aínda que, dende a dirección da empresa amosaron a súa prudencia ante unha demanda que, polo momento, non poden satisfacer ao contar tan só cunha fábrica, a instalada na provincia de Toledo.

PROGRAMA CULTURAL XANEIRO FEBREIRO 2009

As Pontes palia as consecuencias do temporal cun dispositivo habilitado dende a pasada fin de semana


O Concello está a repartir grupos electróxenos polas zonas máis afectadas á espera de que se restableza o suministro eléctrico


Os diferentes servizos do Concello de As Pontes, xunto co Grumir, Policía Local, Bombeiros e Protección Civil continúan a traballar para restablecer, na medida do posible, a vida normal por todo o municipio, malia que, nestes momentos, aínda quedan moitos fogares sen suministro eléctrico.

Así as cousas, case unha semana despois do paso do furacán Klaus, os maiores problemas rexístranse nas parroquias que resisten grazas aos grupos electróxenos dos propios ponteses e ao traballo desenvolvido dende o concello, que puxo a desposición da veciñanza varias unidades electróxenas propias ou adquiridas nestas últimas horas para paliar, na medida do posible, o desastre ocasionado por Klaus. Nestes momentos, estes grupos continúan a funcionar sen descanso á espera de que se repare totalmente a liña eléctrica das zonas afectadas.

En relación a este asunto, o alcalde de As Pontes, Valentín González Formoso amosou a súa satisfacción e gratitude ante a colaboura de tódolos veciños xa que moitos deles están a ceder os seus propios grupos electróxenos para abastecer as zonas máis afectadas, comportamento que o primeiro edil calificou coma un auténtico exemplo de solidaridade e colaboración cidadá.

Unha vez restablecido o servizo eléctrico, estes xeradores están sendo trasladados a outros emprazamentos co fin de que que exerzan de reforzo nas zonas máis afectadas aínda que a situación segue a ser complicada, sobre todo nos lugares máis afastados do núcleo urbano e naqueles onde o número de veciños é máis baixo.

A situación dos tendidos eléctricos depende da zona aínda que as parroquias son as máis afectadas xa que os postes de media e alta tensión remataron cedendo ao temporal e non é extrano atopar as liñas a ras da estrada, á espera da reposición das mesmas por parte das empresas suministradoras deste servizo.




Nembargantes, grazas á posta en marcha do dispositivo de emerxencia movilizado dende a noite do venres a través da Concellería de Seguridade e Tráfico puidéronse minimizar, na medida do posible, os efectos do temporal. Efectivos da Policía Local, Protección Civil, Bombeiros e Grumir adicáronse dende a madrugada do venres ao sábado a retirar as árbores caídas que maiores dificultades de tránsito provocaban e que supoñían un maior perigo para os veciños ao derribar algunha liña eléctrica.

Asemade, o concello púxose a desposición de tódolos ponteses e pontesas que, ao non contar con liña telefónica, achegábanse ata a propia Casa Consistorial para dar parte da situación en cada zona e así coordinar os efectivos dispoñibles para atender cada notificación, seguindo un criterio baseado na gravidade de cada caso.

Precisamente, nestes días continuan os traballos de limpeza e recollida de árbores caídas para facilitar o traballo dos operarios das compañías eléctricas, operativo ao que se uniron os propios concelleiros do grupo de goberno, colaborando nas tarefas de cortado e recollida de pólas e árbores para despexar as vías de circulación principal e secundarias.

Deste xeito, segundo aclararon dende o goberno municipal, intentouse ofrecer unha primeira axuda aos afectados ao tratarse da administración máis próxima e á espera de que tomasen cartas no asunto dende a Consellería de Industria, principal responsable de solventar esta problemática, aínda que a gran extensión do propio concello e a dispersión da población rural fixo de As Pontes un dos concellos máis afectados da bisbarra.

Neste momento, continua a pleno rendemento o dispositivo de emerxencias que ten mobilizados a Bombeiros, Grumir, Protección Civil, Policía Local, operarios dos servizos municipais de obras e eléctrico, ao que hai que sumar ó persoal de ata catro empresas que se contrataron dende o concello para colaborar nas labores destinadas a restablecer a normalidade nas zonas nas que logo os operarios das empresas eléctricas deberán facer as reparacións pertinentes.

28/1/09

Robin Hood viaxará a As Pontes o vindeiro domingo da man da compañía estradense A Contrabutaca Produccións

· As localidades poderanse adquirir na mañá do venres ou ben o mesmo día da representación a un prezo de 1,50 euros


A música continuará a ser a principal protagonista da programación cultural elaborada dende o Concello para os meses de xaneiro e febreiro e é que trala representación, a pasada fin de semana dos sevillanos Búho y Maravillas e o seu espectáculo de flamenco, o vindeiro domingo o auditorio municipal Alovi acollerá o musical infantil Robin Hood, da compañía estradense A Contrabutaca Produccións, a primeira compañía profesional galega en levar un dos seus espectáculos ao Teatro Calderón de Madrid.

Xosé Lueiro dirixe esta montaxe para nenos de entre 3 e 14 anos na que o principal fío conductor son as aventuras do mítico ladrón e arqueiro, protagonista das historias da Inglaterra do Medievo, e que rouba aos máis ricos para axudar aos que menos teñen entregándolles o botín acadado.

Así as cousas, o auditorio municipal Alovi converterase dende as 18.00 horas do domingo na fraga de Sherwood onde un Robin Hood atípico, que canta e fala en galego, protagonizará entretidas aventuras rodeado dos seus amigos e das bruxas, meigas e trasnos que habitan Sherwood.

Ao longo dunha hora, os actores Nuria Sanz, Ana Puente, Fran Ameixeiras, Rocío González e Patricia Vázquez, todos eles con gran experiencia no mundo da interpretación, farán chegar aos novos e non tan novos esta entretida adaptación na que tamén ten un gran papel a parte musical, a cargo de Fernando Campos, e a escenografía, traballo de Paco Oti.

As localidades, que terán un custo 1,50 euros, poranse á venda o venres na taquilla do Auditorio Municipal Alovi en horario de 12.00 a 13.30 e a mesma tarde do domingo dende as 16.30 horas e ata o inicio do espectáculo.

O CONCELLO MOVILIZA TÓDOLOS SEUS SERVIZOS PARA FACER FRONTE AOS EFECTOS DE KLAUS





As Pontes viuse afectada a pasada fin de semana polo temporal que, aínda nestes días, continua a azotar toda a costa norte da Península. Así as cousas, na noite do venres os ventos furacanados chegaron a rondar case os 140 quilómetros por hora aínda que observatorios locais rexistraron rachas de vento de 185 quilómetros por hora.

Antes os múltiples danos registrados e a situación vivida ao longo da fin de semana co corte do suministro eléctrico, de auga e telefonía; dende o concello optouse por movilizar tódolos recursos do que o mesmo dispoñía para tratar de apaliar, na medida do posible, a situación, intentando restablecer os servizos mínimos para ir afrontando as primeiras horas, tralo temporal.

Nembargantes, a situación segue complicada nas parroquias do noso concello.
As primeiras avaliacións apuntan datos que nos levan a poder falar de situacións catastróficas para moitos veciños das parroquias, que pensan xa nas reclamacións pertinentes. De feito, dende o concello xa se está a asesorar e canalisar esa tramitación apoiada polos informe se fotografías da policía local.

Pero o máis urxente é evitar males maiores, e que todo quede finalmente en danos materiais, e aínda queda moito traballo por diante.

A reposición , reparación e vixianza dos elementos do mobiliario urbán e dos edifícios que estan en mal estado marca a alerta dos servicios de emerxencia que continúan traballando arreo.

O furacán, que agora xa ten nome, Klaus, acabou por provocar perdas millonarias para os sectores agrícola e forestal, que son precisamente dous piares moi importantes da economía local.

E é que sobre todo no rural non só hai que contabilizar as perdas senón tamén os gastos que supón manter xeradores, en moitos casos privados, e reposicións e reparacións que teñen por diante os veciños.

Cuadras, invernadoiros, e hortas sufriron os efectos devastadores do paso deste vendaval, mentres os gandeiros se ven e desexan para poder muxir ás súas vacas diante da falla do suministro eléctrico habitual.

Para os que tiñan na madeira o seu medio de vida, agora vense obrigados a á retirar as árbores e pólas caidas, e a súa venda resulta nestas condicións moi desavantaxosa

Mesmo no quefacer diario estase a subsistir recuperando os cubos para carretar a auga recorrendo ós vellos pozos, e vólvese tamén ás cociñas de leña en non poucos fogares.

Anque se segue a facer acopio de tódolos xeneradores que se pode, aínda hai fogares sen luz, malia que dende o concello se estiveron a mercar equipos e realizar as xestións para a cesión por outras empresas.

A profusión de masa forestal a carón das liñas de tensión nesta bisbarra facilitou a caída de numerosas árbores sobre o tendido cos conseguintes cortes.

De momento segue a pleno rendemento o dispositivo de emerxencias que ten mobilizados no nosos concello a bombeiros, Grumir, Protección Civil, Policía local, bombeiros, operarios dos servizos municipais de obras e eléctricos, todos
eles con reforzos, ao que hai que sumar ó persoal de ata catro empresas que se contrataron dende o concello para colaborar nos labores destinados a restablecer a normalidade nas zonas nas que logo os operarios das eléctricas deberán facer as reparacións pertinentes.

23/1/09

O pleno aproba por unhanimiedade as obras a financiar a través do Fondo Estatal de Investimento Local

• O concello de As Pontes disporá de algo máis de dous millóns euros que se repartirán entre as diferentes parroquias e o casco urbano


O corporación municipal deu esta mañá luz verde, de forma unánime, ao listado de proxectos que se financiarán coa partida de 2.040.852 euros procedentes do executivo central, a través do Fondo Estatal de Investimento Local e que se facía público o pasado mes de decembro.

Segundo explicou a voceira do equipo de goberno, Montserrat García, estas obras pretenden dar resposta ás demandas dos veciños e veciñas de As Pontes, que foron recollidas nas últimas semanas ao que é preciso sumar o feito de que o listado tamén inclúe algunhas das peticións presentadas polos grupos da oposición a través de diferentes mocións ou nas diferentes sesións plenarias.

A edil de Participación Cidadá subliñou que esta partida económica supón un “balón de osíxeno” que pertimirá desenvolver obras inviables de non contar con estes cartos e acelerar outros traballos xa planeados. Neste senso, a concelleira aclarou que a proposta finalmente aprobada segue uns criterios nos que “se priorizaron as demandas veciñais e os proxectos que repercutirán nunha mellora da calidade de vida e benestar dos ponteses”.

No tocante ás críticas dos grupos da oposición en relación á falta de tempo para consensuar estes proxectos, dende o goberno municipal aclararon que, ao longo destes días, mantiveronse encontros cos diferentes colectivos veciñais para escoitar e priorizar as súas demandas e que, ata que éstes remataron, non foi posible presentar un listado en firme aos demáis grupos políticos que, segundo subliñou o propio alcalde Valentín González Formoso, tiveron as portas abertas en todo momento para facer chegar as súas propostas denantes da comisión informativa celebrada esta mesma semana.

En relación aos diferentes proxectos presentados, éstes afectarán tanto ás parroquias pontesas coma ao casco urbano, dando tamén unha gran importancia aos centros educativos do municipio xa que todos eles serán obxecto de melloras.

Obras nas parroquias

O programa de actuacións aprobado hoxe inclue a instalación dun peche na escola de Goente que permitirá o aproveitamento do porche deste edificio para a realización de actividades, a realización da segunda fase da instalación dos sumidoiros na estrada que chega ao lugar da Cabana e a conexión de Porto do Liño coa rede municipal de sumidoiros, ademáis do aglomerado da pista dos Teixedelos.

Na Faeira pavimentarase a pista principal que chega ata o ceminteiro, mentras que en Ribadeume acondicionarase a explanada do campo e construirase un parque e en Bermui procederase ao aglomerado da pista que chega ata a igrexa desta parroquia.

En San Pedro do Eume mellorarase o estado da pista principal que conecta Lamas coa igrexa da zona, mentras que no Aparral aglomerarase o aparcadoiro do ceminterio e os accesos ao mesmo.

Na parroquia de Gondré acomenteranse traballos para a mellora do depósito da auga da zona ao non estar debidamente aillado, en Somede acondicionarase o entorno tanto da igrexa coma do ceminterio parroquial e está previsto que se constrúa unha pista multiusos, mentras que no Deveso se mellorará o estado da pista de Vilariño.

Pechan este listado de parroquias, Marraxón onde se aglomerará a pista que conecta a capela da zona con Marraxón de Arriba; O Freixo lugar no que se desenvolverá a primeira fase de pavimentación da pista que une Torrillón e Busto, e, finalmente, Espiñaredo, onde se procederá ao aglomerado da pista de Cheiván.


Obras nos centros educativos

No tocante aos centros de ensinanza do municipio, todos eles contarán con algunha partida. Así as cousas, no C.E.I.P A Magdalena renovarase a zona de recreo adicada aos alumnos de infantil cun novo peche e tamén con novos xoguetes.

Monte Caxado verá mellorado o seu aspecto cunha nova pista deportiva, a creación dun espazo pechado para que os alumnos poidan xogar ao resgardo das inclemencias meteorológicas, e a ampliación do vial que comunica os pavillóns de Primaria e Secundaria.

No centro educativo de A Fraga baixaranse os teitos de todo o edificio debido aos problemas de calefacción, xa que este centro non rexistra unha temperatura axeitada nos meses de inverno e, ao mesmo tempo, procederase á renovación da instalación eléctrica e das canaletas do centro.
Pecha este paquete de obras o colexio de Santa María, ubicado en pleno centro, será o que reciba o lavado de cara máis importante coa substitución do seu actual peche perimetral, o arranxo da pista deportiva e o cambio da chapa que exerce de teito do porche onde se resgardan os máis pequenos denantes de entrar ás clases; medidas todas elas que pretenden modernizar e revalorizar esteticamente este edificio que xa é parte do patrimonio cultural pontés.


Obras no casco urbano

O terceiro apartado de obras inclúe o aglomerado das rúas Cabo Pastor, Narón, Mañón, Presa de Alende, Curros Enríquez, Portorroibo, Telleira, Santiago Apostol, Praza de Uxío Novoneira, Vincallo, Ramón Cabanillas, Ourense, Vicente Risco, Vilar Ponte e a rúa que conecta o encoro da Ribeira coa pista de Pontoibo.

Asemade, reporanse beirarrúas na Cal da Avelaíña, Canle IV e rúas Meidelo e Antonio Machado.

No que respecta aos traballos de reposición de tubaxes, estes afectarán ás rúas Curros Enríquez, Portorroibo, Camelias, Calderón de la Barca, Lope de Vega e Telleira. Asemade, tamén se acondicionarán as rúas interiores dos poboados do Muíño e do Barreiro.

Finalmente, serán obxecto de mellora a praza da Capela do Carme onde está prevista a substitución do pavimento actual que resulta extremadamente esbaradizo; a remodelación do parque infantil con novos xogos e un espazo habilitado exclusivamente para os nenos máis pequenos e outro para os maiores con elementos que permitan desenvolver diferentes actividades físicas adaptadas á súa idade, e a construcción dun paseo que conecte a rotonda da Vilavella coa Avenida de Galicia, pasando pola ponte da Perfolla, xa que esta zona é moi frecuentada por gran cantidade de veciños e veciñas que escollen este traxecto para o seu paseo diario.

A música tradicional galega protagoniza a sexta edición da Mostra de Bandas de Gaitas de As Pontes

• A Banda da Escola Municipal de As Pontes, a Agrupación San Xiao do Trebo e a Banda de Gaitas Maruxía integran o cartel deste recital

A música desenvolverá un importante papel esta fin de semana xa que, ademáis da obra teatral Los Músicos de Bremes da compañía Búho y Maravillas, o sábado será posible desfrutar dunha nova edición da Mostra de Bandas de Gaitas de As Pontes.

Esta xa sexta convocatoria terá como escenario o auditorio municipal Alovi e dará comezo ás 20.00 horas.

Para esta cita, ademáis dos alumnos e alumnas da Banda de Gaitas da Escola Municipal de As Pontes que actuarán como anfitrións, tamén está prevista a presenza da Banda de Gaitas Maruxía do concello de Laxe, unha formación con xa varios traballos discográficos no mercado no que mesturan temas propios con composicións que forman parte da historia e tradición musical de Galicia.

Completan o cartel desta edición a Agrupación Folclórica San Xiao do Trebo, procedente do municipio ortegano de Cariño e que, dende 1989, protagonizou múltiples actuacións ao longo de toda Galicia cun repertorio no que non faltan muiñeiras coma as de Lugo, Chantada ou San Xoan, pasodobres da altura do pasodoble de Lalín ou Adelita e temas tan coñecidos coma o Vals dos Vellos.

Para poder asistir a este espectáculo e desfrutar da música tradicional ao máis puro estilo da nosa terra tan só será preciso achegarse na tarde do sábado polo auditorio municipal Alovi xa que a entrada é totalmente gratuíta.

21/1/09

Monicreques e flamenco daranse cita o domingo en As Pontes da man da producción Los Músicos de Brenes

• As localidades, que terán un custo de 1,75 euros, poranse á venda o venres, ademáis do domingo denantes do comezo da función

A compañía sevillana Búho y Maravillas protagonizará a axenda cultural da fin de semana en As Pontes a través da súa producción Los Músicos de Brenes, un espectáculo que une monicreques e flamenco e que, o vindeiro domingo, ás 18.00 horas, encherá de música en directo ao máis puro estilo andaluz o auditorio municipal Alovi.

A montaxe está baseada na fábulo dos irmáns Grimm, Los Músicos de Bremen, na que catro animais vense abandoados e desprezados polos seus donos ao cumprir certa idade, momento no que os protagonistas optan por abandoar o seu ata ese intre fogar para iniciar unha nova vida chea de aventuras. Malia estar dirixido principalmente aos máis novos, este espectáculo tamén esperta gran interese no público adulto pola orixinalidade e beleza da posta en escea.

A obra, que inclúe como principal novidade a música en directo e o baile flamenco, mantén os valores do texto orixinal dando gran relevancia ao importante papel dos nosos maiores para a sociedade, o poder da unión da cidadanía para loitar por un mundo mellor e a necesidade de coidar o entorno.

Dirixida por Juan Luis Clavijo e Jesualdo Díaz, esta función tan única como atractiva polo seu compoñente cultural inclúe, entre o seu elenco, ao grupo de música flamenca Los tres buleros, aos cantaores Carmela La Chocolate e Juan Murube, ao guitarrista Rubén Silva e á bailaora Juana Larreta, que tamén exercen como marionetistas.

As localidades, que terán un custo de 1,75 euros, poranse á venda o venres na taquilla do Auditorio Municipal Alovi en horario de 12.00 a 13.30 e a mesma tarde do domingo dende as 16.30 horas e ata o inicio do espectáculo.






Solomillo: una historia poco hecha

Dende onte tamén é posible adquirir unha localidade para a montaxe Solomillo: una historia poco hecha, que a compañía Sexpeare traerá ata As Pontes o 6 de febreiro, da man de Caixanova.

As localidades, que teñen un custo de 6 euros, pódense mercar a través da páxina web www.caixanova.es ou no teléfono 902 504 500. Asemade, a mesma tarde do espectáculo e se aínda quedan localidades, éstas poranse á venda na propia taquilla do auditorio municipal de 12.00 a 13.30 horas e dende as 19.00 ata o inicio da función.


Exposición fotográfica

Dende onte e ata o 3 de febreiro será posible visitar na sala de exposicións do ercado Vello a mostra Fotografías de Natureza, unha colección de instantáneas realizadas por fotógrafos ponteses e orteganos mediante a que se pretende sensibilizar á veciñanza da importancia de coidar e protexer o entorno natural.

A flora e a fauna da zona son as protagonistas desta actividade desenvolvida polo grupo ecologista Niño do Azor e que se poderá visitar de martes a venres en horario de 18.00 a 19.30 e o sábado entre as 11.00 e as 13.30.

González Formoso amosa a súa satisfacción ante decisión de Industria de retirar os avais para as axudas á reindustrialización das comarcas de Ferrol,

• O alcalde subliñou que a medida permitirá aos emprendedores sen capacidade económica presentar proxectos interesantes e solventes

As Pontes, 20 de xaneiro de 2009.-
O goberno municipal pontés, a través do alcalde Valentín González Formoso, deu conta hoxe da súa satisfacción pola supresión, por parte do Ministerio de Industria, da presentación de avais bancarios por parte das empresas interesadas en beneficiarse dos plan de axudas á reindustrialización das comarcas de Ferrol, Eume e Ortegal, calificando de moi positivas e necesarias medidas deste tipo para afrontar a crise económica que vive España.

A xuízo do primeiro edil pontés, o anuncio realizado a pasada semana polo presidente da Xunta de Galicia, Emilio Pérez Touriño, supón a supresión dun obstáculo moi importante para a chegada de novas empresas aos concellos destas tres comarcas e que, tal e como aclarou, implica a eliminación de trabas e obstáculos para interesantes iniciativas empresariais nun tempo de crise no que, medidas desta índole, son a mellor alternativa para afrontar a situación económica actual.

González Formoso aclarou que é lóxico que o goberno estatal esixa este tipo de compromisos por parte das firmas interesadas en afincarse en Ferrol, Eume e o Ortegal aínda que este tipo de requisitos impedía o acceso a estas subvencións a emprendedores con boas ideas e interesantes proxectos con futuro e perfectamente solventes.

Con esta decisión, segundo explicou o alcalde pontés, permitirase que os aspirantes a estas axudas que carezan dunha capacidade económica suficiente para aportar estes avais, teñan a oportunidade de acceder ás mesmas para dar vida a unha idea viable a nivel empresarial.

10/1/09

NUMEROS PREMIADOS SORTEO MERCA NAS PONTES


5º 11545 (optica cortizas)

Reservas: 54321 y 36468



4º 87288 (electricidade elicio gómez)

Reservas: 06460 y 42884



3º 143158 (xoiería templo)

Reservas: 110896 y 106260


2º 11564 (optica cortizas)

Reservas: 20778 y 26802


1º 12002 (floristería ledicia)

Reservas: 24217 y 113754


Premios:

1º 4000 euros para o cliente e un bono para o club termal de Vilalba para o establecimiento.

2º Bono hotel de 2 noites de hotel en España, Francia o Portugal para o cliente por xentileza de Halcón Viajes e bono para o club termal de Vilalba para o establecimiento.

3º Tarxeta Hotel Color xentileza de Barbol Viajes para o cliente e bono para o club termal de Vilalba para o establecimiento.

4º Cena no restaurante o xantar para o cliente e una noite de hotel en Pontes do Eume para o comercio.

5º Comida en Casa Teresa para o cliente y cea no restaurante 5 Jotas para o comerciante.

8/1/09

A corporación municipal aproba por unhanimiedade dúas mocións na primeira convocatoria plenaria de 2009

· Os textos esixen o cese dos ataques en Gaza e a retirada das medaias do Concello a Franco, Lobo Montero e Girón de Velasco

O goberno municipal deu hoxe luz verde, na primeira sesión plenaria do ano, a unha moción mediante a cal se retirará a medaia de ouro do municipio ao dictador Francisco Franco, outorgada en 1950, e das medaias de prata ao ministro de Traballo da Dictadura, José Antonio Girón de Velasco, e ao xeneral Constantino Lobo Montero, co fin de cumprir coa lei 52/2007 do 26 de decembro, ou Lei de Memoria Histórica.

Así as cousas, segundo subliñou a voceira do equipo de goberno, Montserrat García, o grupo socialista pontés, apoiou esta medida, presentada polo BNG, xa que considera que é preciso que desaparezan os signos que dividiron a España hai setenta anos e que se cobraron miles de vidas. Asemade, a tamén concelleira de Participación Cidadá expresou a súa repulsa a calquer tipo de actuación que teña a violencia como arma, defendendo o uso do diálogo e os mecanismos democráticos como medios para lograr a paz.

Por outra banda, na sesión de hoxe aprobábase unha segundo texto, tamén presentado polo BNG en relación ao apoio ao pobo palestino da franxa de Gaza que está a ser vítima, estas últimas xornadas, de continuos ataques a mans do exécito israelí.

Así as cousas, e por unhanimiedade, a corporación pontesa respaldou esta moción na que se esixe non só o cese dos bombardeos en Gaza e se respeten os acordos de Nacións Unidas sobre a ocupación territorial, senón que tamén se propón ao goberno estatal que corte relacións, tanto diplomáticas como económicas con Israel.

Asemade, a sesión incluíu a aprobación das actas plenarias dos pasados 28 de novembro e 4 de decembro de 2008 e deuse conta dos decretos de alcaldía do mes de decembro.